ايه رايكم نعمل مسابقه فى المعلومات العامه وكلنا نشارك فيها
هدف المسابقه تنشيط الذاكرة واثراء معلوماتنا العامه

كل واحد يعرف الاجابه يضعها ثم يضع هو السؤال الذى يليه ..

طبعا صاحب السؤال هو اكتر حد عارف اجابته
لابد من ان صاحب السؤال يؤكد صحة الإجابة
او يتم اختيار محكم وزى ما تحبوا بقى ...

برافو باأحمد فكرة رائعة انا شخصيا موافقة
بس يأكدها ازاي يعني ؟؟؟
يجيب شهادة من اتنين موظفين عليها ختم النسر ؟؟؟
هههههههههههههههههههههههه
احنا ممكن نعملها لعبة كل واحد يكتب طلب واللي بعده يجاوب
يعني مثلا معلومة او صورة او اي حاجة يحبها
وبعد اجابته يطلب هو كمان طلب واللي بعده يجاوب وهكذا
ايه رأيكم ؟؟؟

هههههههههههههههههههههههههههههههههههههههههه
وشهادة موظف راتبه الشهرى اكبر من اربعين جنبة
زى الضمانة بتاعت المكتبة اللى كنت مشترك فيها
خلاص نخليها لعبة زى ما تشوفى

ههههههههههههههههههههههه
اوكي ماشي
ابتدي انت الأول تطلب أيه؟؟؟
واللي بعدك يرد.

طيب يا جماعة

كده انا مش فاهمة

يعنى هتعملوا المسابقة هنا

ولا هتغيروها للعبة و تنقلوا الموضوع لقسم الالعاب؟

انا من رأيي انها تكون هنا
لأنها مش هتبقى لعبة لأ هيبقى فيها اسئلة وكل حاجة
بس اللى عايز يسأل فى اى حاجة
وأى حد يجاوب

فكرة حلوى كتير يا احمد
حبيبتي دوللي هى حتبقى مسابقة ومعلومة بنفس الوقت
يعنى مثلا انا اقول بدى اكبر قصر بالعالم
انتى بقى تجيبي صورة للقصر ده ومعاه المعلومة بتاعتو
الى تثبت انو اكبر قصر بالعالم وطبعا معاة شهاة
اتنين موظفين بختم االنسر ولا يقل مرتبهم عن اربعين جنية
هههههههههههههههههههههههههههههههههه

طيب اوكي كده تبقى حلوة جدا
لعبة ومعلومة في نفس الوقت
يالا يا جماعة حد يبتدي بقي وبالتوفيق.

تمام

ابدأ انا مدام محدش تقدم

يلا يا حلوين

عاوزين صور و معلومات عن

" الحافلة الخارقة "

موجودة فين ؟

و سرعتها كام؟

و تاخد كام راكب ؟

و بتشتغل بايه؟

يلا يا شطار

و اللى هيرد صح

هياخدله لفة بيها

"الحافلة الخارقة" الأولى فى العالم سرعتها تفوق 255 كيلومتر فى الساعة

طور ويبو ويكيلز، رائد الفضاء الهولندى هو قائد "الحافلة الخارقة" التى تعمل بالطاقة الكهربائية التى وصلت تكلفتها إلى 7 ملايين جنيه استرالينى، وسيتم نقلها إلى أبو ظبى جوا فى طائرة جامبو، وذلك وفقاً لما نشرته صحيفة"الديلى ميل" البريطانية صباح اليوم.

الحافلة الخارقة يبلغ طولها حوالى 15 مترا، ويعتبر فى طول الحافلة العادية تقريباً، على الرغم من أنها تتسع لـ 23 راكبا، حيث استغرق النموذج الأول منها 7 سنوات وتم تكلفتها حوالى 19 مليون دولار، وصمم هيكل الحافلة من ألياف الكربون الخفيفة وتعمل بمحرك كهربائى صديق للبيئة يعتمد على بطارية ليثيوم أيون.

وامتازت الحافلة بوجود زوجين من العجلات الخلفية التى يمكن إدارة كل زوج منها على حدة، لتقليل زاوية دوران الحافلة التى تبلغ حوالى 10 أمتار، بالإضافة إلى 8 أبواب تفتح للأعلى فى كل جانب من أجل راحة الركاب، كما شملت على وسادة هوائية أمام كل راكب وتلفاز ووصلة إنترنت.

