أشهر الطرق لعمل كحك وغريبة وبتي فور وبسكويت العيد

أشهر الطرق لعمل كحك وغريبة وبتي فور وبسكويت العيد

أشهر الطرق لعمل كحك وغريبة وبتي فور وبسكويت العيد

كل سنة وإنتم طيبين.. كلها كام يوم وييجي العيد

وأكيد الفترة دي بيحلى فيها تجمع الأسرة والعيلة في البيت لعمل الكعك
والبسكويت والغُريبة والبيتي فور، وغيرها من الحلويات الجميلة
اللي بتميز الأيام الجميلة دي، واللي الواحد بيستناها من السنة للسنة..

يلا وهنبدااااء.

كحك العيد بالبيكنج بودر
أشهر الطرق لعمل كحك وغريبة وبتي فور وبسكويت العيد %D9%83%D8%AD%D9%83

أشهر الطرق لعمل كحك وغريبة وبتي فور وبسكويت العيد %D9%83%D8%AD%D9%83

المقادير‏:
• 1‏ كيلو دقيق‏ (8 أكواب متوسطة دقيق منخول‏)
• 3‏ أكواب زبد‏
• 1‏ كوب لبن‏
• ملعقة صغيرة بيكنج بودر
• ‏ذرة ملح‏
• 2‏ ملعقة صغيرة ريحة كحك
• 2‏ ملعقة كبيرة سمسم محمص

للحشو‏:
عجمية أو ملبن
مكسرات محمصة ومجروشة‏ (‏بندق-‏ عين الجمل‏)‏

الطريقة‏:‏

1. اضربي الزبدة بالمضرب الكهربائي أو في العجان لغاية ما تنعم وبعدين حطي اللبن واستمري في الخفق لغاية ما تلاقي الخليط متجانس‏.‏

2. حطي ‏6‏ كوبايات دقيق في طبق العجن وضيفي لهم البيكنج بودر والملح ورشي فوقهم السمسم وريحة الكعك‏.‏

3. ‏‏صبي فوقهم اللبن بس بالتدريج واعجني ده كله مع بعض لغاية ما تلاقي العجينة مابتلزقش في إيدك وتكون سهلة التشكيل ولو حسيتِ إن العجينة محتاجة شوية دقيق حطي باقي الدقيق بس خلي بالك بالتدريج‏.‏

4. قطعي العجينة كور صغيرة وافرديها على إيدك وانقشيها بالمنقاش بس تراعي إنك ماتضغطيش على الكحكاية بإيدك.

5. دي كانت طريقة الكحك السادة لو عاوزة الكحك محشي قومي بنفس الخطوات اللي فاتت بس قبل ما تنقشي خدي كورة من العجين واحشيها باللي إنتِ عاوزاه سواء ملبن أو عجمية.

6. رصي الكحك في صاجات بعد دهن الصاج بالسمنة وراعي إنك تسيبي مسافة بين كل واحدة والتانية، وسخني الفرن واظبطيه على درجة حرارة متوسطة، وبعد فترة دخلي الصاج الفرن لغاية ما الكحك يتحول للون الدهبي.

7. شيليه من الصاجات وسيبيه لغاية لما يبرد ورصيه في علب ورشيه بالسكر البودرة لما تيجي تقدميه‏.‏

وبالهنا والشفا

البسكويت

البسكويت بالذات كذا نوع، فيه اللي بالنشادر واللي بجوز الهند واللي بالقرفة واللي واللي.. وعلشان كده احنا اخترنا لك كام نوع سهلين في العمايل.

بسكويت النشادر
أشهر الطرق لعمل كحك وغريبة وبتي فور وبسكويت العيد 1111111111111111111

أشهر الطرق لعمل كحك وغريبة وبتي فور وبسكويت العيد 1111111111111111111

المقادير:
• كيلو دقيق منخول
• كوباية سمن
• 2 1/ 2 كوباية سكر بودرة
• 5 بيضات
• كوباية لبن
• ملعقة كبيرة نشادر
• فانيليا.

