أصدر المشير محمد حسين طنطاوى، رئيس المجلس الأعلى للقوات المسلحة قرارا بتحمل القوات المسلحة لكافة تكاليف النشر بالصحف لإشهار وتأسيس الأحزاب الشبابية الجديدة، وينص القرار على التزام القوات المسلحة بتوفير كافة التسهيلات الإدارية للشباب بما يمكنهم من خوض الانتخابات البرلمانية والمشاركة بفاعلية فى الحياة السياسية وبناء مستقبل مصر.

كما قرر المجلس تعديل بعض مواد القانون 73 لسنة 1956 بتنظيم مباشرة الحقوق السياسية، وذلك من خلال مرسوم بقانون رقم 124 لسنة 2011 وهذا نصه:

رئيس المجلس الأعلى للقوات المسلحة.. بعد الاطلاع على الإعلان الدستورى الصادر فى 13 فبراير سنة 2011 وعلى الإعلان الدستورى الصادر فى 30 مارس سنة 2011 وعلى الإعلان الدستورى الصادر فى 25 سبتمبر 2011، وعلى القانون رقم 73 لسنة 1956 بتنظيم مباشرة الحقوق السياسية، وبعد اطلاع رأى اللجنة العليا للانتخابات وموافقة مجلس الوزراء.. قرر المرسوم بقانون الآتى نصه وقد أصدرناه.

(المادة الأولى).. يستبدل بنصوص المواد 40 و43 و45 و46 و47 و48 و49 و50 من القانون رقم 73 لسنة 1956 بتنظيم مباشرة الحقوق السياسية النصوص الآتية:

مادة (40)
يعاقب بغرامة لا تجاوز خمسمائة جنيه من كان اسمه مقيدا بقاعدة بيانات الناخبين وتخلف بغير عذر عن الإدلاء بصوته فى الانتخاب أو الاستفتاء.

مادة ( 43 ):
يعاقب بالحبس كل من أهان بالإشارة أو القول رئيس أو أحد أعضاء لجنة الانتخاب أو الاستفتاء أثناء تأدية وظيفته أو بسبب تأديتها.

مادة ( 45 ):
يعاقب بالحبس كل من هدم أو أتلف عمدا شيئا من المبانى أو المنشآت أو وسائل النقل أو الانتقال المستخدمة أو المعدة للاستخدام فى الانتخاب أو الاستفتاء بقصد عرقلة سيره، وذلك فضلا عن الحكم عليه بدفع قيمة ما هدمه أو أتلفه.

مادة ( 46 ):
يعاقب بالسجن كل من اختلس أو أخفى أو أتلف إحدى قواعد بيانات الناخبين أو بطاقة الانتخاب أو الاستفتاء بقصد تغيير الحقيقة فى تلك النتيجة، أو بقصد ما يتوجب إعادة الانتخاب أو الاستفتاء أو تعطيله.

مادة ( 47 ):
يعاقب بالحبس كل من تعمد بنفسه أو بواسطة غيره قيد اسمه أو اسم غيره فى قاعدة بيانات الناخبين أو حذفه منها على خلاف أحكام القانون.

مادة ( 48 ):
يعاقب بالحبس مدة لا تقل عن سنة ولا تجاوز خمس سنوات وبغرامة لا تقل عن عشرة آلاف جنيه ولا تجاوز مائة ألف جنيه:

* أولا : كل من استعمل القوة أو التهديد لمنع شخص عن إبداء الرأى فى الانتخاب أو الاستفتاء أو لإكراهه على إبداء الرأى على وجه معين.

* ثانيا : كل من أعطى آخر أو عرض أو التزم بأن يعطيه فائدة لنفسه أو لغيره كى يحمله على الامتناع عن إبداء الرأى أو إبدائه على وجه معين، ولرئيس اللجنة العليا للانتخابات الحق فى إبطال الأصوات الانتخابية الناتجة عن ارتكاب هذه الجريمة.

* ثالثا : كل من قبل أو طلب فائدة من هذا القبيل لنفسه أو لغيره.

* رابعا : كل من نشر أو أذاع أقوالا أو أخبارا كاذبة عن موضوع الانتخاب أو الاستفتاء أو عن سلوك أحد المرشحين أو عن أخلاقه مع علمه بذلك بقصد التأثير فى نتيجة الانتخاب أو الاستفتاء .

