أعلن المستشار الدكتور محمد أحمد عطية رئيس اللجنة القضائية العليا المشرفة على الاستفتاء على التعديلات الدستورية، أن إجمالى عدد المسموح لهم بالمشاركة فى الاستفتاء كان 45 مليوناً، وقد حضر منهم 18 مليوناً و537 ألفاً و954 ، للإدلاء بأصواتهم وهو ما يعادل نسبة 41% من إجمالى المشاركين.

كما أعلن رئيس اللجنة القضائية العليا، أن عدد الأصوات الصحيحة المشاركة كانت 18 مليوناً و366 ألفاً، وعدد الأصوات الباطلة كان 171 ألف صوت، موضحاً أن 14 مليوناً و192 ألف مواطن وافقوا على التعديلات الدستورية، بنسبة تعادل 77,2%، بينما كان هناك 4 ملايين مواطن لم يوافقوا على التعديلات الدستورية بنسبة تعادل 22.8%.

وأكد المستشار محمد أحمد عطية، أن الإشراف القضائى كان كاملاً على جميع اللجان، مشيراً إلى أنه تم رصد حالتين للتصويت المتكرر والتى لا تؤثر فى نتيجة الاستفتاء، مؤكداً أن اللجنة مطمئنة لعمليات الفرز والجمع، وأوضح أن كافة شكاوى المواطنين أحيلت للنيابة العامة.

مفيش داعى للاندهاش يا دودى..

اذا عرف السبب بطل العجب زى ما بيتقال..

شوفى يا ستى التفسيرات المنطقية للعدد اللى برضه مش ضئيل بشهادة القضاة..

1- فيه ناس كتير مقدرتش تصوت بسبب الزحام الشديد.. والدتى مثلا و اصدقائها راحوا اكتر من مرة و مقدروش بسبب الزحام.. والدتى اصرت انها تتابع مرات عديدة لحد ما صوتت.. لكن اصدقائها مقدروش ينزلوا تانى..

2- فيه لجان لم يتم فتحها من الاساس.. بسبب عدم التنسيق المسبق من نادى القضاة مع المستشارين المراقبين.. لدرجة ان الجيش خصص طائرات حربية لنقل القضاة لبعض اللجان بالقرى و الصعيد..

3- العدد اللى المفروض يكون له صوت متضمن ناس كتير مش موجودين بمصر.. اللى هما العاملين و الدارسين بالخارج.. لان تحديد الاعداد تم بتحديد السن فقط (فوق 18 سنة) متجاهلا العدد الفعلى الموجود بمصر منهم.. الكلام ده عرفته لما قررت اصوت لزوجى.. و القاضى المشرف هو اللى قاله طبعا..

4- فيه لجان اضطروا لاعلان اغلاقها فى تمام السابعة.. فناس كتير مشوا منها و اتقفلت اللجان دى فعلا بسبب التكدس.. و اعيد فتحها بعد ان خف الزحام قليلا..

5- فيه ناس اتأثرت جدا بأراء بعض الليبراليين اللى اشتغلوا زن ع الودان قبل الاستفتاء و خدوها من قاصرها و قاطعوا الاستفتاء نهائى.. و كان منهم اخويا اللى فشلت بكل الطرق انى اقنعه بالنزول - ان شالله حتى يقول لا..

ارجو ان الامور تكون اتضحت كده يا دودى..

و انا تحت الامر دايما..

تسلم ايدك يا دوللي على المجهود والاهتمام
مش مهم الدستور الى يتعدل الاهم النفوس تتعدل
:flowers: