الرابط ده هو لموقع اللجنة العليا للانتخابات
http://www.elections2011.eg/
ادخلوا عليه عشان تعرفوا كل شئ عن الانتخابات
كمان المحافظة بتاعتك فى اى مرحلة و باى تاريخ
و اللجنة الانتخابية التابع لها ممكن تعرفها بادخال الرقم القومى
و المصريين بالخارج ممكن يدخلوا و يسجلوا بياناتهم عشان ينتخبوا من الخارج (بس خدوا بالكوا ان ده لازم يتم بسرعة لان المدة المسموحة للتسجيل محددة)
بجد لما تدخلوا الموقع هتلاقوه حاجة تفرح
تنظيم و اهتمام فوق الوصف
يا رب بس تكمل بالخير

فعلا يا دوللي الموقع جميل جدا ومنظم وفيه شرح لكل حاجة
لكن أعتقد انه لسه مش كامل
لأني لم اجد المحافظة ولا القسم التابعة له
انتي لقيتي اسمك يا دوللي ؟؟؟
عموما حبيبتي لأهمية الموضوع والموقع سيتم تثبيت الموضوع
شكرا ليكي حبيبة قلبي.

شوفى يا دودى
مبدئيا كده انتى اعرفى مكانك دلوقتى ثابت زى زمان ولا اتغير؟
يعنى مثلا احنا هنا فى اول المنصورة ثابت زى ما احنا
فهننتخب تبع لجان قسم اول المنصورة
انما ناس زى بتوع مركز بلقاس مكانهم اتغير
هينتخبوا فى جمصة
المكان يتعرف مبدئيا
لانهم اعلنوا عن تحديد مقار اللجان بالرقم القومى ع النت هيتفعل قريبا
يعنى لسه لم يتم تفعيلها
هما ذاكرين ده فى "اسئلة شائعة"
كمان المصريين فى الخارج لسه يا دوب فاتحين لهم باب التسجيل
و ف اول خمس ساعات الجهاز هنج من اللود الزايد
اللى دخلوا وقتها تخيلى كانوا كام؟
500 الف مصرى بالخارج
حاجة تفرح بجد
و تحمسنا هنا اننا نشيل الاحباط اللى احنا فيه ده
و نختار لاول مرة
خليكى بس متابعة على الموقع
و اعرفى تاريخ المرحلة بتاعتك
و المقر المبدئى للجنتك
و ربنا ييسر باذن الله

حاضر حبيبة قلبي حأتابع وأشكر بجد يا دوللي حبيبتي
بس لحد دلوقتي مش عارفة حأنزل انتخب لمجلس الشعب ولا لأ
لأن المقعد الفردي مش أعرف منهم حد ممكن أرشحه
يعني حأدفع الـ 500 جنية وانا مرتاحة الضمير
لكن في القوائم ممكن عشان شخصيات بحترمها جدا موجودة
وكمان ان شاء الله حأنزل في انتخابات الرئاسة
عموما ربنا يسهل حبيبة قلبي وأشكرك مرة تانية يا قمراية.

و الله العظيم يا دودى شكلكم كده فلوسكم كتيرة
مش انتوا و بس
ده انا كل ما اكلم حد يقولك انا هادفع الـ500 جنيه و مش نازل
تقوليش المجلس العسكرى كان غلطان و المفروض كان يخليها 500000 احسن
هههههههههههههههههههه
بصى يا ستى
انا نفسي عندى نفس الحيرة بتاعتك
و يمكن مضاعفة كمان
لان الاحزاب مجهولة الهوية
اللهم الا الوفد العقيم
و الحرية و العدالة (الاخوان)
و المصرى بتاع فلول الوطنى
و النور السلفى اللى انا بحترم اعضاؤه بجد لوضوحهم
يعنى مكانوش متلونين و قالوا كلام مش هينفذوه
لا هما قالوا نيتهم و اعلنوا خططهم
و ده شئ محترم بجد
بس ده مش معناه انى مقتنعة بارائهم او حتى هاديهم صوتى
انا هادى صوتى للاسف لاخر حزب كنت اتمنى اديه صوتى
ده بس لانه منظم و يقدر يعمل حاجة
و عمل فعلا حاجات بعد الثورة و اعضائه كانوا الاكثر تنظيما و الاكثر تواجدا
كمان فيه منه اعضاء فردى
دول هانتخبهم برضه
لان زى ما قلت
توجهات الحزب ده تخليه الاجدر للمرحلة الحالية
و يمكن ربنا يكرم ادام بحزب قوى له خطط واضحة قابلة للتنفيذ
انما بس دلوقتى يا دودى
انزلى و اختارى زى ما قلتلك قبل كده احسن الوحشين
بدال ما تلاقى اوحش الوحشين مفروض عليكي

