اول مرة احتار و ابقى مش عارفة انزل موضوع في اى قسم..

هو الموضوع ينفع فى طرائف او نوادر او عجائب..

انما هو حقيقة.. و حقيقة مرة كمان..

الموضوع عن تصريحات للرئيس معمر القذافى..

و الله العظيم تلاتة تصريحات..

مش نكت طالعة على الراجل ولا حاجة..

يعنى حاجات هو قالها بعضمة لسانه..

لا انكر انى كنت معجبة بالقذافى من فترة مضت..

يمكن لانه ناصرى - و انا من انصار الرئيس عبد الناصر رحمه الله (مع تحفظى على بعض مواقفه)..

يمكن لزهده اللى كان واضح من فترة للحكم..

يمكن لبساطة معيشته و عفويته الغير معتادة..

يمكن لمواقفه الرافضة علنا - فى السابق - للكيان الغربى الصهيونى..

لكن..

نظرتى اتغيرت و اتبدلت 180 درجة بعد ما حدث مؤخرا منه تجاه شعبه..

اتضح ان العفوية ما هى الا غباء ناجم عن مرض جنون العظمة..

اتضح ان العفوية ما هى الا بلاهة ناتجة عن بلادة شديدة فى التفكير..

اتضح ان بساطة المعيشة ما كانت سوى لتطبيق مقولة "مال الكنزى للنزهى - اللى هما عياله طبعا"..

و اتضح انه لكى تكون ناصرى بحق فيجب ان تكون متزن و صادق و مفضلا لبقاء وطنك عن بقاء ذاتك..

اليكم الآن بعض التصريحات الجنونية التى صدرت للاسف الشديد عن رئيس جمهورية..



** القذافي يبرر إطلاق الرصاص الحي على المتظاهرين بأن السلطات في ليبيا لا تمتلك رصاصاً مطاطياً..


** اقترح القذافي مره عملة عربية مشتركة و كان اسمها الجردل
ج جنيه ر ريال د دينار و درهم ل ليره ..


** للمرأة حق الترشح سواء كانت ذكر أو أنثى !

** أيها الشعب .. لولا الكهرباء لجلسنا نشاهد التفاز في الظلام !

** أنا لست ديكتاتوراً لأغلق الفيس بوك .. لكني سأعتقل من يدخل عليه !


** تظاهروا كما تحبون..و لكن ابتعدوا عن الشوارع و الميادين..

** القذافي في مذكراته يؤكد أن السبب الأصلي للطلاق هو الزواج !

** أوباما عربي و اسمه الحقيقي بركة حسين أبوعمامة ، و قال هذا الكلام أمام الملايين في تجمع الاحتفال بالذكرى الأربعين لجلاء الأمريكيين من ليبيا !


** من آخر نوادره زيارته إلى إيطاليا مصطحباً ابن عمر المختار ، و بعد عودته إلى طرابلس طالب بتحاليل الحمض النووي لكل الإيطاليين ، لأن الكثير منهم حسبه ليبيون