الطريقة:

1. اضربي السمن مع السكر لغاية الخليط ما يبقى زي الكريمة.

2. اضربي البيض مع الفانيليا كويس لغاية ما الخليط يبقى غليظ وبعدين ضيفي السكر والسمن للخليط مع الاستمرار في الخفق لغاية ما يتجانس.

3. تذاب النشادر في نصف كوباية لبن وضيفيه للخليط السابق.

4. ضيفي الدقيق بالتدريج بالتبادل مع اللبن لغاية ما تلاقي العجينة سهلة في التشكيل.

5. تشكل العجينة حسب الرغبة إما بماكينة البسكويت أو تقطع بالقطاعة، ثم ترص الوحدات في صاجات مدهونة بالزيت على مسافات متباعدة علشان مايلزقش.

6. اظبطي الفرن على درجة حرارة متوسطة ولما يسخن حطي الصاجات في الفرن.

7. ارفعي البسكويت من الصاجات وسيبيه لغاية ما يبرد خالص وبعدين رصيه في علبة.

ملحوظة:
لو عاوزة يبقى بطعم القرفة أو البرتقال ضيفي للعجينة ملعقتين قرفة أو كوباية عصير برتقال.

بسكويت جوز الهند
أشهر الطرق لعمل كحك وغريبة وبتي فور وبسكويت العيد 1225046787shams

أشهر الطرق لعمل كحك وغريبة وبتي فور وبسكويت العيد 1225046787shams

المقادير:
• 2 كوباية دقيق
• 4/3 كوباية زبدة
• 1/2 كوباية سكر بودرة ‏
• 1‏ بيضة
• ‏ فانيليا
• ‏1‏ صفار بيضة‏
• ‏ كوب جوز هند ناعم‏
• ‏ذرة ملح‏
• 1‏ ملعقة صغيرة بيكنج بودر
• ‏2‏ ملعقة كبيرة لبن حسب الحاجة‏

لدهان الوجه‏:‏
بيضة مخفوقة مع فانيليا‏.‏

الطريقة‏:‏
1. اضربي الزبدة مع السكر لغاية ما تبقى زي الكريمة‏.‏

2. اضربي البيضة وصفار البيضة بالشوكة وضيفيهم للخليط السابق‏.

3. اخلطي الدقيق مع البيكنج بودر والملح وجوز الهند وحطي الخليط ده على المقدار السابق واعجنيهم لغاية ما العجينة تبقى سهلة ويمكن تشكيلها‏.‏

4. ممكن إنك تحطي 2‏ ملعقة كبيرة من اللبن إذا كانت العجينة يابسة (ناشفة وإنت مش عارفة تشكليها).‏.‏

5. ممكن إنك تشكلي العجينة حسب ما إنت عايزة إما بماكينة البسكويت أو بالقطاعة‏.‏

6. ‏رصي قطع البسكويت في صينية على مسافات متباعدة ويدهن الوجه بالبيضة المخفوقة مع الفانيليا‏ وسخني الفرن في درجة حرارة متوسطة، وبعد فترة دخلي البسكويت ‏واتركيه لغاية ما لونه يبقى دهبي.

7. شيليه من الصاج وهو سخن وسيبيه لغاية ما يبرد ورصيه في علب.

وبالهنا والشفا

الغريبة
أشهر الطرق لعمل كحك وغريبة وبتي فور وبسكويت العيد Ghriba1

أشهر الطرق لعمل كحك وغريبة وبتي فور وبسكويت العيد Ghriba1

المقادير‏:
• 1‏ كيلو دقيق ‏(8‏ أكواب متوسطة‏)
• 3‏ أكواب زبد‏
• 1‏ كوب سكر بودرة‏
• بياض بيضة
• فانيليا
• ذرة ملح‏
• أنصاف لوز للتجميل

الطريقة‏:‏

1. انخلي الدقيق واضربي الزبدة مع السكر بالمضرب الكهربائي لغاية ما ينعم الخليط ويبقى مثل الكريمة.