فإذا أذيعت تلك الأقوال أو الأخبار فى وقت لا يستطيع فيه الناخبون أن يتبينوا الحقيقة ضوعفت الغرامة.

* خامسا : كل من قام بأى من الأفعال الخاصة بطباعة أو تداول بطاقات إبداء الرأى أو الأوراق المستخدمة فى العملية الانتخابية دون إذن من السلطة المختصة.

ويعاقب المرشح المستفيد من الجرائم الواردة بالفقرات أولا وثالثا ورابعا وخامسا المشار إليها بنفس عقوبة الفاعل الأصلى إذا تبين علمه وموافقته على ارتكابها وتحكم المحكمة فضلا عن ذلك بحرمانه من الترشيح للانتخابات النيابية لمدة خمس سنوات من تاريخ صدوره الحكم الجنائى نهائيا وباتا.

مادة (49) .. يعاقب بالحبس:
أولا : كل من أبدى رأيه فى انتخاب أو استفتاء وهو يعلم بعدم أحقيته فى ذلك.

ثانيا : كل من أبدى رأيه منتحلا اسم غيره.

ثالثا : كل من اشترك فى الانتخاب أو الاستفتاء الواحد أكثر من مرة، ولرئيس اللجنة العليا للانتخابات الحق فى إبطال الأصوات الانتخابية الناتجة عن ارتكاب أى جريمة من الجرائم المنصوص عليها فى هذه المادة.

مادة (50):
يعاقب بالسجن كل من خطف الصندوق المحتوى على بطاقات الانتخاب أو الاستفاء أو أتلفه أو غيره أو عبث بأوراقه.

(المادة الثانية) .. يضاف للقانون رقم 73 لسنة 1956 الخاص بتنظيم مباشرة الحقوق السياسية المشار إليه مادتان برقمى 50 مكرر و 50 مكرر (أ) ويكون نصهما الآتيان:

ـ مادة (50) مكرر:
تحظر الدعاية الانتخابية القائمة على استخدام الشعارات الدينية أو على أساس التفرقة بسبب الجنس أو الأصل ويعاقب كل من يقوم بمخالفة هذا الحظر بالحبس مدة لا تقل عن ثلاثة أشهر وبغرامة لا تقل عن خمسة آلاف جنيه ولا تجاوز عشرة آلاف جنيه.

ـ مادة (50) مكرر (أ):
تتولى النيابة العامة التحقيق فى الجرائم المنصوص عليها فى هذا الباب تحقيقا قضائيا، ولها أن تأمر بحبس المتهم احتياطيا على ذمة التحقيق حتى إحالته للمحاكمة الجنائية.

وتتولى الجمعية العمومية لكل محكمة استئناف أو محكمة ابتدائية تحديد دائرة أو أكثر للنظر فى الجرائم الانتخابية والفصل فيها على وجه السرعة.

(المادة الثالثة).. يلغى كل حكم يخالف أحكام هذه المرسوم بقانون.

(المادة الرابعة).. ينشر هذا المرسوم بقانون فى الجرائد الرسمية وتكون له قوة القانون ويعمل به اعتبارا من اليوم التالى لتاريخ نشره.

و الله انا مش مصدقة عينيا

يعنى هروح انتخب

لا وايه؟

لو مروحتش ادفع غرامة

اد كده هيبقى لنا قيمة

لا هيبقى لنا حق

نقول احنا عاوزين الراجل ده او الست دى عشان يمثلونا و يوصلوا صوتنا للمسؤلين؟

انا لما روحت الاستفتاء بتاع الدستور

على اد ما كنت فرحانة ووقفت طابور طويل و كان جنبى المحافظ واقف كده زيه زيى

على اد ما كنت حزينة

و قلت ف نفسي

"يلا.. اهى مرة و مش هتعود"

