استمرار الإضراب بمدارس القاهرة.. والمحافظ يجتمع بالمديرين
وزارة التعليم: 3% من المدارس شهدت إضراباً للمعلمين اليوم
معلمو "السعيدية"و"الجيزة الإعدادية" يستقبلون وزير التعليم بالإضراب
وزير التعليم يفشل فى إقناع معلمى الجيزة بفض الإضراب
مصادر بـ"التعليم": نحتاج 6 مليارات جنيه لإنهاء أزمة حوافز المعلمين
محافظ الغربية يوقف المعلمين المشاركين فى الإضراب عن العمل
الجيش يتدخل لفض مشاجرة بين مدرسى وأهالى بورسعيد بسبب الإضراب
أولياء أمور يشعلون النيران فى إدارة أهناسيا التعليمية ببنى سويف
دخول عشرات المدارس بأسيوط فى إضراب المعلمين
حركات المعلمين: تعليق الإضراب مشروط بإعلان الحكومة خطة زمنية لتعديل قيمة الحوافز ورفع العقوبات عن المُضرِبين.. وتوجيهات من الإخوان لمعلميها بالتحرك داخل المدارس لوقف الاحتجاجات
استمرار الفوضى بالمدارس بسبب إضراب المعلمين.. والطلاب فى الشوارع.. والمدرسون يهددون بمليونية أمام مجلس الوزراء.. ومحافظ الغربية يقرر وقف المضربين عن العمل

معاكى حق يا دودى

انما تفتكرى كل اللى بيطالب بيه المدرسين حقوق مشروعة

يعنى من اول اسبوع لتسلم الوزير لمنصبه و هما بيتظاهروا "يمشي.. يرحل"

الله.. هو مش ده اللى كانوا هيموتوا عليه وقت ما كان فى الوزارة قبل كده؟

و بعدين هو انتوا يعنى كنتوا شوفتوا اداؤه دلوقتى عشان تطالبوا برحيله

و المدرس اللى بيطالب براتب مساوى لواحد زميله مهندس بالبترول

و الله امره غريب

مقدرش ليه يتساوى مع زميله ده من الاول و يدخل هندسة و يشتغل زيه فى البترول

احنا نسينا ان الدنيا و الاخرة درجات

و كل واحد بياخد نصيبه فيهم و لا ايه مش فاهمة؟

انا عن نفسي مش شايفة ان ليهم اى حقوق او مطالب مشروعة الا الحد الادنى للاجور لما يتطبق على الكل

و كما حافز الاثابة

دى حاجة

حاجة تانية

فين الحكومة من تطبيق قانون منع المظاهرات بالهيئات و المؤسسات الحكومية؟

و الله اللى مش عاجبه حاله يسيبه لغيره

فيه الوف قاعدين فى بيوتهم زى حالاتى بيتمنوا تراب الوظيفة عامة و قيمة مهنة سامية زى دى خاصة

اخر حاجة

هو ده وقته يا حضرات المدرسين المحترمين

ولا ده اسلوب انكوا تاخدوا ولادنا كوسيلة ضغط لتحقيق منافعكم الخاصة اللى ملناش اى صلة بيها؟

كان فيه اكتر من وسيلة للاعلان عن موقفكم بعيد عن الضغط على ولادنا

بس كل اللى عمل اضراب مش اهل للثقة ولا اهل لمهنة الانبياء دى

و حسبى الله و نعم الوكيل