كنت اتمنى ان تكون رسالتي السابقة آخر كلام اوجهه للحكومة
خصوصا بعد قيام ثورة 30 يونيو قلنا حالنا حيتعدل وحنبقى زي الفل
لكن وكلي اسف الحكومة خيبت آمالي وآمال الملايين من امثالي
فوقي وصحصحي يا حكومة وفتحي عيونك على الآخر...
انا مش عايزة اي مطالب غير اني اكون انا وولادي وكل الناس آمنين في بلدنا
ولا ده كتير علينا يا ناس ؟؟؟
مستنية ايه يا حكومة عشان تطبقي القوانين ؟؟؟
بنطالب وبنطالب وحنفضل نطالب بتطبيق قانون
حظر المظاهرات والتجمهر والتجمعات لجميع الاطراف
كل مرة تخرج مظاهرة للمحظورة..تخرج معاها ارواح مواطنين ابرياء
يتقتل ناس وتتحرق اقسام شرطة واعتداءات متكررة على السيارات والاطباء
ده غير الالفاظ النابية اللي يحاكم عليها القانون
بتطبطبي على القتلة ليه ؟ خايفة منهم ولا ايه ؟
فين هيبتك يا حكومة ؟؟؟؟؟؟؟؟؟؟؟؟؟؟
ولا انتي حكومة اصابها العمي والصمم ؟؟؟
مستنية ايه يا حكومة عشان تطبقي القانون ؟؟؟
انتي بتعاقبينا ولا عايزة تخلصي علينا ؟؟؟
ولا منظر دماء الابرياء بعد كل مظاهرة بقى عادي ومابقاش يفرق معاكي ؟؟؟
لو زهقتي مننا او مش قادرة تكوني قد المسئولية بمنتهى البساطة
أمـــــــــــــــــشـــــــــــــــــــــــــــــي
 وسيبينا لخالقنا هو حيرحمنا اكتر منك
بصراحة زهقت وفقدت الامل انك يوم تفتحي وتشوفينا بقلبك
مصيبة كمان تكوني فقدتي القلب والاحساس!!!
لنا ولكي الله يا مصر.