ههههههههههههههههههههههههه

ضيافة ايه بقى يا لولو و انتى عملتى حظر على لمس الحاجات الحلوات دى؟!!!!!!!!

شوفى يا ستى

هو بما ان طوابير العيش بقت زحمة موت يعنى

و بعد الساعة 12 الضهر مفيش ولا رغيف ف اى فرن خلقه ربنا - حتى الرغيف اللى بربع جنيه كمان عليه مطحنة عشان نجيبه

فانا حبيبتى مش اتخلى عن الحب و بس و اجيب رغيف

ده انا مستعدة ابيع نص عمرى - لا عمرى كله عشان المم يا لولو

هو انا مش من انصار الحب قبل الجواز كدافع للاختيار فقط

يعنى

من تجربتى الشخصية و من اللى شفته فى جواز زميلاتى

الحب بيكبر و بيزيد فعلا بعد الجواز لو كان فيه تحكيم للعقل بجانب القلب

هاقولك ليه

الناس بتقول الحب اعمى

و هو فعلا كده

لان الغالبية من البنات و الولاد كمان بتنكب على بوزها ورا حاجات زى الجمال و الاناقة و الروشنة و الحاجات دى

دى حاجات كويسة برضه

لكن الاهم منها انهم بيغفلوا حتة تحمل المسؤلية

بيبصوا بس على ان ده حبيبى و دى حبيبتى و مقدرش اعيش من غيرها و هى كل حاجة

طيب بس الاهم الحبيب او الحبيبة دى هتبقى ام يعتمد عليها او هيبقى اب متحمل للمسؤلية؟

انا اعرف واحدة اتحدت الدنيا عشان تتجوز اللى بتحبه

بعد شهرين اتنين

بدأت الشكاوى

من ان كل حاجة عليها

بره و جوة البيت

و بعد ما ربنا رزقهم الذرية

بقت يومين بس فى شقتها

و باقى الاسبوع فى بيت اهلها

لان زوجها - اللى هو حب العمر زى ما كانت بتقول - رافض تقديم اى مساعدة تكن ليها

حتى رافض انه يوصلها شغلها - مع ان عنده عربية - بحجة انه طول الليل سهران و بينام بالنهار (بحكم عمله يعنى)

وقت ما تيجى تكلميه

تلاقيه بيشتكى انها متدلعة و مش اد الجواز

مبتعرفش تطبخ و معظم الاكل دليفرى

مش بتنضف و بيجيبوا واحدة للتنضيف كل اسبوع

و طالما هى مش بتأدى دورها كما ينبغى

هو كمان بيريح دماغه

و لما تحطى لهم السؤال التقليدي

" طيب و حب العشر سنين؟"

الاجابة طبعا

"بلا حب بلا قرف"

و عليه التجربة دى اثبتت فشل الجواز اللى عن حب و بس

من غير تعقل

هو ممكن يكون فيه حب قبل الجواز

بس الاهم تحكيم العقل و حسن الاختيار

الحب مش كل حاجة

و عمره ما كان بيأكل عيش

مشكورة على الموضوع يا لولو