_ قالوا عن النهضة:
1- نهضة ويزيح ربنا
(إسماعيل ياسين).

2- يا نهضة ما تمت خدها الغراب وطار
(مارى منيب).

3- نهضة نهضة بس قول يا رب
(المطرب مصطفى كامل).

4- نهضة؟ وماله يا خويا مش عيب، نهضة نهضة بس نعيش
(دكتور شديد).

5- أحلى من النهضة مافيش، ألو يا مصر ألو يا مرشد ألو يا مرسى ألو يا إخوان ألو يا أمم
(توفيق الدقن).

6- تسمحيلى بالنهضة دى؟ وماله يا اخويا وحد حايشك، كده طيب اسمحيلى يا مدام هنهض واجيلك
(ستيفان روستى).

7- يا صفايح النهضة السايحة يا قوالب الزبدة النايحة، يا نهضتك اللى عامله زى صفايح الموووز
(عبد الفتاح القصرى).

8- قالوا ادبح يا زكى قدره دبح زكى قدره، اسلخ يا زكى قدره سلخ زكى قدره، شفِّى يا زكى قدرة شفَّى زكى قدره، انهض يا زكى قدره، قال على جثتى كله إلا النهضة ماينهضش زكى قدره
(عادل أدهم).

9- تعالَ ما أقولكش بس إوعى النهضة تعضك
(نادية الجندى).

10- النهضة زى عود الكبريت ماتولعش إلا مرة واحدة
(يوسف وهبى).

11- إيه يا نينة إيه اللى مصحيكى لحد دلوقتى؟ النهضة يا بنى، النهضة جاية جاية يا نينة يلّا انتى علشان تنامى الجو برد عليكى
(عماد حمدى).

12- البوس البوس الحضن الحضن الشوق الشوق النهضة النهضة بلوبيف بلوبيف وحوى يا وحوى حلو يا حلو، إنتى يا بت، من طرف أخوكى اللمبى
(محمد سعد).