خلاص يا حضرات

انا هابصم و اختم بالعشرة على ان الشعب اليابانى من أكفأ الشعوب على وجه الارض

و الكفاءة دى كلمة شاملة

تتضمن العبقرية فى التفكير و مهارة وسرعة التنفيذ

و العبقرية طبعا بتيجى من كل ما هو غير مألوف

و الغير مألوف اللى عند اليابانيين بقى ايه؟

انه تجيلهم المصيبة كبيييييييييييرة و عظيييييييييمة

و تلاقيهم بقى يعملوا ايه؟

يولولوا و يصوتوا و يندبوا حظهم و يدوروا يستلفوا م اللى يسوى و اللى ميسواش زى ناس كده؟

لا طبعا

دول بيحولوا كوارثهم دائما و ابدا لابداعات يقف امامها العالم مذهولا

و طبعا اخر و اكبر كوارث الشعب اليابانى كان التسونامى الفظيع اللى راح ضحيته اكتر من 20000 شخص ما بين قتيل و مفقود

و الابداع المرة دى كان ايه بقى؟

كان "سفينة نوح"

و ده الاسم اللى اطلقته شركة يابانية على سفينة مصغرة اخترعوها لمواجهة الزلازل و موجات المد و الاعاصير

و سفينة نوح دى عبارة عن كبسولة صفراء عائمة شكل كرة التنس ضخمة

مصنوعة من الألياف البلاستيكية الزجاجية المعززة

و تقدر تستوعب أربع أفراد بالغين

غير أنها بتعوم فى الماء

وفيها نوافذ وثقوب للتنفس

و فى الاوقات العادية ممكن يستخدموها كغرفة لعب للاطفال

شوفتوا العبقرية

و على فكرة السفينة دى اتباع منها لحد دلوقتى 600 واحدةبـ 4000 دولار

عقبال عندنا يا رب لما نخترع كده حاجة تنفع للماس الكهربى اللى بنلاقيه ورا اى مصيبة ملهاش تفسير

اسيبكم مع صور "سفينة نوح اليابانية"








//




__CF.AJS.init1();

ياريت اليابان تصنع لنا كبسولات لحمايتنا من غضب الشعوب والثورات المتتالية
اللي ما بيهدي لها بال لاواللي زاعجتنا ورجعتنا للعصور ما قبل التاريخ ياريت
لو هالدولة المخترعة يا اللي شعبك قاعد بيبتكر ويصنع ويعمر ويخطط ويهندس

قال تعالى (أَيْنَمَا تَكُونُوا يُدْرِكُكُمُ الْمَوْتُ وَلَوْ كُنْتُمْ فِي بُرُوجٍ مُشَيَّدَةٍ).
يعنى هتهربوا من اية , من قدركم
لو اخترعتوا اية اللى اجله بينتهى لو راح فين ده اجله خلاص
ليس على الكفار بحرج ولا يجب ان نلومهم على شئ ربنا يهديهم لنعمة الاسلام
شكرايا دوللي على الموضوع

و الله يا لولو حبيبتى انا متفقة معاكى انه لازم يكون فيه حل مش للثورات انما لحالة الفوضى الرهيبة اللى بعد الثورات

ان شالله حتى يرشوا لنا منوم فى الجو

ننام ييجى عشر سنين كده على بال ما يظبطوا لنا الدنيا

انما حبيبتى اسمحى لى بالاختلاف معاكى - خاصة من منظورك لتفسير الاية الكريمة أَيْنَمَا تَكُونُوا يُدْرِكُكُمُ الْمَوْتُ وَلَوْ كُنْتُمْ فِي بُرُوجٍ مُشَيَّدَةٍ

الاية دى نزلت لحث الناس على القتال و الجهاد مع الرسول

وقت ما كانوا بيبنوا البروج و يستخبوا فيها و بيرفضوا الجهاد بسبب الخوف من الموت

و ده طبعا مش معناه باى شكل من الاشكال الاستسلام للموت

والا كان زمان الانسان انقرض من العصر البدائى اذا كان هيستسلم لاسلوب المعيشة على الارض

و بعدين البحث عن النجاة من الموت دى غريزة

حتى الحيوانات بتهاجر للنجاة بنفسها من مخاطر الطبيعة

ما بالك بالانسان؟

و بعدين اليابان فعلا معظمهم مش معتنق لاى رسالة سماوية

لكن مع ذلك دول من اكتر الشعوب تقدما

و للاسف احنا كمسلمين او عرب مش قادرين حتى نحذو حذوهم

و مفتكرش انه فيه اى ملامة ليهم على اى من اختراعاتهم اللى فادت المسلمين و غير المسلمين

و طبعا انا عرضت المقال على صورة "ازاى تقدر تحول الكارثة اللى بتحل بيك الى منفعة عظيمة ليك و لغيرك"

و ايا كان الامر

فده حدث علمى و امر سيكولوجى بحت

و لو تعرضنا له من منظور دينى

يبقى الاولى اننا نطبق قوله تعالى "و قل اعملوا فسيرى الله عملكم و رسوله و المؤمنون"

مشكورة على مشاركتك القيمة يا لولو

و مشكورة كمان انك فتحتى فيها مجال للمناقشة

يا دوللي ما هو سبب الفوضي الاساسي الثورات الى بتحصل
ويا ستي منوم او غير منوم المهم يعملولنا حاجة

وبالنسبة للاية انتى قلبتى

.....الاية دى نزلت لحث الناس على القتال و الجهاد مع الرسول

الاية دي وقتها نزلت للجهاد مع الرسول عليه الصلاة والسلام لكن تعددت الاسباب والموت واحد

... و ده طبعا مش معناه باى شكل من الاشكال الاستسلام للموت

احنا طبعا مش حنستسلم للموت بدليل ان الانسان بيحاول يهرب من بلد لبلد
بسبب الحروب ليه لانو بيخاف يموت وبيعمل الى عليه وبيهرب من مكان الحرب

...والا كان زمان الانسان انقرض من العصر البدائى اذا كان هيستسلم لاسلوب المعيشة على الارض

لكن مش سبب استمرارنا بالحياة انو دفاع مننا عن روحنا ومن خوفا من الموت
لسا عايشين لو ربنا كان عاوز الانسان ينقرض كان انقرض من زمان وانا مش
ضدد الخوف والدفاع عن نفسنا من المخاطر لا احنا بنعمل الى علينا
والباقي على الله لكن كل شئ بالحياه قضاء وقدر ومكتوب

...لكن مع ذلك دول من اكتر الشعوب تقدما

مافي شك ابدا انهم متقدمين جدا وفعلا معظمهم مش معتقدين لاي ديانات
سماوية ومنشان هيك بنقول الحمد لله على نعمة الاسلام
انا مش بلومهم خالص لكن ربنا يهدي الجميع

والمقالة الى عرضتيها والصور اكثر من رائعة واختراع جميل كمان
انا مش معترضة ومنشان هيك قلتلهم يخترعولنا شئ حتى الناس ترتاح
من الى بيحصل ده وياريت يكون علاج للحب لو الناس كلها كان
بينهم موده وحب ماكان صار الى بيصير بالعالم ده

انا حبيبتي مش معترضة على اي حدث علمى او سيكولوجى ابدا

انا قلت رئيي اللهم لا اعتراض

لا شكر على واجب حبيبتي انتى الى مشكورة على
الموضوع الرائع والى فتح فعلا مجال للمناقشة
دائما متميزة يا دوللي