وقدمت أنطونيا تيرزى مصممة المشروع، الخبيرة السابقة فى الديناميكا الهوائية ورئيسة فريق وليامس بى أم دبليو فى الفورمولا 1، الاختبار الأول للمحرك فى أبو ظبى، وذلك بفضل العجلات الخلفية مما يساعد على المناورة عند الزوايا.

"تعمل المحركات فى أبو ظبى بالطاقة الكهربائية وهذا لتخفيف الازدحام المرورى والحد من تلوث الهواء. وتعد السيارات الكهربائية هى وسائل النقل من اليوم".

وتستخدم كوسيلة للنقل العام وللسياحة بين المعالم

yesssssssssssss

برافو عليكى يا ست الكل

ما شاء الله عليكى

جبتى اللى انا عاوزاه بالظبط

طبعا انتى مستنية الجايزة

شوفى حبيبتى

الحافلة دى شكلها زى ما انتى شايفة يخض كده

و انتى عارفة السرعة مش حلوة علشانك

و كمان الامارات بعيييييييييييييد عن بيتكوا يا دودى

و مفيش يا عينى سواق موجود فيها

عشان كده انا هاغير لك الجايزة

بحاجة كان نفسك تركبيها من زمان

غمضى عينيكى





فتحى





تاتااااااااااااااااااا



و متخافيش حبيبتى

انتى غالية عندى ولا يمكن اسيبك تركبيه لواحدك

استعدى بقى

عشان تتشعبطى ورا عمك

ههههههههههههههههههههههه
الله توك توك جميل قوي

كده برضه يامفترية ؟؟؟
الله يسامحك ده عمك انتي
هههههههههههههههههههههه

انا نسيت اطلب الطلب

طلبي هو اصغر المخلوقات مع المعلومات عنه
يكفي واحد فقط

اانتي اؤمري يا دودي وعلينا التنفيذ يا جميل
انا جبتلك صور ومعلومات عن اصغر مخلوق
اسم الفصيلة:
Monte Iberia Eleuth Frog
من الضفادع,
أصغر الضفادع المعروفة, يعيش فى جبال كوبا,
الحجم: الطول 8.5-9.8 مم (أقل من 1 سم),


انا بقي طلبي هو
اجمل مغاره بالعالم
طبعا بالمعلومات والصور

والجايزة محفوظه

واجابتى على سؤالك يا علا
رغم انه سؤال عنصرى شوية
هههههههههههههههههههههههه
اجمل مغارة فى العالم على حسب معلوماتى

مغارة جعيتا بلبنان
وهي عبارة عن مغارة ذات تجاويف وشعاب ضيقة، وردهات وهياكل وقاعات نحتتها الطبيعة، وتسربت إليها المياه الكلسية من مرتفعات لبنان لتشكل مع مرور الزمن عالماً من القباب والمنحوتات والأشكال والتكوينات العجيبة. يعتبرها اللبنانيون جوهرة السياحة اللبنانية، وقد توالى على اكتشافها عبر التاريخ رواد أجانب ومغامرون لبنانيون.

تقع مغارة جعيتا بوادي نهر الكلب على بعد نحو 20 كلم شمال بيروت، وتتكون من طبقتين، الطبقة أو المغارة العليا والمغارة السفلى.

المغارة العليا

افتتحت المغارة العليا منها في يناير 1969، بعد أن تم اكتشافها عام 1958 وتأهيلها للزيارة على يد المهندس والفنان والنحات اللبناني غسان كلينك. وذلك في احتفالية موسيقية أقيمت داخلها اعدها خصيصاً لهذه المناسبة الموسيقار الفرنسي فرنسوا بايل. وشهدت المغارة العليا بعد فترة مهرجاناً موسيقياً مماثلاً في شهر نوفمبر من العام عينه، عزفت فيه مقطوعات عالمية للموسيقار الألماني كارل هاينز شتوكهاوزن. وتتميز هذه الطبقة من المغارة بأنها تمنح زوارها متعة السير على الاقدام لمسافة، بعد عبور نفق يبلغ طوله حوالي 120 متر، ليطل في الممرات بعد ذلك على الأقبية العظيمة الارتفاع، والموزعة فيها الأغوار بالإضافة إلى الصواعد والهوابط والاعمدة الكلسية وما إليها من اشكال مبهرة.

المغارة السفلى

يعود تاريخ اكتشاف الجزء السفلي من المغارة إلى ثلاثينات القرن ال19 مع رحلة للمبشر الاميركي وليام طومسون. وكان طومسون قد توغل فيها حوالي 50 متراً. وبعد أن اطلق النار من بندقية الصيد التي كان يحملها وأدرك من خلال الصدى الذي احدثه صوت إطلاق النار أنه للمغارة امتداداً جوفياً على جانب كبير من الاهمية.

