dolly كبار الشخصيات
تاريخ التسجيل : 10/01/2011 عدد المساهمات : 1392 نقاط : 2237 الابراج : المزاج : لله الحمد من قبل و من بعد العمر : 44 تعاليق : عش ما شئت .. فانك ميت..
و احبب من شئت .. فانك مفارقه..
و اعمل ما شئت .. فانك مجازى به.. رسالة sms : دعاء : اوسمتي :
| موضوع: عفوا عزيزى.. انت اصلك راجل .....! الأربعاء 13 أبريل 2011, 11:42 pm | |
| عفوا عزيزى.. انت اصلك راجل .....! كان ياما كان ..
واحد راح اتقدم لواحده
ابوها لاقاه شاب كويس ..
اتساهل معاه في كل شئ
لدرجة انه خلي مهرها 2,5 جنيه !
" متسألوش اشمعني يعني .. هو كدا "
تم الزواج
وبعد فترة من الزمن ..
كل ما يصادف وجود" كانز بيبسي "
يقول الزوج للزوجة :
مهرك تمن علبة بيبسي !
انتي وكانز البيبسي واحد
أنتي خسرتيني اللي خسرته وانا بشتري الكانز دا !!
ويناديها دايما بـ" يا كانز البيبسي "
زهقت البنية ياعين أمها وراحت اشتكت لابوها
وقالتله :أرخصتم مهري .. فـأرخص هو قدري!!
فكر الأب شوية ..
وطلب من الزوج انه يخلي مراته عنده ويجي بكرة هو اهله لانه عازمهم علي عزومة جامدة اوي !
تاني يوم جه الزوج ومعاه اهله
وهما ع السفرة ..
لاقوها فاضية ..
عليها كانز بيبسي واحد !!!
استغرب الاهل !!
ولكن الزوج ابتدا يحس بالملعوب
زاد الاب علب البيبسي وخلاهم تلاتة
وقاله : اخدتو بنتنا بكانز بيبسي .. ودلوقتي عاوزين نرجعها لينا بـ 3 !!
طلع الزوج عنده دم واتكسف واتحرج جدا !!!
واهله لسة مش فاهمين !
فهمهم الاب وشرحلهم الموقف ..
وغضبو جدا منه
وقالوله :دا جزاء من أكرمك !!
قاله الاب :مرضتش اعمل زي معظم الناس ويسرت عليك زواجك .. لكن دلوقتي مش هاتاخد بنتي الا لما تدفع مهرها من الاول 30 الف جنيه !!
وللاسف عشان بيحبها ..
وافق ودفع
ومن يومها وهو بيقولها
يا مصنع البيبسي ********************** دي نكتة .. لاقتها في اماكن كتيرة
بس نكتة نرفزتني !!
عشان دا الواقع دلوقتي
ليه معظم الشباب مش بيقدرو التيسير اللى بيعمله اهل البنت ليه !
فـ الاول بيفرحو ..
ولكن بعد كدا
" يافرحة ماتمت خدها الغراب وطار "
تلاقي العرق الواطي طلع
ويبتدي يذل
ويحسسها انها رخيصة !
ويحسسها اد ايه هي متساويش ..
وانها اقل من اللى دفعه فيها !
و لكل من هو على هذه الشاكلة
اسمحوا لى اقوله
عفوا عزيزى ..انت راجل.......... ولا بلاش(عشان الرقابة بس)
|
|
Dalal صاحبة المنتدى
تاريخ التسجيل : 08/01/2011 عدد المساهمات : 10987 نقاط : 24782 الابراج : المزاج : مهمومة ببلدي العمر : 67 تعاليق : ربّـــــي اغفر لـي ولوالـديّ
وارحمهما كمــا ربيـــــانـي
صـــغيرا واجزهمــــــــــــا
بالاحســان احســـــــــــــانا
وبالسيئات عفوا وغفـــرانا رسالة sms : الموقع : قلب أمي مصر دعاء : اوسمتي :
| موضوع: رد: عفوا عزيزى.. انت اصلك راجل .....! الخميس 14 أبريل 2011, 1:07 am | |
| عفوا عزيزى.. انت اصلك راجل .....! هههههههههههههههههه
والله يا دوللي نكتة مضحكة مبكية بجد
طبعا مش كل الرجال كده
وده بيرجع لأصل الرجل وطباعه
طيب ايه رأيك بقي أني تزوجت بـ 25 قرش بس مهر
وانتي عارفة طبعا وفيق بيعاملني إزاي كملكة متوجة
الراجل ده لو كان عنده عقل كان حمد ربنا علي النعمة اللي هو فيها
ناس طيبين وفروا عليه تكاليف الزواج الباهظة
يمكن يستفيد بيها في التاثيث مثلا أو غيره
تكون دي النتيجة؟؟؟
بس بصراحة الأب طلع عاقل جدا حتى ولو في نكتة
ياريت كل الرجال يقروا الموضوع ده عشان يحمدوا ربنا
لو كان أهل الزوجة بالطيبة دي
|
|