اللجنة العليا للانتخابات اطلقت خدمة الاستعلام عن لجان محافظات المرحلة الاولى
فممكن يا دودى تدخلى دلوقتى و تسجلى بيانات الرقم القومى بتاعك و تعرفى مقر لجنتك الانتخابية
كمان فيه موقع هيعرفك على المرشحين و برامجهم الانتخابية
كل المرشحين لمجلس الشعب و الشورى و مرشحى الرئاسة كمان
يمكن يفيدك
ده الرابط بتاعه


http://elections.masreat.com/

حبيبة قلبي انا لسه حالا كنت في الموقع
وعرفت اللجنة بتاعتي في ارض النعام
فين بقى ارض النعام دي؟؟؟
هههههههههههههههههههههه
انا مش بعرف الشوارع اللي حواليا بعتنوني
بعييييييييييييييييييييييييييييييييييييييييد
ههههههههههههههههههههههههههههههه
وكمان وفيق في لجنة ومكان تاني خالص
طيب اروح ازاى انا دلوقتي ؟؟؟؟
ههههههههههههههههههههههه
يابنتي خلاص حأدفع الـ 500 جنية واريح دماغي

ارض
النعام؟!
طب وربنا
..


شوفى وربنا



الحكومة دى
مدلعانا اخر دلع


قوليلى بقى
ازاى؟


شوفى
حبيبتى


مشوارك كله
فايدة


انتى بس
خدى معاكى كيس بلاستيك اسود كبير


و تجيبي و
انتى راجعة ايه ؟


نص كيلو
ريش نعام لزوم المخدات


و اتنين
كيلو لحم نعام لزوم اكلة فيليه


و بيضتين
من الحجم العائلى اياه


اهو تبقى
استفدتى من المشوار بحاجة


و بالنسبة
لطريقة الذهاب


ملوش لزوم
تتعبى الاستاذ وفيق خالص


خليه فى
حساباته و الـخمسميات اللى هيكعها يا عينى


احنا مش
معانا التوكتوك اياه ولا نسيتى


انا هأجره
لك بالساعة حبيبتى


شوفتى بقت
سهلة و كلها منافع ازاى؟


و تيجى
بالسلامة اشاء الله


و العاقبة
عندنا جميعا

ههههههههههههههههه
ماشي حبيبتي ماشي
ههههههههههههههههههههههه
حأجيب لك معايا يا دوللي ماتقلقيش

بس ايه كيلو فيليه نعام ده ؟؟؟
حبيبة قلبي انا حأجيب نعام للمنتدى كله
وكمان حأرجع راكباها زي محمد هنيدي

هههههههههههههههههههههههه
بس مش عارفة حزام الآمان بقى اربطه في رقبتها ولا فين
لأني مش عايزة اتهور احسن اتعور
ههههههههههههههههههههههههههههه

اللجنة العليا للانتخابات اعلنت من دقائق عن ان الانتخابات هتتم على يومين للمرحلة الاولى تيسيرا على المواطنين
و لضمان تصويت الجميع
كمان وزارة الاتصالات عملت خدمة الدليل لمعرفة مقار اللجان
اطلبوا 140 دليل التليفون من ارضى او محمول
و اديله الـ 14 رقم بتوع بطاقة القومى
و هو يحدد لك لجنتك و رقمك فيها كمان
يا جماعة بالله عليكم
متتهاونوش ف المرحلة دى
و متسيبوش البلد للفوضويين يتحكموا فينا
انا عارفة انه مفيش بجد حد مناسب
و الكل بقناع
بس نختار احسن الوحشين دول
بدال ما نلاقى بتوع التحرير او البلطجية بيفرضوا علينا برامجهم و دستورهم
بالناخبين اللى بيتبنوا افكارهم
الكل بانت حقيقته دلوقتى
بس المهم انه الصوت الواحد ممكن بجد يفرق فى تحديد مصائرنا كلنا

عندك حق والله يادوللي
ان شاء الله الجميع يروح وربنا يسهل
شكرا حبيبة قلبي على التوضيح.