فعلا مغارة جعيتا من اجمل الأماكن اللي زرتها
تحفة ما شاء الله

فين السؤال يا ابو حميد؟؟؟؟

هههههههههههههههههههههههه
بجد انا فخورة ببلدي
واخد بالك يا احمد من العنصرية دي
فعلا مغارة جعيتا مش جميلة وبس دي
تحفة فنية ربانية كمان سبحان الله

الظاهر كل الى بيدخل المسابقة بينسى السؤال يا دودي
هههههههههههههههههههه
بانتظار السؤال الجديد

المهم انه هو صاحب الفكرة والموضوع
ياترى انت فين يا مرزوق ؟؟؟

:rolling smile:
اها صاحب الفكرى وناسيها
ربنا يستر من الى جاى
ربنا يسوقك يا تتح
:laughing to te

احم احم
معلش بقى يا جماعة
اصل انا كنت مستعجل
والسؤال هو
ما هى اعلى قمة جبلية فى الوطن العربى ؟

قمة توبقال أعلى قمم جبال الأطلس و أعلى قمة في الوطن العربي
سلسلة جبال الأطلس
تنقسم الجبال في المغرب الى سلسلتين الأولى ساحلية بجوار ساحل البحر الأبيض
المتوسط و تعرف باسم جبال الريف. و الثانية الى الداخل قليلا و تعرف باسم جبال
الأطلس و تنقسم الأخيرة الى ثلاث سلاسل متميزة هي: الأطلس الكبير
والأطلس المتوسط و الأطلس الصغير أو الأطلس الصحراوي و تقطع
هذه الجبال أودية عميقة خصبة ..
تقع جبال الريف شمال المغرب و تمتد بمحاداة ساحل البحر الأبيض المتوسط على
شكل قوس واسع من مضيق جبل طارق حتى نهر ملوية و يبلغ 2456 مترا في
الوسط و 1800 متر في الشرق ثم تضيق في الغرب قبل أن تنحدر طبقاتها نحو
البحر و يعتقد أن هذه السلسلة جزء من جبال سيرانيفادا في اسبانيا و أنهما
كانتا ملتصقتين قبل أن يتكون مضيق جبل طارق و الساحل بجوار هذه الجبال
صخريا مرتفعا و كثير الرؤوس أما جبال الأطلس الداخلية فانها تخترق وسط
المغرب من الجنوب الغربي الى الشمال الشرقي و تنقسم الى
الأطلس الكبير
هو عبارة عن سلاسل شامخة تمتد من أكادير على المحيط الأطلسي في
اتجاه الشمال الشرقي و أعلى قممها جبل توبقال 4165 م ويقع جنوب مدينة
مراكش و هي أعلى قمة جبلية في الوطن العربي و تنقسم هذه السلسلة
بدورها الى كتلتين منفصلتين عن بعضها بواسطة ممر تلوين و الكتلة
الغربية أكثر ارتفاعا من الشرقية
الأطلس المتوسط
يوجد في شمال الأطلس الكبير حيث يفصلهما وادي سهل ملوية و أشهر
جبالها جبل بويبلان 3190 مترا فوق مستوى سطح البحر و جبل بوناصر
3326 مترا و تكثر بها البحيرات الجبلية و الشلالات و تمتد على شكل
قوس من الشمال الشرقي الى الجنوب الغربي و تقترب من سلسلة
جبال الريف شرقا بحيث يفصلهما ممر تارة. كما تتصل بجبال الأطلس
الكبير من الجنوب و تعد هذه الجبال بمثابة خزان مياه بالنسبة
للمغرب حيث تنبع منها كل الأنهار المهمة في البلاد
الأطلس الصغير أو الأطلس الصحراوي
وتمتد جنوب الأطلس الكبير و تشرف بسفوحها على سهل وادي درعة
و بسفوحها الغربية على سهل وادي سوس و أعلى قممها جبل
سيروا 3304 متر كما تتميز سفوحها الغربية بأنها مغطاة
بالحشائش و الغابات أما الجنوبية فهي شبه جرداء
جبال توبقال التي ترتفع 4156 مترا




سوالى هو................
ما هى( اوسع سهول نهريه فى العالم )؟؟؟؟؟؟؟؟؟؟؟؟؟

هو محدش جاوب ليه؟؟؟؟؟؟؟؟؟؟؟؟؟
لو سؤالى صعب ومحدش عارفه
قولولى وانا اغيره ولو مش صعب جاوبوه..........