بسم الله الرحمن الرحيم
يقول الله تعالى فى كتابه الكريم :
ويطعمون الطعام على حبه مسكينا ويتيما وأسيرا إنما نطعمكم لوجه الله لا نريد منكم جزاء ولا شكورا إنا نخاف من ربنا يوما عبوسا قمطريرا ) خصص الله الإطعام بالذكر لما في إطعام المحتاج من إيثاره على النفس كما أفاد قوله ( على حبه ) .
.
فما أفضل من اطعام الطعام ثوابا ومن هذا المنطلق أطلق فريق جمعية الضياء الخيرية بسماحه حملة أسميناها حملة الإطعام . المستهدفين من الحملة سيدات مسنات يعيشون بمفردهم فى مساكن قديمة ولا يجدون من يخدمهم وبالاحصاء المبدئي ظهر لنا خمس حالات بدأت الحملة يوم 28/5/2011 وبعد أيام زاد العدد إلى سبعة حالات ثم ثمانية إلى أن وصل العدد إلى عشر سيدات مسنات بحاجة إلى من يخدمهم ويقدم لهم الطعام والشراب ومن الكفيفات وقد أحزننى أول يوم فى الحملة وأنا أطرق باب إحدى السيدات وجدتها طاعتة فى السن وكفيفة وقد أشعلت موقد الجاز ( وابور ) والأوانى سوداء ووجدتها تطهو الطعام وهى كفيفة ومسنة ياااااااااااااااااااااااااااه كم تألمت لهذا المشهد وأيقنت لحظتها أننا سنحاسب من من أجل التقصير فى حق هؤلاء الناس الذين أوصانا الله ورسوله بهم وأن لهم حق معلوم فى أموالنا ولهم حق مفتوح فى صدقاتنا ..
وحرصا منا على كل المسلمين ندعوكم جميعا للمشاركة معنا فى حملة الإطعام وذلك بتجهيز 10 وجبات يوميا وتعبئتها فى أطباق من الفوم وأمر يوميا على المشاركين الساعة الحادية عشر صباحا لاستلام الوجبات وتوزيعها
جزاكم الله خير الجزاء
.

ربنا يجزيك الجنة يا محمد و يجعل عملك فى ميزان حسناتك

كفاية بس شعور الناس دى انه فيه حد مهتم بيهم و بيؤنس وحدتهم

طيب

انت طلبت مشاركتنا بحملة الاطعام

و احنا طبعا بعيدين كل البعد عن البلد عندكم و عن مقر الجمعية

فلو ممكن تحط رقم حساب الجمعية

و تحدد المبلغ اللى ممكن التبرع بيه لتجهيز الوجبات دى فى اليوم الواحد

يعنى الخمس وجبات بتتكلف اد ايه؟

متهيأ لى المشاركة كده هتكون ممكنة

اختى الفاضلة داليا
حملة الإطعام ليست بتحويل الاموال ولا اقبل فيها تبرعات نقديه ولا عينيه لابد من تجهيز الوجبات عشان تشعرين بالثواب من ساعة متنامى بالليل لحد ما تصحى من النوم وتدخلى المطبخ وزوجك واقف على دماغك خلصى زمان ابو قمر جاى ياخد الوجبات انتى لسه هتحمرى اللحمه مينفعش وديها مسلوقه صحيه وافضل من المحمره ومن تعبك بعد تجهيز الوجبات تدخلى تنامى وتصحى المغرب وتكوني هلكانه وتلاقى زوجك واولادك منتظرين سيادتك تجهزى ليهم الغذاء لأنهم متغدوش
هنا فقط يشعر الجميع بمتعة العطاء انما عاوزه تتبرعى لوجه الله لأى حاجه فى انشطة الجمعية زي الرعاية الصحية أو المساعدات الاجتماعية فرقم الحساب هو 1/22556 بنك مصر فرع أجا باسم جمعية الضياء الخيرية بسماحه بس التبرع مش هيروح للإطعام هيروح لعمل خير تانى عشان مكدبش عليكي
وربنا يجزى الجميع كل الخير وبعدين فكرة الاطعام لو عجباكم نفذوها فى شارعكم او الحى بتاعكم واللى قادر يطبخ ويجيب الوجبات انا هاخده اوزعها وعلى فكره العدد وصل 10 وجبات مش خمسه
الله يبارك فيكي ويجزيكي الجنة
وبعد إذن الإدارة دا موقع الجمعية وقد تفضلوا مشكورين بنشره من قبل http://aldiaa4u.forumegypt.net/forum ورقم التليفون 0110985223

أختى الفاضلة / دلال صبحى
ملابس * كتب * أدوية * جهاز عروسة وما شابه ذلك
ااتصل بنا يصلك أبو قمر أو من ينوب عنه أينما كنتم
وجزاكم الله خير الجزاء

عنوان الجمعية :
جمعية الضياء الخيرية بسماحه
سماحه - أجا - دقهلية
المستلم / محمد العوضى إبراهيم قمر
بخصوص حملة الإطعام وقبول تبرعات ماديه
فالاجراءات كالتالى :
محتاجين طباخ ومحتاجين موافقة الصحة ةمحتاجين حاجات كتيره وتصاريح
انما تنفيذها على المستوى الشخصى بيكون اسهل بستلم منك الوجبات معباة جاهزه وبوزعها
انما فكرة المبالغ الماديه من أجل حملة الإطعام فإن شاء الله فكره تحت الدراسة بس هتاخد وقت لحين تنفيذها
فى المرحله القادمه إن شاء الله

أختى الفاضلة / علا
جزاك الله الجنة وأسعدك بزيارة بيته الحرام