نظرا للأحداث الحالية
مريناب وماسبيرو والدنيا دي
انا اعصابي بايظة جدا بس بحاول اتماسك
ودودي تعبانة جدا وقلبها واجعها
وخايفين تدخل في ازمة قلبية تاني
ارجوكم ادعولها واعذرونا لو ما دخلناش
لأن انا كليتي هتبتدي بكرة
ودودي زي ما بقولكم كده
بس هحاول ابقي ادخل
علي قد ما اقدر عشان ابقي معاكم

ازمة قلبية ايه بس يا توتى بعد الشر
الف سلامة عليها وان شاء الله تبقى كويسة
وانتى ربنا يوفقك فى الكلية
وان شاء الله نشوف كتير
وسلمى على دودى كتير ..

شكرا لردك يا أحمد
انا قريت لدودي كلامك
وهي سعيدة جدا انك رديت
وانا ربنا يستر معايا لأني
في جامعة القاهرة وبروح بالمترو

ربنا يسعدها كمان يارب
وانتى ربنا يوفقك فى دراستك ان شاء الله

ميرسي يا أحمد علي دعواتك الرقيقة

ألف لا بأس عليكي يا ست الكل

ان شالله بتوع الثورة المضادة و الفلول و كل الاحزاب كمان

انتى كده مش هتلاقى نفسك حبيبتى

الاحداث كتيرة

و سريعة

و كل مدى فى النازل

بس برضه نفتكر انه فيه ناس كده بتقولك بكرة أحلى

بكرة ده ييجى امتى بقى

مش مهم

المهم انه هييجى بالسلامة يعنى

فلحد بقى ما ييجى

انا عاوزاكى بقى تعملى ايه؟

تثبتى التليفزيون على محطة "موجة كوميدى" - زى ما حسن اخويا بيعمل كده

سيبك بقى من الجزيرة و العربية و البىبى سي و النيل للاخبار و المصرية و الاولى

و سيبك من التليفزيون بعد الساعة تسعة بالليل

ده بيفقر البيوت بسبب الضغط و السكر اللى بيرتفعوا من برامج التوك شو

و ع النت حبيبتى

ركزى شوية كده مع منتديات الموضه و الازياء

و لو بالصدفة يعنى سمعتى خبر كده ولا كده

نفضى دماغك منه طوالى

و عامة يا ستى

فيه كوباية لمون هنا صناعة ميماوية

شربت نصها و قلت اسيب نصها للزمن

بس متغلاش عليكى يا ست الكل

بألف هنا

حبيبت قلبي دودي الف لا بئس عليكي يا قلبي
وبعدين بقى انتى كل ما يحصل حاجة بالبلد تتعبي كده يا ستي
بلاش تتفرجى عالاخبار اصلا انت مالكيش فيها توتى تعالى اقلك
حاجة بودنك ممكن ماتشغلوش التلفزيون وانا عندى واحد بتاع دش
انما ايه دودي عارفاه ههههههههههههههههههههه ابعتهولكم يبوظلكم
كل القنوات والنبي يا دودي ماتعمليش بنفسك كده ربنا يخليكي ليا
يا حبيبت قلبي ولا يحرمنى منك ابدا اللهم امين

توتي الجميلة حبيبة قلب مامي
وكل اخوتي وأخواتي في المنتدى
ربنا يكرمكم ويخليكوا ليا يارب
ويخلينا كلنا عائلة واحدة جميلة متحابة في الله
والله انا كنت قاعدة في حالي وبتفرج على فيلم كوميدي كمان
فجأة ان اااااااااااااااااااااااااااان
جالنا تليفون يقولنا اللي بيحصل
وطبعا اختكم قلبت المحطة وشافت اللي بيحصل
وخلاص كده بح
لكن الحمد لله على كل حال
اشكركم جميعا على سؤالك ودعائكم جزاكم الله كل الخير يارب.

ميما حمدالله على السلامة
طيب بقى انا عايزة من عصير دوللي مادم فيه مهدئ
ههههههههههههههههههههههههه
اللي عايز يكتب كلام مخفي يقول في العلن ظللي هنا ؟؟؟؟
ههههههههههههههههههههههههههههه

فضحتي نفسك يا حلوة
ههههههههههههههههههههههههههههههه
عملتيها إزاي دي يا أروبة ؟؟؟؟