كل عام وانتم بخير بمناسبة عيد الأضحى المبارك
هديتي للعيد
**الفتــــة المصرية **

أعتدنا بمصر نأكل الفتة في مواسم كتير منها عيد الأضحي و عقيقة المولود
وبمناست اقتراب عيد الاضحى المبارك اعاده الله عليكم جميعا بخير
جبتلكم طريقة حلوة و سهلة للفتة ان شاء الله تعالى
طريقة عمل الفتة المصرية
المقادير
1 كيلو لحم ضاني
2 كوب أرز مطبوخ
2 رغيف خبز بلدي أو أى خبز يصلح للفته
وكمية الخبز قد تقل أو تزداد حسب الرغبة وحسب حجم الرغيف
(مرقه او شوربة)
2\1 رأس ثوم مفري(ملعقتان كبيرتان)
4\1 كوب خل
ملعقة كبيرة من السمن لتحمير الثوم
ملح
الطريقة
يقطع الخبز ويحمص إما في الفرن

أو يحمر في ملعقتان من السمن أو الزيت
وأنا أفضل الفرن للتقليل من الدهون
نضع الخبز في طبق عميق ويسقى بقليل من الشوربه الساخنة

ويقلب لكى يتشرب كله بالشوربة
ثم نضع فوقه الأرز - وكمية الأرز تحدد حسب الرغبة
إذ يمكن أن نضع طبقة الأرز كبيرة أو قليل

تحضير صلصة الخل والثوم والتي هي الأساس لطعم الفتة
نحمر الثوم المفروم في ملعقة كبيرة من السمن

الى أن يصبح لونه ذهبيا ولا ندعه يغمق لونه كثيرا حتى لا يصبح مر
ثم نهدىء النار ونضيف الخل ثم نضيف رشة ملح صغيرة
ثم نضع هذه الصلصة على الأرز بالتساوي ويساوى السطح

كما يمكن اضافة بعض هذة الصلصة
على العيش المحمص
وهذا حسب الرغبة
تجهز صلصة الطماطم.
طريقة
يحمر الثوم في الزيت أو السمن علي نار هادئة حتي يصفر لونه.
يضاف عصير الطماطم ويترك علي النار حتي يتم تسبيكه
وممكن وضع الصلصة على وش الفتة اوفي طبق مستقل

قد يوضع بعض اللحم حول الفتة ويقدم الباقي في طبق مستقل

أو توضع كل الكمية في طبق مستقل
ويمكن إستبدال اللحم الضاني بأي نوع من اللحوم او الطيور

وبالهنــــــــــــنا والشفــــــــــــــا ......

ايه الإستفزاز اللي على الصبح ده ؟؟؟؟
ههههههههههههههههههههههههههه
حرام عليكي يالولو حبيبتي كده
انتي عارفة قد ايه بحب الفتة وبموت فيها كمان
تسلم ايديكي حبيبة قلبي
انا بعملها بالطريقة التانية
اللي هي وضع بعض الخل والثوم فوق الخبز مع التقليب
والباقي مع الصلصة
ياسلااااااااااااااااااااااااااااااااام
تحفة والله
كل سنة وانتي طيبة وبألف خير يارب
وعيد سعيد عليكي وعلى الجميع يارب
ودي هديتي لكم
اللي يلحقها ياخدها قبل ماتهرب

ههههههههههههههههههههههههه

كل سنة وانتى بالف خير يا قلبي
بالنسبة للفتة مين مش بيحبها
طبعا الطريقة وضع تقلية الثوم والخل فوق الخبز
تحفة انا بعملها كدة برضه
عيد سعيد عليكي وعلى عيلتك وعلى جميع اعضاء منتدانا