"التعليم كالماء و الهواء"

ترددت تلك المقولة التى توارثناه بداخلى و انا بطريقى لتسديد مصروفات روان و استلام الكتب

وتذكرت تصريحات الوزير عن مجانية التعليم و الاصلاحات التى ستتم هذا العام و التوصل لتسوية ترضى المدرسين

و الاهم ان المصروفات المدرسية لن تزد هذا العام عن سابقه



"صباح الخير يا مدام كريمة.. فيه استلام لتانية ابتدائى النهاردة؟"

"ايوة.. ادفعى المصاريف الاول عشان تستلمى"

"تمام.. كام ان شاء الله؟"

"54 جنيه!!!!!!!!!!!!!!!!!!!!"

"هو مش الوزير قال مفيش زيادة السنة دى؟"

"ما الوزير يقول زى ما هو عاوز يا ام روان.. ما احنا عمرنا بنسمع و لسه ياما هنسمع"

"طيب هى البنت هتبقى فى فصل مس نبيلة السنة دى ان شاء الله؟"

"الله اعلم"

"ونعم بالله.. بس مش انتوا وزعتوا الجداول خلاص"

"اه وزعناها.. بس المدرسين موقعوش عليها عشان الاضراب اللى هيعملوه"

"اضراب تانى.. احنا مش خلصنا خلاص"

"لا لسه.. الاضراب هيبتدى من يوم 18/9.. و مفتوح الى ما شاء الله"

"يعنى عليه العوض ف العيال السنة دى كمان.. حسبى الله ونعم الوكيل"

ووجدتنى اردد اغنية "خلاويص.. لسه"

فضحكت هامسة "و بيقولوا التعليم كالماء و الهواء قال"

و الله يا توتى حبيبتى الناس دلوقتى بترفع راسها فوق عشان تنزل أعلام و بس

و خير مثال طبعا اللى حصل فى سفارة اسرائيل و فى الجامعة الامريكية

و ليكي كل الحق حبيبتى فى اختيارك للاغنية كمان



و بالنسبة للشعار يا دودى

تخيلى مجاش فى بالى الموضوع ده قبل كده

فعلا

يمكن يكون ده مقصودهم

و ده انسب تفسير لوضع التعليم الحالى



شاكرة مرور الجميع