ممكن الواحد يزهق من نفسه .. بس مش هيعرف يغير الواقع
ممكن تزهق من امك .... بس على رأي امي : روح شوفلك ام تانية ... ولا اقولك روح اشتريلك اب وام جداد
ممكن تتخنق من اخواتك ... بس سبحان الله اخواتك هيفضلو طول عمرهم اخواتك
معيد عندك رخم ودمه تقيل ممكن يرخم عليك ويحطك في دماغه .. ويا سلام بقا لو زعلت واتقمصت ومروحتش الكلية عشان خاطره ..
هتسقط .. بس عارف .. هتسقط وعمرك ما هتنجح وهوا موجود
انتا عارف
ممكن تحس ان الدنيا كلها كارهاك وبتتضهدك وواقفة ضدك

اه
بس طول منتا شايف كده ... ومش قادر تفهم مشاكلك وتعرف تعالجها
وتاخذ اول خطوة في ده
وهيا انك تواجها
هتفضل طول عمرك كده ...
ومهما حصل مش هتقدر تغير الواقع


وفكك من احمد حلمي !!


....
اعمل حاجة
يا اخي فكر ولو لمرة بس في مشاكلك بجد
اعمل يابني حاجة
شغل دماغك اللي ربنا وهبهالك
اكيد انتا مش وحش للدرجة دي ..
ولا ايه ؟