ايه الجديد .. الطير جناحه بيتربط لسه في حديد ..
لسه العبيد عايشين عبيد ..
بالاقتناع ,
كل اللي فاضل يعلنوها .. عالمشاع ..
ان اللي خان كان مشتري ..
وان اللي مات هو اللي باع ..
بالذمه مين المستفيد ؟
.. فرعون جديد ..
واللا القديم لساه ملك .. واللا احنا شعب بزمبلك ..
يؤمر نطيع ..يشخط نبيع ..
معقول يكون لسه القطيع .. عايشين قطيع ..

بعد اللي فات .. بعد اللي مات ..
لسة السكات هو السكات .. رغم اللي كان ..
الحق مش محتاج بيان .. علشان يبان ..
الحق مش هايعود لواحد عاش جبان ..
يا شعب حر .. الحق يرجع بالميدان .. الحق يرجع بالميدان ...

كلمات الشاعر محمد السيد

تعبير جميل جدا عن حال البلد هذه الايام

الف حمد الله ع السلامة

ارجوا ان تكونى وفقتى فى امتحاناتك ان شالله