طبعا زي ماهو معروف ان الشعب المصري ابن نكتة
وزي ماهو معروف برضه ان الجو برد بيستهبل
فلما نحط الاتنين علي بعض .. نلاقي احلي قفشات عن البرد
تعالوا نشوف


قال الشاعر حزلقوم
وانا من البداية .. يا ساقعة بتحمل
وخلاص كفاية .. صوابعي بتنمل

أنا طلعت الهدوم الصيفي خلاص
أصل الشتوي مش مكفي

اللي معاه ريموت التكييف يا جماعة يبطل هزار

احنا بنعيش حملة فريزر التانية علي مصر

الجو بيستهبل فاكر نفسه في أوروبا
حد يقوله يلم نفسه ويعيش عيشة أهله

درجة الحرارة في القاهرة: 9 درجات
درجة الحرارة في نيويورك: 6 درجات
شدوا حيلكم .. 3 درجات ونوصل للعالمية

الاسكندرانية: التلج عندنا ومحدش قدناااااا

شوية ثورة بقي

قرر نسر العلم تخليه عن منصبه
وتكليف طائر البطريق بإدارة شئون العلم

بالنسبة للناس اللي كانت ناوية تحرق مصر
ياريت تبتدي من دلوقتي عشان كده هنموت من البرد

منكم لله يا بتوع الثورة
بقالنا سنين مع حسني مبارك
والدنيا عمرها ماسقعت كده بالمنظر ده

مصر دافئة بطبيعتها
البرد ده جزء من المخطط الأجنبي
عشان عجلة الانتاج تقفش

الجو لو فضل كده لغاية يوم 24
الجيش ممكن يفض المظاهرات
بإزازتين مياه ساقعة

نداء الي العساكر اللي نازلين يوم 25:
عايزين تضربوا رصاص مطاطي .. ماشي
عايزين تحدفوا قنابل غاز .. مش مشكلة
عايزين تضربوا خرطوش .. ربنا يستر
عايزين تضربوا رصاص حي .. العمر واحد والرب واحد
لكن هترشوا مياه ساقعة .. وربنا لتشوفوا الغباوة بعينها


ويستمر ابداع المصريين

ههههههههههههههههههههههههههههههههه

هههههههههههههههههههههههههه
والله موتيني من الضحك يا توتي
خفة دم المصريين لا يُعلى عليها ابدا
بصراحة بيبقوا شربات ودمعهم زي العسل

حتى في اشد المواقف صعوبة وفي الأزمات
لازم تظهر النكت والقفشات
تسلم ايديكي حبيبة قلبي