الأقباط أمام ماسبيرو ينددون بالسلفيين والنيابة تحقق بأحداث إمبابة.

الأقباط أمام ماسبيرو ينددون بالسلفيين والنيابة تحقق بأحداث إمبابة.

الأقباط أمام ماسبيرو ينددون بالسلفيين والنيابة تحقق بأحداث إمبابة

مسيرة للأقباط أمام ماسبيرو (تصوير محمد اللو)

القاهرة - أ ش أ

ندد الأقباط المعتصمون أمام مبنى ماسبيرو بالتيار السلفى، وشنوا هجوما ضاريا على التيار.

وتتزايد أعداد المعتصمين أمام ماسبيرو مع مرور الوقت , فيما قامت عناصر من الأمن المركزى بحماية المتظاهرين من الخارج, حيث قامت بفرض كردون أمنى موسع حول مبنى ماسبيرو.

كان آلاف الأقباط المعتصمين أمام مبنى ماسبيرو قد قاموا بإغلاق الطريق فى الاتجاهين أمام المبنى ومنع حركة المرور نهائيا، وأعلنوا دخولهم فى اعتصام مفتوح احتجاجا على الأحداث التى وقعت مساء السبت فى حى إمبابة بمحافظة الجيزة والتى أسفرت عن مقتل 12 شخصا وإصابة 232، وما زالت حتى الآن تتوافد مجموعات من الأقباط للانضمام إلى الاعتصام رافعين الصلبان ومرددين "بالروح بالدم نفديك يا صليب".

وطالب المتعصمون بإلقاء القبض على من أسموهم بالمتهمين الحقيقيين لأحداث إمبابة، كما طالبوا بتطهير الإعلام المصرى من فلول النظام السابق رافعين الصلبان والأعلام المصرية وصور السيد المسيح.

وأثناء تجمعهم دخلت مجموعة كبيرة من المسلمين وهتفت
"مسلم ومسيحى إيد واحدة".

وكان مئات من الأقباط والمسلمين وممثلين عن القوى الوطنية نظموا مسيرة من دار القضاء العالى إلى مبنى ماسبيرو لإدانة أحداث إمبابة والدفاع عن الوحدة الوطنية ورفض كل المخططات التى تسعى لنشر الفرقة وتهدد أمن مصر.

ومن جهتها، كثفت الأجهزة الأمنية وأفراد القوات المسلحة من تواجدها بمحيط مبنى التليفزيون، حيث قاموا بزيادة عدد أفراد الحراسة تحسبا لحدوث أية مناوشات بين المعتصمين وبين أى أفراد أخرين لضمان عدم محاولة أى منهم التسلل إلى المبنى.

على صعيد متصل، قال المستشار عادل السعيد النائب العام المساعد والمتحدث الرسمي باسم النيابة العامة, إن النيابة اتخذت كافة الإجراءات العاجلة الخاصة بمناظرة جثث المتوفين والتصريح بالدفن وسؤال المصابين المتواجدين بالمستشفيات عن أسباب إصاباتهم وضم التقارير الطبية لهم, في شأن أحداث الشغب والاشتباكات التي جرت مساء أمس بمنطقة إمبابة.

وأشار المستشار السعيد إلى أن النيابة العسكرية تولت اتخاذ باقي إجراءات التحقيق في الوقائع التي أسفرت عن وقوع قتلى وجرحى في صفوف المواطنين لتحديد المسئولية الجنائية.

وأضاف النائب العام المساعد والمتحدث الرسمي باسم النيابة العامة انه فيما يتعلق بالتحقيقات التي تجريها النيابة في شأن أحداث الاعتداء على كنيسة الشهيدين بقرية صول بمنطقة أطفيح بالجيزة التي جرت بتاريخ 4 مارس الماضي, وأحداث الاشتباكات التي وقعت بمنطقة دير سمعان بالدويقة بتاريخ 8 مارس أيضا - فقد قامت النيابة باتخاذ كافة إجراءات التحقيق فيها فور وقوعها.

وذكر المستشار السعيد أنه لم يقدم حتى الآن أي متهمين في الواقعتين, مشيرا إلى أنه إذا تم ضبط أي متهمين وتقديمهم, سوف تطلب النيابة العامة أن يتولى القضاء العسكري إجراءات التحقيق والمحاكمة فيها.