لا يا جماعة

دى شكلها هتعود و هتحلى كمان

اكتر حاجة عاجبانى بجد المادة 48

بس يا ريت تتاخد بمحمل الجد

و تريحنا بقى من الميكروباصات اياها اللى كانت بتحمل النفر ب 50 جنيه

و تشيل الرعب اللى كان مالى قلوبنا اننا نخرج البلكونات حتى فى يوم الانتخابات

و اهم احجة ف المواد دى كمان

انها بتحمى الناس اللى هتشتغل فى اللجان

لاحد يقدر يقولهم ولا يفتح بقه معاهم من اساسه

يا رب بس تعدى على خير

و ربنا يوفقنا و يهدى القائمين على امورنا للى فيه الخير

فعلا المادة 48 مهمة جدا بس ياريت تتطبق بجد
او يقدروا يطبقوها بجد على الجميع
ومانشوفش وش البلطجية وعمايلهم السودا زي كل مرة
انا شخصيا ماليش بطاقة انتخابية ومش حتتطبق عليا الغرامة
لو ماروحتش الإنتخابات
لأني بصراحة مش مقتنعة بجد ممكن أرشحه
لا في مجلس شعب ولا للرئاسة
يوم مارحت الأستفتاء كان اول مرة في حياتي
وكانت تجربة حلوة جدا لأن الحياة ايامها كانت بمبي
لكن دلوقتي نظرتي تغيرت تماما للأمور
وقررت إني مش حشارك في السيرك اللي حيحصل ده
معلش يا دوللي حبيبتي يمكن اكون عملت لك إحباط
لكن ده إعتقادي لحين إشعار آخر

و الله يا دودى حبيبتى هو انا مش فاهمة بالظبط حتة "قاعدة بيانات الناخبين "دى كويس

لانهم قالوا قبل كده ان زمن البطاقات الانتخابية انتهى و هنصوت بالبطاقة الرقم القومى

فممكن تكون القاعدة دى للاحياء - عشان الاموات خلاص - المقيمين بمصر فوق سن 16 سنة ولا ايه؟

مش عارفة

و على فكرة

كلامك يا دودى مفيهوش احباط ليا

انا كمان مش شايفة لا نائب مناسب ولا رئيس جمهورية مناسب

ده المنصورة كلها مفيهاش صورة واحدة توحد ربنا كدعاية للانتخابات - قصدى البرلمانية طبعا

بس انا قررت انى مكونش سلبية تانى

طالما صوتى هيكون مؤثر

فهاختار احلى الوحشين

طالما صوتى هيفرق

يبقى ما اخليش اوحش الوحشين ياخد اى فرصة

بس قولى يا رب بس الامور تمشي تمام

الا بتوع الوطنى المنحل نازلين تهديد ووعيد

ربنا يستر

حبيبة قلبي أعتقد من سن 18 سنة
لأن توتي مانزلتش معانا في الإستفتاء
وفعلا ربنا يستر
دول شوية بلطجية بيطلعوا على مظاهرة بيبهدلوا الدنيا ويجروا
وماحدش بيقدر يجيبهم
مابالك بقى بالإنتخابات وما أدراكي من مصلحة من ورا الإنتخابات
بجد ربنا يستر ويحمي مصر من كل شر ومن كل ظالم وباغي
ربنا يهدهم.

انتم متأكدين ان المجلس بتاعنا احنا اللى قال كده مش مجلس دولة تانية ..
انا مش مصدق نفسى والله ..
حبس وغرامات وحاجات كده ..
ايوة كده خليها تحلو بقى
احنا عندنا فى دعاية وكل حاجة بس للسلفيين بس
بس المهم انى ابقى عارف ان صوتى له قيمة وهيغير ..
اخيرا ده انا كنت ناوى اخد جنسية مدغشقر علشان ادخل انتخابات هناك ..
ههههههههههههههههههههه

بالنسبة لأني مش عايزة انزل انتخب يعني؟
هقولهم مش فاضية ورايا محاضرات
انا ماعرفش اي حد من الناس دي
هنتخب علي اي اساس يعني؟
كويس اني لسة مش 18
فاضل شهرين لسه

مدغشقر يا أحمد ؟؟؟
لأ ياعم خليك هنا أحسن والحمد لله أهي إتحلت
لكن مش فاهمة إزاي الدعاية حتبقى على أساس غير ديني ؟؟؟
إذا كان الإخوان شعارهم الإسلام هو الحل ؟؟؟؟

توتي حبيبة مامي الإنتخابات لحد الساعة 8 بالليل
يعني مافيش حجج لعدم الإدلاء بصوتك
انا بقى بقترح عليكي انك تبتدي تحوشي من دلوقتي
عشان تقدري تدفعي الغرامة.

