أنا بصراحة مش من هواة البطاطس خالص
بس طبق الريم ده حاجة غيييييييييير بجد
جبااااااااار .. اسمه طبق الريم عشان
اسم المحل اللي بيعمله شاورما الريم
هو اصلا محل شاورما بس بيعمل كام حاجة
كده كمان بس بجد روعة حتي شاورمته تهبل
بحب اجيب شاورمة فراخ بالموتزاريلا سبايسي كبير
ومعاه طبق الريم ده .. دي الأكلة اللي ممكن
فعلا اكل منها كل يوم ومازهقش ابدا ابدا
ماااااااااا علينا عشان انا كده جعت بقي

المكونات
بطاطس مقلية
هي البطاطس بتاعتهم لونها اصفر
مش عارفة حاطين عليها ايه بس اعتقد كركم
عامة ممكن تبقي حتي فارم فريتس عادي
ثومية
كاتشب
جبنة موتزاريلا
زعتر

الطريقة
نخلط البطاطس المقلية بالكاتشب والثومية
نحطها في صينية او طبق فويل
نرش فوقيها جبنة موتزاريلا وزعتر
نحطها في الفرن لغاية ما الجبنة الموتزاريلا تسيح

شاطرة يا بنت يا توتي
تسلم ايديكي
بس عنجد جوعتيني