ده شعر أنا كتبته في نص ساعة بصراحة
ولسه مخلصاه .. أرجو انكم تقولولي رأيكم
ومش هسامح أي حد ينقله من غير ما يكتب
علي الأقل "منقول"
نبتدي نقرا؟
نبتدي


سحلوكي يا أختي وعرًوكي
بالعصيان وبالبيادة ضربوكي
هتكوا عرضك وما رحموكي
وضباط الجيش اللي المفروض يحموكي
هم اللي قطعوا هدومك في وسط الشارع ورموكي
يا خسارة قلنا في يوم عليهم رجال
أنا نفسي أفهم ايه غير الأحوال!
فجأة كده من حماة لأندال؟
من قمة الشرف لقمة الابتذال؟
قاللك بينفذوا أوامر .. مالهمش دعوة
يعني مش أخته دي؟ إيه ما عندهمش نخوة؟
ولا العنف والذل بقوا بالنسبة لهم شهوة!
حسرة عليكي يا مصر .. اتاخدتي علي سهوة
سامحينا يا أختي المسألة مش شخصية
احنا بنحافظ علي الأمن بطريقة شرعية
تحيا البدلة الميري وطز في الإنسانية
عايزانا نقول لأ ونشجع الحرية الثورية؟
يرضيكي يعني نتحاكم محاكمات عسكرية؟
يرضيكي نخالف الأوامر وناخد إعدام؟
لأ ياختي إحنا شطار وحلوين وبنسمع الكلام
وبعدين تعالي هنا .. انتي ليه مش باصة لقدام؟
إحنا جايين هنا عشان نحقق السلام
ما الشعب بيستفيد لما القيادات ترتاح وتنام
وتاكل وتشرب وتتهني وتتمتع وحتي تدخل الحمام
في كل خطوة من دول مصلحة لثوار التحرير
بنعيشهم تجارب ما مرش بيها ناس كتير
بنكشفلهم الطيب من الخبيث من الشرير
بنعرفهم مين اللي شايفهم جهلة ومابيفهموش وحمير
مين الل عايز يسكتهم بشوية تبن وشعير
قصدي يسوق عقولهم زي البعير
قصدي .. يووووه انا هسكت .. ده كلام خطير
بس لأ .. مش هسكت .. وقت السكوت عدي وفات
من ساعة ما التقارير قالت الشهيد ماتقتلش .. ده ببساطة مات
قلنا مستحيل إتأكدوا .. قالوا الكشف مش هيتعاد
من ساعة ما اتقلُعت الطرح واتفتحت العبايات
من ساعة ما اتهانوا الثوار
من ساعة ما اتحبسوا الاحرار
من ساعة ما حكموها الاشرار
وبقوا المعتصمين يهود .. كفار
يستاهلوا اللي بيجرالهم .. يستاهلوا ضرب النار
واللي حصل في البنت حلال والحرام هو الاعتذار
البنت تستاهل اللي جرالها .. عارفين السبب؟
دي لابسة عباية بكباسين .. شفتوا قلة الأدب!
مش مهم اغمي عليها .. كان قدامها حل .. وهو الهرب
بس الصحفي .....
صحفي ايه ياعم .. ركز في البنت وسيبك من الصحفي اللي اتضرب
في أفلام زمان كانوا بيقولوا "يا بوليس .. يا شاويش"
ومن فترة كنا بنقول إلحقنا يا جيش
بس للأسف .. الجيش مالحقكيش
ده حتي ما حماكيش .. لأ وكمان ما قدركيش
يا أختي انتي صاحبة حق بس هم بيقولوا مالكيش
بعد ده كله .. ازاي المجلس مايمشيش!


تاني هرجع واقول اني مش هسامح أي حد
ينقل الموضوع من غير ما يقول علي الأقل
انه "منقول" ومش فارقة معايا اسمي

برافو يا آية الرحمن
كلمات تلقائية جدا تعبر عن مشاعر جياشة
تنبع من قلب طاهر برئ
احسنتي التعبير يا توتي
ربنا يحميكي ويحمي كل بنات وشباب الثورة
ربنا يحمي مصر.

شعر جميل جدا يا توتى ومؤثر جدا تسلم
ايدك وتفكيرك فى الكلمات دى يا قمر
:تسلم الأيادي:

ماشاء الله وتبارك
ربنا يحميكي يا توتي ويحمى كل بنات مصر
شعر وكلمات جميلة جدا يحتوي كل الى يجري بمصر
لكن للاسف تفتكري في حد حيفهمو ويقدرو
المهم يقروه يمكن يفهمو او يحسوه
وكلمتى الاخير وبالنيابه عن اللبنانيين وبالاخص من عائلتى
لانهم كتير متأثرين من الى حصل لمصر وشبابها وبناتها
وبالاخص لاختى الغاليه بنقلها
كلنا اسفين يا ست الستات
الف شكر ليكي يا ايه الرحمن
على طرحك للموضوع الاكثر من مهم
:بارك الله فيك:

كلام رائع و مؤثر يا توتي
و اكيد فهمنا كنت عايزة توصلي ايه
ربنا يحمي كل البلاد العربية
بناتها و شبابها
كهولها و شيوخها
بكرر اعجابي بلي كتبتيه
وكمان في نصف ساعة
رائعة انتي يا اية الرحمن

كتير حلو هالكلام يسلمو أيديكي