عادة ما تكتسب أبحاث تحليل الشخصية نصيب الأسد فى معظم الدول
سواء كانت المتقدمة او النامية وقد برعت هذه الدول
فى تحليل شخصيات مواطنيها فى جميع أنشطتهم اليومية
مثل دراسة جون بلسان عن نوعية ركاب الميكروباص فى امريكا
أو دامس بوست الذى حلل شخصية الفرنسيين
من خلال الألوان التى يفضلوها.

لكن هؤلاء الباحثين اغفلوا تحليل شخصية الأشخاص على الفيس بوك
و يمكن لانهم غير مهتمين بمواقع التواصل الاجتماعي
بقدر اهتمامنا نحن معشر العرب عامة والمصريين خاصة
وبشوية تحليل للأصدقاء على الفيس بوك
تقدر توصل لكام نوع ممكن نعمم عليهم , خد عندك :

النوع المبتدىء:
وهو النوع المخابراتى الذى يهتم بالتتبع والترقب و الملاحظة
ولهذا لا يقبل ابدآ على "لايك" او "كومنت"
إلا بعد تفكير عميق إن كان يفضل ان يظل فى الظل .

النوع الرخم:
وهو الشخص اللى مش وراه غير "هههههه" أو "هعععععع" أو "قديمة"

البرنس:
وهو الشخص الذى يمتلك حوالى 5000 صديق لا يعرف منهم سوى خمسة
إضافة الى انه راشق فى اى صفحة على الفيس بوك.

اللاعيب:
هو حريف المزرعة السعيدة ومفيش مانع من وجود خمس أو ست ألعاب على صفحته الرئيسية .

الراجل البركة:
وده طبعا حائطه كله قال الله وقال الرسول وتعليقاته كلها حكم ومواعظ

الهاليب:
وعادة ما يكون ادمن صفحة يسعى بكل جهده
فى البحت عن جمل ليسرقها وينشرها على صفحته .

المضروب على قلبه :
وهو الحبيب المهجور الذى تمتلىء صفحته بقصائد الندب والنواح
والاغانى الحزينة وعادة ما تكون حبيبته اسمها "سارة"

البجح:
وهو الشخص اللى من النوع "اللى على قلبه على صفحته"
فهو يكتب اى شىء يخطر بباله حتى ولو كان خارج عن حدود الادب واللياقة
وعادة ما يكون هذا الشخص يمتلك أكثر من حساب على الفيس بوك.

الشييّر:
وده لا يشغله شىء غير المشاركة بالفديوهات والاغانى المضحكة
والدرامية والمثيرة التى يسلى بها نفسه ويسلى الآخرين معه.

لو أنت قابلت فصائل أخرى قول لنا.

ههههههههههههههه

فاتت علي تقريبا كل هالشخصيات

و بتلاقي ناس مش محترمة خالص كمان


هههههههههههههههه

عفكرة اسمحلنا بس نبعثلك طلب صداقة يا طنط

الف مبروك لزيزو هههههههههه

انا بقى تبع الترقب و الترصد و التجسس
هههههههههههه

شكلي بقيت رخمة

بضحك اوي
ههههههههه