قبض المصور جان فرانسوا على لحظات أمومة مذهلة لأنثى الأسد تعبر عن التضحية وحب الأم فى جميع الكائنات، داخل غابات كينيا وفقا لصحيفة ذى صن البريطانية.



وأظهرت أنثى الأسد شجاعة بالغة فى مواجهة منحدر رأسى تقريبا لإنقاذ ابنها الذى ضل عن الطريق، بعد أن انفصل عن القطيع لتجده عالقا على منحدر يواجه الموت لتختار هى أيضا بكامل إرادتها أن تواجه الموت لتنقذ ابنها.



وشقت الأنثى طريقها داخل المنحدر ثم أمسكت الشبل بفكيها لتتسلق المنحدر وهى تحمله، وبمجرد أن وصلوا إلى الآمان أعطت الأم لشبلها جرعة من الحنان وداعبته لتطمين ابنها الذى كان على حافة الموت.

سبحان الله
غريزة الامومة موجوده حتى بالحيوانات
تسلم ايدك يا دودللي موضوع جميل
جزاكى الله كل خير
:flowers:

و الله يا لولو الصور و الموضوع ده وقفنى كتير

اللبؤة دى كانت بتخاطر بحياتها عشان تنقذ ابنها

و ابنها ده طبيعى فى عالم الحيوان هيسيبها عند وقت معين وينتقل لمرحلة الاستقلال

عكس اللى بيحصل فى عالمنا

الابناء ممكن يفضلوا مع اهلهم و يعتنوا بيهم فى وقت الكبر او المرض

و مع ذلك

الحيوان ده معندوش سمة التحايل على الغرائز زى بعض البنى ادمين

اللى منهم ناس بتبيع عيالها مقابل المال

و منهم ناس بترميهم فى الشارع من دون ذنب

و منهم كانت الام اللى قتلت رضيعتها عشان مش عارفة تنام من صراخها المستمر

مشكورة على المرور يا لولو

فعلا الصورة تخلي الواحد يقشعر من حنية اللبؤة
وخوفها على ابنا ورغم انهم زى ماقلتى انهم بيسيبو بعض بعد كده
لكن الام بتقوم بدورها لاخر انا ربيت بوقت من الاوقات
قطة عندى بالبيت وولدت كمان وكنت بشوف تصرفات من
القطة فعلا تدهشنى سبحان اله حيوانات لكن فعلا حنينين
وكانت تحس بيهم لما يصحو وانهم عاوزين ياكلو لو بتاكل
كانت تسيب الاكل وتجرى عشان ترضعهم وبعرفو ازاى
بتعاملو مع صغارهم بصراحا انا اوقات بحس انهم احن من
البنى ادمين مع احترامى ليهم لكن في بعض الناس ما عندهمش
الحنية دي خالص مشكوره يا دوللي على الموضوع حبيبتي

معاكى حق يا علا

الحيوانات اكتر ترابط من البنى ادمين

احنا كمان كنا بنربى قطط سيامى من و انا صغيرة و لفترة فريبة

انتهت تربيتنا لاجيال من القطط نهاية غريبة لايمكن حد يتخيلها

اخر قطة عندنا كانت القطة الام

فضلت معانا 8 سنين

و فى اخر ولادة لها

ماتوا ولادها التلاتة فجأة بعد ولادتهم بيوم

و فضلت القطة الام يومين رافضة الاكل و الشرب

لدرجة انه بابا الله يرحمة كان بيضرب اكلها فى الخلاط و يديه لها بالسرنجة

و لما خدناها لدكتور قال انه عندها اكتئاب حاد بسبب حزنها على ولادها - سبحان الله

و ماتت بعد اسبوع

و حزن القط الكبير الاب عليها

و برضه اصابه الاكتئاب

و مات بنفس الشكل بعدها بفترة قصيرة

الحكاية دى بجد و الله

وده اكبر مثال للوفاء و الترابط اللى عند الحيوانات

و اللى للاسف مش موجود عند البنى ادمين