فااااااااااااااااكِِِِِس جدا
ولا هحوش ولا هروح
اصلا انا محاضراتي هتبتدي
الساعة 8 الصبح وفيه ايام هخلص
فيها الساعة 6 وعقبال ما اوصل البيت
تكون الساعة 7:30 فلو جابولي المشير
ذات نفسه في البيت مش نازلة
انا في ايه ولا في ايه

اللهم لا حول ولا قوة الا بالله

يعنى بتعلنى انك مش هتنتخبى

و بتجيبى سيرة المشير

دودى حبيبتى

عليكى من دلوقتى انك تعوديها على العيش و الحلاوة

و ربنا يعوض عليكم فى تحويشة العمر

و بالمناسبة يا دودى

انتى ليكى حق

الاخوان بقوا مستفزين جدا جدا

dolly كتب:

بس انا قررت انى مكونش سلبية تانى

طالما صوتى هيكون مؤثر

فهاختار احلى الوحشين

طالما صوتى هيفرق

احم احم

ايه الاحراج ده؟

عارف بأمانة انا نفسي اشارك ليه؟

لانها فعلا هتكون اول مرة اشارك فيها فى انتخابات

و لانى متأكدة ان صوتى بجد هيفرق

و علشان اخد بناتى معايا - زى ما عملت يوم الاستفتاء

عشان اشيل منهم "ثقافة امشي جنب الحيط" و "هو يعنى انا اللى هاجيب التايهة"

لان الامل بعيييييييييييد بالنسبة لى ان اعيش و اشوف المستقبل الوردى

و يمكن يكون بعيد برضه عن بناتى

بس فيه فرصة انى اعودهم

و ازرع فيهم اللى اتحرمت منه

و الهدف لو هما ملحقوهوش

ممكن ينقلوه لولادهم و باسلوب اكيد هيكون احسن

شاكرة مرورك و تفاعلك يا احمد

أنا مش بحب الحلاوة علي فكرة
يعني ممكن اكل معلقة ولا حاجة
بس أكتر من كده يبقي كتير
بالنسبة لأحمد بقي
انا ممكن انزل لو فيها 500 جنيه
اهو الواحد يطلعله بحاجة برضه



































JK JK JK

والله بينى وبينك يا توتى كده
المفروض زى ما فى غرامة
يبقى فى مكافأة بردو للى هيروح
وانا مش طمعان فى 500 جنية ولا حاجة
انا عايز 400 بس حلوين اوى

أحب القناعة انا يا أحمد
ههههههههههههههههه

و الله امرك غريب يا توتى

اول مرة اشوف مسجون بيتأمر و بيتأنف على وجبة السجن

طيب يا ستى

ابقى اكتبى لهم المنيو اللى سيادتك عاوزاه

و احنا هنوصيهم

بلاها حلاوة عادية

يخلزها حلاوة سبريد

ههههههههههه
ولا حلاوة سبريد
انا عايزة فتة وصدور فراخ
وسلطة وشوربة وبيتزا وشاورما
وكريب ومكرونة وبسلة ورز وملوخية
وفراخ بانية ولازانيا وبيكاتا وسجق وكبدة اسكندراني
وحواوشي وكفتة بالنسبة للفطارهاني بوبس وشوكو بوبس
وشوكو رايس وممكن وافلز وفي التسالي فشار وشوكولاتة
سنيكرز وتويكس ومورو وكمان ساور ستيكس وستروبيري كيسز
وآبل رينجز .. بالنسبة للمشروبات ممكن بيبسي وفيروز اناناس
و


















و












و












كفاية عليهم كده الاسبوع ده

لا و النبى

متكملى

ايه القناعة اللى نزلت عليكى فجأة دى؟

و سيادتك تحبى الطلبات دى دليفرى ولا هتاخديها ف سجن بورتو طرة للنساء؟

و ربنا يا توتى

انتى حلال فيكى انك تروحى مكان م اتنين

جوانتنامو

او يقصروا و يحدفوكى على ابو غريب

و متنسيش تبقى تاخدى معاكى المنيو ده يا قطة