يكفي أن تحتاج لورقة من أى مصلحة حكومية ليتهرب منك المسؤول
تترجاه و كأنك تتسول منه فيدير وجهه عنك وتخاف أن تضيع منك الورقة
فيضيع غرضك ومصلحتك وتحتار وتتساءل لماذا هذا التلاعب بمصالحنا ؟
لماذا هذا التهرب ؟ فتسمع ممن سبقوك شوفه بس بأى حاجة كده
تتردد وتقول مع نفسك : الرشوة حرام
سوف انتظر حتى يسمح له ضميره باعطائى حقى ..
.. للأسف يطـول الإنتظـارلأن صاحبنا لاضمير و لاوازع أخلاقي لديه !!
وقد ترفع صوتك للتنديد و قد تهدده أن تشتكيه للمسؤول الأعلى منه
فتكتشف أنه صورة طبق الأصل منه......
تقرر أخيرا وتحت الضغط أن تتنكر لمبادئك و أن تتعامل كما يتعاملون ..
وبمجرد أن ترمي أمام المسؤولِ مغصوبا الورقة النقدية
يزيل قناعا وضع اخر ويصبح شخصا طيبا لطيفا مؤدبا خدوما
تستغرب كيف تم التحول بهذه السرعة ، وكيف يبيع المرء نفسه بثمن بخس ؟

والعجيب أنك كلما دخلت إدارة تقرأ لافتات مكتوب عليها لا للرشوة

-لماذا نتصرف هكذا رغم علمنا أنه خطأ وخطأ ؟
~ هل سبق و أن اضطرتكم الظروف لتقديم رشوة ؟
~ مارأيك فيمن يعتبر الرشوة هدية أو إكرامية أو ... ؟
تعددت التعليلات والتبريرات والرشوة واحدة !!

موضوع جميل جدا
بصراحة عمري ما اعطيت رشوة لحد
مهما كانت حاجتي لتحقيق طلبي
ده حقي ولازم اخذه بالذوق والقانون
وعلى فكرة انا مش بخاف
يعني ممكن جدا اصعد المسائل قوي لحد حقي مايوصلني بكل ادب وإحترام
لعن الله الراشي والمرتشي
شكرا على الموضوع.

بصوا يا جماعة
لازم الاول كده نشيل من ثقافتنا انه الرشوة انك تعطى فلوس لموظف بس عشان يخلص لك مصلحتك
لالالالالالالالالالالا
الموضوع يا جماعة اكبر من كده و موجود فى كل تعاملاتنا
يعنى ابسط حاجة
لما تحبى العاملة اللى بالروضة او المدرسة تهتم بابنك او بنتك شوية هتعملى ايه؟
هتديها اللى فيه النصيب عشان تنفذ المطلوب
و يا ريت ميكونش المبرر اللى بندارى بيه على اللى بنعمله ده موجود
اللى هو "دول ناس غلابة .. و اهو دى تعتبر صدقة"
و ده مش صحيح
لان انا ليا هدف محدد و عشان اوصل له لازم ادفع
مثال تانى
لو الصرف الصحى بمنزلى المتواضع "المجارى يعنى" محتاج يتسلك
هتلاقى العامل اللى يجيلك فورا و يؤدى عمله على اكمل وجه من غير ما تدفعله؟
طبعا استحالة
دى امثلة بسيطة و هتبان هايفة
بس مندرجة تحت نفس المسمى
صح ولا لأ؟
و بعدين السبب الى بتسأل عنه يا احمد
انه فعلا معادش ينفع اننا نعمل حاجة من غير ما ندفع مقابلها
القليل او الكثير
انا عن نفسي دفعت
مش مبالغ كبيرة
بس زى ما بنقنعها و نقول عليها اكراميات
و اخر اكرامية لسه دافعاها من يومين فى ريسيبشن مستشفى خاص عشان بنتى كانت تعبانة جدا
و النيرس لو محطتش فى جيبها المعلوم
مكانتش لا هتعلق لها المحلول ولا هتعبر اللى جابونا
مشكور يا احمد على الموضوع الجميل