اول ما الربيع بيهل

الناس كلها بتبقى فل الفل

ما عدا اسرتنا الميمونة

طبعا انا شبه مقيمة فى عيادات الاطفال بسبب جلسات الاستنشاق اليومية للبنات

بالاضافة للبخاخات و الادوية و الذى منه

ده غير انى بقيت بعين و عين

مغطية عين برباط عشان ده العادى بتاعها ف الربيع (وارمة و منتفخة)

و بقيت مضحكة للعيال

بينادونى (كابتن هوك)

انما

نحمد الله على كل شئ

و عذرا للجميع و اولهم دودى على التقصير

لانى مش باقدر اكون ع النت عامة كتير

وان شاء الله الامور تتسير و اتنطط لكم تانى بين الاقسام

كان نفسي اشارك بقوة مع لولو و ميما و نورلان و حبيبتى توتى القمر اللى ظهرت فى وقت عجيب و على حين غرة

بس ان شاء الله انا موجودة برضه .. بس على خفيف

دعواتكم

يا رب يخليكي يا دودى

و يشفى توتى و الاستاذ وفيق يا رب

اصعب من تعبنا احنا هو تعب اللى حوالينا فعلا

بس الجو اليومين دول ما يعلم بيه الا ربنا

الصبح كان حر نااااااااار

و كنت باجهز البطاطين عشان تروح المغسلة

لقيته بعد العصر سيوووووووووووووووووول و تلج

روحت مطلعة اللحاف بعد ما كنت ركنته

و انا حاليا متكلفتة فى الروب الصوف التقيل و لابسة كل الدلاب تقريبا

جو يجيب العيا و الله