تظاهر العشرات في الإسكندرية

على صعيد متصل، نظم العشرات من المواطنين وقفة احتجاجية أمام ساحة مكتبة الإسكندرية المواجهة للكورنيش الساحلي تنديدا بالأحداث الأخيرة بمنطقة إمبابة السبت، مؤكدين أهمية الحفاظ علي استقرار المجتمع ونبذ العنف وكافة مظاهر التصنيف والفتن الطائفية .

وشارك في المظاهرة العشرات من المواطنين المسيحيين والمسلمين حيث رددوا هتافات تؤكد الوحدة الوطنية, منددين بأعمال الفتنة الطائفية بشعارات منها "جامع وكنيسة قدام بعض.. مسلم ومسيحي بيحبوا بعض".

كما شارك في المظاهرة الأب ميخائيل راعي كنيسة السيدة العذراء والأنبا موسي الأسود الذى خاطب الجماهير, مؤكدا حرص كافة المصريين علي مظاهر الوحدة الوطنية ومساندة كافة طوائف الشعب للمرور من نفق المرحلة الانتقالية بالتأكيد علي الاستقرار.

الأقباط أمام ماسبيرو ينددون بالسلفيين والنيابة تحقق بأحداث إمبابة.

هى اصول اللعبة كده

اول ما الدنيا تهدى و الامور نحس انها استقرت

يبدأ الضرب على وتر الفتنة الطائفية

مصر و لبنان تربة خصبة جدا جدا للموضوع ده

عارفة يا دودى

و الله العظيم تلاتة انا كان قلبى حاسس من مظاهرة السلفيين اللى فاتت انه فيه حاجة هتحصل و هتتلفق لهم

و طبعا وقت ما وقع المحظور

المسيحيين ما صدقوا و جرى على السفارة الامريكية

بس و الله كده حرام

و كمان منتهى الغباء المتكرر من القائمين على الادارة بالامور دى

كل مرة نتلهى بالسبب و نقنع نفسنا باسباب ضعيفة وواهية

و نسيب تفاصيل مهمة جدا و كمان نتجاهل بحث لطرق علاج تكون جذرية و حاسمة و قاطعة

و نرجع تانى للسؤال التقليدى

لممصلحة مين اللى بيحصل ده؟

لمصلحة مين البلد تبدأ فيها الحرايق تانى

منظر الكنيسة هو نفسه منظر مصر يوم ما اتحرقت فى جمعة الغضب

لمصلحة مين ان امبابة اللى عمرها معقل السلفيين و حركات الجهاد و المسيحيين و كانت بعيدة كل البعد عن اى فتن

لمصلحة مين المكان الشعبى البسيط ده ينفجر بالمنظر ده؟

لمصلحة مين المطالبة بالتدخل الاجنبى اللى بتظهر ببواخة كل يوم و التانى؟

الاهم بقى

لمصلحة مين الاختفاء المخزى للشرطة برغم انه تم تحذيرهم قبل الحادث ده بخمس ساعات؟

و هل حلال فيهم الرواتب و المميزات الخيالية اللى بيتمتعوا بيها دلوقتى بقوا ما بقوا "خيال مآتة" - مع الاعتذار لخيال المآتة لانه له دور على الاقل بيقوم بيه

و اخيرا لمصلحة مين ان الناس تتشغل عن حالها بتشكيل لجان شعبية و كل واحد يشيل معاه سلاح عشان يحمى نفسه

ووقتها يا عالم السلاح ده هيبقى للحماية

ولا...................؟

الأقباط أمام ماسبيرو ينددون بالسلفيين والنيابة تحقق بأحداث إمبابة.

والله يا دوللي عند حق في كل شكوكك دي

لمصلحة مين اللي بيحصل ده؟؟؟

شوفي إنتي واحكمي..