** دعا حسناوات إيطاليا للإسلام و طالب بفتح الكعبة لكل الأديان !!


** القذافي للشعب : أهم شئ بر الوالدين حتى لو كان على حساب أمك و أبوك !


** القذافي : سأحكم بالسجن 5 سنوات على كل مواطن يقوم بالانتحار !


** سأظل فى ليبيا إلى أن أموت أو يوافيني الأجل !!


** الديموقراطية تعني ديمو الكراسي !!

** القذافي : النسوان تطلع ولادها و الرجاله تطلع ولادها عشان نسيطر على ليبيا !


** يقول القذافي : مصريّون و تونسيّون أعطوا المحتجّين حبوباً مخدّرة !

** القذافي الآن : السفن ترفض النزول في مطار بنغازي لأنه أصبح خراااابة !

** القذافي : لا تقولوا قصف جوي و لا تقولوا قصف بري احنا عايشين في سلام و انتو اللي عايزين تاخدو قصري


** القذافي يتهم الشعب الليبي بالتواطء مع أمريكا !


** القذافي : الليبيين في الخارج يعطوا حبوب للـ ليبيين الذين في الداخل ليتآمروا ضده

** القذافي : أنا على رأس ثورة شعبية مبنية على وعي و بناء !


** القذافي : أنا مجد لا تفرط فيه ليبيا و لا كل الشعوب !


** القذافي : مجموعة قليلة من الشبان المخدرين تهاجم مقار الشرطة !



**القذافي : لست رئيساً حتى أتنحى و إنما أنا قائد للثورة ::!


** القذافي : ليس لدي مانع في دستور أو أي منظمة أخرى لتنظيم الحياة !

** القذافي : أجهزة خيانة عربية شقيقة تغدركم و تخونكم و تسيء لصورتكم !


** احنا انحسدنا !! هاذي عين !!

** معمر القدافي :على الشعب أن يكون فقيراً لأن الفقراء يدخلون الجنة !


** الانكت هو اقتراحه ان الفلسطينيين و الاسرائيليين يعيشوا ف وطن واحد اسمه "اسراطين"..


و الله يا جماعة دى مش نكت..

دى تصريحات للقذافى شخصيا..

لو حد بقى فهمها .. او فهم الخطاب اللى كان 70 دقيقة.. او فهم ايه "الزونتان" اللى كان بيتكلم عنه..

يبعتلى الترجمة الحصرية الفورية و له الاجر و الثواب ان شاء الله..

[color=darkred]السلام عليكم و رحمة الله
القدافي بدون منازع حاله كلينيكية يتمنى اي دكتور امراض عقلية و عصبية يقابلها في حياتها و لو مرة واحده و يشتغل عليها
ببساطة شديده الاخ القائد يجمع موسوعة امراض نفسية و عصبية
من خلال كتابة و من خلال خطاباته انا شخصت كم مرض على بعض
كوكتيل مشكل من الهلوسة على الميتومانيا و الميكالومانيا على جنون العظمة مرورا بالسادية والوسواس القهري و Bipolar mood disorder
و لا ننسى Delusional disorder
و اكيد لو تم معاينته عن قرب سنكتشف المزيد
القدافي باختصار مصحة امراض عقلية لوحده
اسال الله ان نكون نهاينه على يد مجنون زيه او على يد ليبي حر يخلص الاخوة الليبيين منه[/colo

معاكى حق يا دودى

ميما هتشتغل اليومين دول زى النار :thumbs up:

مش القذافى و بس

لا عيلته بالجملة

و كمان نص الشعب الليبى شكله لسع من حكم القذافى :pale:

بقوا بيهرتلوا كتير ف الفضائيات و كلامهم ملخبط زى القائد بتاعهم :king:

بعد ضرب الامريكان لليبيا

اتظاهروا ف القاهرة و قالوا

"احنا كنا عاوزين تدخل بس ميضربوش الليبيين"

مش عارفة و الله كانوا عاوزين ايه؟!

يمكن كانوا عاوزين الامريكان يتضربوا مكانهم من قوات القذافى؟!

كمان ميما حبيبتى ممكن تلاقى زباين لقطة من عندنا من مصر

لان عقولنا خلاص مش متحملة من هول الصدمات و الفجائع من فساد النظام السابق :rolling eyes:

شكرا على تعريف "الزنتان" يا دودى :mom:

و بانتظار ترجمة باقى الخطاب :rolling smile:

هههههههههههههههههههههههههههههههههه
بتاع التكتوك ده حافظ مش فاهم
تعرفى يادوللى كل يوم بيزيد اعجابى بيكى مش بس عشان مواضيعك المتميزة
وعشان انا من عشاق عبد الناصر رغم انى معاصرتهوش بس انا بحترمه جد على العلم ان
لكل قاعده شواز بس انا كان نفسى اعيش فى عصره جدا :love princess:

ربنا يخليكي يا دربكة يا حبيبتى يا رب

بس على فكرة انا مش ناصرية بيور

انا حبيبتى مشكلة

يعنى ليا فكرى الخاص

لا يسارى ولا ليبرالى ولا شيوعى ولا ديمقراطى حر

حاجة كده ملخبطة لما اعرف لها هوية اكيد هاقولها لك

منورة مواضيعي دايما حبيبتى

و اتمنى انك متغيريش رأيك لما تشوفى ردى فى موضوع "اخشوشنوا"

وده اللى تاعبنى انا كمان انا ماليش هوية محدده وصعب اؤمن بافكار حد بحب دائما اكون حزب نفسى وده مالوش علاقه بحبى لجمال عبد الناصر ولا حتى لافكاره