ربنا يشفيه و يعافيه ان شاء الله

بس الانباء متضاربة من امبارح عن التحقيق و صحة الرئيس

بعد ما اكدوا انه بيتحقق معاه و انه ساب الفيلا بيخت و رجعوا قالوا هليكوبتر و قالوا تانى سيارة مصفحة

و اتضح بالاخير انه مكانش بيتحقق معاه و انها اشاعات لدواعى امنية

بعدها قالوا تعب و دخل المستشفى لا العناية المركزة

و اتضح بعدها انه كان هناك هو و اولاده للتمويه تقريبا برضه لدواعى امنية

انما المحزن هو المظاهرات اللى كانت ادام المستشفى فى شرم و عاوزينه يمشى!!!!!!!!!

مش عارفة ليه قلة الاصل كده.. حتى ف المرض كمان

الراجل أخطأ و الله اعلم بحاله دلوقتى اكيد بيتعذب لمهانته ادام العالم كله

انما ده ف الاخر مواطن مصرى

و بنى ادم له حقوق

و كفاية انه عصمنا من شلالات دم كانت ممكن تحصل مش هاقول زى اليمن انما اكيد كانت هتبقى زى ليبيا

فبأى حق الناس دى بتطالب بطرده من ارض هى ف الاخر ارض ربنا

و الله حرام

هو هيتحاسب ف الدنيا

و لو فلت منها مش هيفلت من حساب ربنا

و كل واحد منا لو كان له حق عنده هيقتصه منه ادام ربنا

فاتقوا الله يا بشر