فرضت القوات المسلحة حصارًا أمنيًا مكثفا على الكاتدرائية المرقسية بالعباسية، وذلك تحسبا لوقوع أى اشتباكات بين المسيرة التى تضم الاف السلفيين المتجهين من مسجد الفتح إلى مسجد النور بالعباسية مرورا بالكاتدرائية، حيث قام الجيش بتكثيف تواجد الشرطة العسكرية، بالإضافة إلى عدد كبير من عساكر الأمن المركزى لتأمين الكاتدرائية التى يحتشد عشرات الآلاف من السلفيين الآن للتظاهر أمامها والمطالبة بالإفراج عن المسلمات المحتجزات بالأديرة، وعلى رأسهم كاميليا شحاتة، مرددين "الله أكبر..الله أكبر"، "مصر إسلامية".

ههههههههههههههههههههههههه

لا حبيبتى دودى

امسكى اعصابك واستهدى بالله

و الله العظيم تلاتة يا دودى انا شوفت مناظر الناس دى فى ألبوم اليوم السابع و اترعبت

يعنى احنا مسلمين و بنخاف منهم

امال المسيحيين يعملوا ايه طيب؟

عارفة

امبارح كانت فيه مظاهرة عندنا ادام مبنى المحافظة و ادام فيلا المحافظ

نظموها شباب الثورة عشان يقيلوا المحافظ

و كانت معاهم بنت من بتوع ثورة 25 يناير معروف انها بتنظم الهتافات و اللافتات للمتظاهرين

و فجأة لقوا الشباب دول مجموعة كبير جدا من السلفيين داخلين عليهم ف المظاهرات

و امروا البنت دى انها تقف مع المنتقبات على جنب

فوافقت

بس اول ما بدأت تهتف نزلوا فيها زعيق و تهزيق

و لما حاول واحد من حركة 6 ابريل يهديهم راحوا ضاربينه

و خرجوه م الميدان

و فجأة ظهرت معاهم لافتات عليها مطالب بضرورة انشاء دولة اسلامية

و فرض النقاب على كل نساء مصر

و سابوا موضوع المحافظ خالص

و اتقلب الميدان لساحة نزال كبيرة

ما بين السلفيين دول و شباب الثورة

و انتهت كالعادة بتدخل الجيش

ربنا يستر بجد يا دودى

انما حبيبتى كده يعنى

نازلة من غير ما توصى باتعة على العيال؟!