تجرد مدرس تربية رياضية من مشاعر الأبوة وخالف مهام واجبه التعليمي والوظيفى حيث اعتدى على طالب بالصف السادس الابتدائي بـ"جريدة خشبية" وإنهال على ظهره ووجهه مما أحدث به إصابات بالغة.

تقدم والد التلميذ محمد وائل محمد جاد الكريم المقيد بالصف السادس الابتدائي بمدرسة الفرما الابتدائية ببورسعيد بالبلاغ رقم 3458/2011 جنح نيابة الشرق يتهم فيه محمود عباس مدرس التربية الرياضية بالمدرسة بالاعتداء على نجله خارج المدرسة بعد رفضه جمع القمامة من الفناء حيث تقابل مع التلميذ أمام باب المدرسة وانهال عليه ضربا بـ"جريدة خشبية".
وأثبت التقرير الطبي رقم 498 والمحرر من الدكتور عماد شوقي أخصائي الرمد بوجود كدمة وتجمع دموي بالوجه من الناحية اليسرى للعين وممتد إلى الخد اليسرى وسحجات بالخد اليسرى ونزيف تحت الملتحمة والعين اليمنى سليمة ظاهريا.
ووجه الأب استغاثته للدكتور أحمد جمال الدين وزير التعليم لإعادة الحق لابنه ومعاقبة المعلم والتي طلبت النيابة استدعاءه لسماع أقواله.

المدرسين رجعوا نوروا صفحة الحوادث من تانى

كنا قلنا ربنا لهاهم عن عيالنا بالمظاهرات و المطالب

بس لسه الفئة القليلة من معدومى الضمير منهم مش هاممهم

و الله الصور قطعت قلبى

و لو كان المدرس ده ادامى

كنت اكلته باسنانى

هو مش فاهم ان التلميذ ده امانة الاهل استودعوها عنده لطلب العلم؟!

و بعدين حكاية جمع القمامة من الحوش دى معادش ينفع السكوت عليها

روان بنتى بتاخد كيس فى شنطتها و هى رايحة المدرسة يوميا

انا معوداها تحط فيه اى زبالة عندها او تحت الديسك بتاعها

بس الاسبوع اللى فات قبل الطابور

المدير زعق فيهم عشان يلموا الزبالة من الحوش قبل الطابور

و الحمد لله انى كنت واقفة

اتخانقت معاه خناقة لرب السما

و قلت له "انا هاجيبلك مقشة و سله و لم انت الزبالة دى انت و المدرسين"

و بعدين فين العمال؟!

هنقول غلابة و ربنا يكون فى عونهم و كده

ماشي بس هما اتعينوا عشان كده

و لو عددهم قليل و ده اكيد

الوزارة مبتعينش ناس ليه؟

امال الفلوس اللى بالهبل اللى فى الوزارة دى فالحين بس يقسموها على حيتان الوزارة و خلاص؟

لو الكبار بتوع الوزارة اتقوا ربنا فى عملهم

مكانش ده بقى حال المسكين ده

ربنا يصبر اهله

يا عيني يابني
الله يكون في عونه شكله يقطع القلب
عارفة يادوللي موضوع جمع القمامة ده مش دايما بيكون وحش
انتي عارفة طبعا اني في مدرسة فرنسية
ورغم كده كانوا بيخللوا الطلبة تجمع اكياس الشيبسي والشيكولاتة من الحوش
وماكناش بنشتكي عارفة ليه ؟؟؟
لأنه بيعلم الطالب انه يحفظ كرامته امام الجميع
حتقوليلي إزاي ؟؟؟
اقولك انه مش حيرمي ورقة على الأرض وبالتالي مش حينظف الحوش
وبكده حافظ على كرامته ونظافة المدرسة
لكن توصل للضرب المبرح بالشكل الوحشى والهمجي ده؟؟؟
شئ غير مقبول بالمرة.

يا سلام على الحكمة يا ميما
اسم على مسمى
انتى جاية تهدى النفوس.. صح؟
خلاص يا اخواننا
من بكرة نعمل ائتلاف "حركة اولياء الامور اللى ولادهم بيلموا الزبالة"
و هنعمل مسيرة لحد مصنع تدوير القمامة اللى ف ميت غمر
و الله يا ميما العالم كله ف وادى و احنا هنا فى وادى
المدرس اللى قتل تلميذ من سنتين من كتر الضرب عارفة اتعمل معاه ايه؟
اتحبس و اتحاكم
و اخد سبع سنين حبس
شوفتى العدل
دودى حبيبتى
انا مش معترضة اننا نعلم ولادنا النظافة و انها مش عيب و كده
بس حبيبتى
فضلاتها ماشي
فصلها معقول
انما الحوش
ليه؟
و العمال اللى بالمدارس لزمتهم ايه طيب؟
اسعدنى مروركم و مشاركتكم