2. اضربي بياض البيضة مع الفانيليا بالشوكة وضيفيه للخليط السابق مع الاستمرار في الخفق‏.

3. حطي الدقيق بالتدريج واعجني المقدار لغاية ما العجينة تبقى ناعمة (ماتكونش بتلزق في إيدك)‏.

4. سخني الفرن وبعدين شكلي العجينة علي هيئة كرات صغيرة بحجم البندقة الكبيرة واغرزي فيها نص لوزة وبرضه تراعي إنك ماتضغطيش عليها بإيدك‏.‏

5. ادهني الصاج بالسمنة ورصي فيه الغريبة واظبطي الفرن على درجة حرارة متوسطة لغاية ما تستوي، بس خلي بالك إن لونها مايتغيرش يفضل زي ما هو سكري فاتح‏.‏

6. شيليها من الصاجات أول ما تخرج من الفرن بس بالراحة لأن الغريبة ناعمة‏.‏

7. لما تبرد كويس رصيها في علب التقديم‏.‏

وبالهنا والشفا

البيتي فور
أشهر الطرق لعمل كحك وغريبة وبتي فور وبسكويت العيد 157_Large138

أشهر الطرق لعمل كحك وغريبة وبتي فور وبسكويت العيد 157_Large138

المقادير:
• 3كوبايات دقيق
• 1/2 كوباية زبدة
• 1/2كوب مربى مشمش
• 1/2كوب فستق مطحون للتجميل
• 1 بيضة
• 4/3كوب سكر ناعم
• ذرة ملح
• 1/2 ملعقة صغيرة بيكنج بودر
• ملعقة صغيرة فانيليا

الطريقة:

1. اضربي الزبدة مع السكر بالمضرب الكهربائي لغاية ما تبقى ناعمة مثل الكريمة، ثم ضيفي إليها البيضة.

2. ضيفي الدقيق إلى البيكنج بودر والملح وضيفيهم إلى الخليط السابق بالتدريج ومع التقليب المستمر لغاية ما تبقى العجينة سهلة التشكيل.

3. تشكل العجينة بماكينة البيتي فور أو بقمع موضوع في كيس قماش، ممكن إنك تشكليها زي ما إنت عايزة على شكل وردة أو كورة صغيرة ثم رصيها في صينية تيفال.

4. سخني الفرن على درجة حرارة متوسطة ثم دخلي البيتي فور لمدة ربع ساعة.

5. خرجيه من الفرن واتركيه لغاية ما يبرد.

6. للتجميل ادهني طرف البيتي فور بمربى مشمش ورشي فوقه فستق مطحون.

ملحوظة:
لما تعمليه بالشكولاتة شيلي مقدار 1 1/2 ملعقة دقيق ويوضع بدلا منها بودرة كاكاو.

وبالهنا والشفا يارب يكون عجبكم.

أشهر الطرق لعمل كحك وغريبة وبتي فور وبسكويت العيد

وصفة سهلة
جزاك الله عنا كل خير...
جعله الله في ميزان حسناتك
لكى حبي وتقديري
:flowers:

» كحك وغريبة وبسكوت على طريقة جدتي..مذاق العيد فى بيتك
» الطرق الصحية لتناول لحم الضأن في العيد.
» مجموعة تصاميم لابواب عجيبة وغريبة
» تشكيلة غير تقليدية وغريبة تجعل الجلوس له طعم آخر.
» فن الرسم على الوجه والجسم بطريقة طريفة وغريبة

أشهر الطرق لعمل كحك وغريبة وبتي فور وبسكويت العيد

أشهر الطرق لعمل كحك وغريبة وبتي فور وبسكويت العيد

مواضيع مماثلة

مواضيع مماثلة