لبنان فيها فتنة طائفية بين السنة والشيعة

والسودان إتقسمت شمال وجنوب

وكمان العراق بقي فيها فتنة كبيرة بعد موت صدام

ماكانتش كده في الأول انا كنت هناك

وماكنتش أقدر أميز ديانتهم ولا ملتهم من بعض من تلاحمهم الجميل

ودلوقتي في مصر يا دوللي وربنا يستر على بلدنا

الحروب دلوقتي بقت مش بالسلاح وبس

الحرب الأهم هي تدمير الإقتصاد بأي شكل

ليه كل اللي حصل ده في المكان ده بالذات ؟؟؟

سؤال يطرح نفسه بشدة !!!!

وفيق كلمني وهو راجع من الشغل وشاف المنظر علي الطبيعة

ابتدا من شارع عبد المنعم رياض قدام هيلتون رمسيس والمتحف المصري

شوفي بقي كام سائح شاف المنظر وحكمه علي بلدنا شكله ايه ؟؟؟

ده ضرب في الإقتصاد والسياحة والإستقرار عندنا يا دوللي

وطبعا الإستثمار بيتأثر بالمواقف دي وده اللي حصل بالفعل في البورصة

معظم المستثمرين باعوا أسهمهم في البورصة وقالوا يا فكيك

مين بقي اللي له مصلحة في كده غير ....... ؟؟؟؟؟

الأقباط أمام ماسبيرو ينددون بالسلفيين والنيابة تحقق بأحداث إمبابة.

[b]
مش فاهمه وحاسه انى مبقاتش عايزة افهم ولاحتى عايزة اسمع
*سلفين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
طيب مصر معظمها سلفيين ايه الجديد ؟؟؟؟؟؟؟؟؟؟؟؟
* اخوان..واغرضهم معروفه وده مش من مصلحتهم
*امن الدوله؟؟؟قصدى رجالة العادلى؟؟؟؟؟؟؟؟؟؟؟؟؟
*الاقباط ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مسلسل انهم ابرياء مابقاش يخيل؟؟؟؟؟؟؟؟؟؟؟؟؟؟
* منع الغاز واسرائيل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
*الاجندة اللى ظهرت بغبائهم بعتصمهم اودام السفارة الامريكية؟؟
* كامليا شحاته عميله لمين ومين اللى مجندها وليه ظهرت
دلوقتى بالذات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مش فاهمه ولو انتم فاهمين اكسبو فيا صواب

الأقباط أمام ماسبيرو ينددون بالسلفيين والنيابة تحقق بأحداث إمبابة.

لا حولى ولا قوى الا بالله

بصراحا ما بقتش عارفه ليه الى بيحصل ده كلو

مسحيين ومسلمين من امتى كنا بنسال انت ايه ليه كلنا

ايام الثورة كنا ايد واحده وتقاسمنا اللقمه ان كان

بميدان التحرير او بالاشغال او ببيوتنا كنا الى عندو

بيدى الى مش عندو بغض النظر عن انت ملتك ايه بجد حرام

بقى المصيبة وحده ووجعنا واحد وايدينا ايد واحده

اخر حاجه الواحد كان بيتخيلها ان مصر توصل لكده

مصر بلد الامن والامان انا بقيت بمشي بالشارع وخايفه

بنتي من اسبوعين تكتك وفيه شابين لحقها هى وصحبتها

وكان حيخطفهم لولا حلم ربنا ورعايتو وولاد الحلال لما

لقو التكتك بيلاحقهم جريو وراه راح التكتك جاري منهم

حنوصل لايه؟ ولية كده ؟ ولمصلحت مين الى بيحصل ده؟

ياريت نعرف عشان نعرف نتصرف وياريت يكون فى حد فعلا

يقدر يتصرف بقى لاننا تعبنا بجد كده حرام اوى

يارب الطف بينا وبولادنا وحفظ مصر من كل شر

» "عبير" بطلة فتنة إمبابة فى حوار شامل
» شوفتوا اللى حصل عند ماسبيرو!!!!!!!!!
» الصحة: 44 مصاباً بأحداث محمد محمود حتى الان
» بــ 4 "لاءات" تحقق أهدافك .
» كيف تحقق رقم الـ 100 في تمرين الضغط بسهولة ؟

الأقباط أمام ماسبيرو ينددون بالسلفيين والنيابة تحقق بأحداث إمبابة.

الأقباط أمام ماسبيرو ينددون بالسلفيين والنيابة تحقق بأحداث إمبابة.

مواضيع مماثلة

مواضيع مماثلة