dolly كبار الشخصيات
تاريخ التسجيل : 10/01/2011 عدد المساهمات : 1392 نقاط : 2237 الابراج : المزاج : لله الحمد من قبل و من بعد العمر : 44 تعاليق : عش ما شئت .. فانك ميت..
و احبب من شئت .. فانك مفارقه..
و اعمل ما شئت .. فانك مجازى به.. رسالة sms : دعاء : اوسمتي :
| موضوع: امهات اخر زمن!! الإثنين 03 أكتوبر 2011, 10:21 am | |
| امهات اخر زمن!! الام مدرسة اذا اعددتها اعددت شعبا طيب الاعراق
منذ التحاقنا بالتعليم و نحن نردد هذا البيت
و فهمنا منه انه لا بد من ان نحسن تربية البنت من الصغر لانها قوام كل الامم فيما بعد
تذكرت هذا البيت فجأة و انا اطالع اعلامنا الهمام اللى ف يوم و ليلة اصبح كدوار العمدة "مضيفة لكل من هب و دب"
و ساق لنا مثالين لامهات اخر زمن
النموذج الاول
فيديو انتشر من فترة على اليوتيوب و اثار ضجة و هلع و فزع فى الاوساط
ظهر فيه ظباط من الجيش و الشرطة بقسم شرطة بقرية الكردى بالدقهلية
الضباط قاموا بضرب متهمين من تجار السلاح لكى يعترفوا "هما جابوا السلاح منين؟"
ما اثار الناس اكثر هو ان ضابط الجيش لجأ لاستخدام الصعق بالكهرباء لانتزاع الاعتراف من المتهمين
هاجت الدنيا ما بين مؤيد و معارض
و المشير امر بالتحقيق و خفف العقوبة على هؤلاء البلطجية من 10 سنين لخمس سنين!!!!!!
ده بعد ايه؟
بعد ما اهل المتهمين قطعوا الطريق و احتجزوا الظباط بالقسم
و الست الوالدة طلعت تولول و تعيط على الفضائيات ( و اللى يفرس انها بتطالب بحق اولادها)!!!!!!!!!!!!!!!!!!!!!
النموذج التانى
طبعا معظما شاهد الحلقة الشهيرة من برنامج "الحقيقة" اللى بيقدمه وائل الابراشي و اللى استضاف فيها والدة خالد الاسلامبولى قاتل الرئيس الراحل السادات
و توقف كثيرا عند لحظة تباهى الست الكُبَارة بأن ابنها قد شق رأس زميله الصغير وهما يلعبان الكرة لأنه سب الدين
و طوال الحلقة وهى تفتخر بما فعلته من تربيته من اطلقت عليه لقب مجاهد و من انها احسنت صنعا بحسن تنشأته!!!!!!!!!!!!!!!
هذان النموذجان لامهات
كلاهما ربت ..فلم تحسن التربية
و افرزت ثمرات عمرهما عن جيل كامل من الارهابيين
واحد تحت مسمى الدين
و الاخر تحت مسمى البلطجة
و كلاهما مخرب و مروع و عابث ومفسد فى الارض |
|
Dalal صاحبة المنتدى
تاريخ التسجيل : 08/01/2011 عدد المساهمات : 10987 نقاط : 24782 الابراج : المزاج : مهمومة ببلدي العمر : 68 تعاليق : ربّـــــي اغفر لـي ولوالـديّ
وارحمهما كمــا ربيـــــانـي
صـــغيرا واجزهمــــــــــــا
بالاحســان احســـــــــــــانا
وبالسيئات عفوا وغفـــرانا رسالة sms : الموقع : قلب أمي مصر دعاء : اوسمتي :
| موضوع: رد: امهات اخر زمن!! الأربعاء 05 أكتوبر 2011, 11:29 pm | |
| امهات اخر زمن!! بالظبط كده يا دوللي زي ماقولتي الناس دي نتاج أمهات غير واعيات وبيئة متدنية نفسيا وأخلاقيا تنتظري اولادهم حيكونا شكلهم إيه؟؟؟ ودول عينة من مجموع يعني تفتكري مين اللي هرب المساجين من الأقسام والسجون وبسببهم انتشرت البلطجة بشكل مرعب ؟؟؟ ماهم نفس الأمهات والأهالي اللي بنفس الشاكلة دي
بس بأمانة ربنا بجد انا حزنت جدا لمنظر تعذيب المتهمين وصعقهم مهما كانت التهمة انا لا احبذ التعذيب واحترم آدمية البشر لأقصى حد وماداموا متهمين يبقى خلاص القانون ياخد مجراه لكن للأسف بعد عرض الفيديو تحولوا من جناة الى مجني عليهم ياريت اعلامنا يحترس من النقطة دي عشان البلد تتظبط شوية
|
|
dolly كبار الشخصيات
تاريخ التسجيل : 10/01/2011 عدد المساهمات : 1392 نقاط : 2237 الابراج : المزاج : لله الحمد من قبل و من بعد العمر : 44 تعاليق : عش ما شئت .. فانك ميت..
و احبب من شئت .. فانك مفارقه..
و اعمل ما شئت .. فانك مجازى به.. رسالة sms : دعاء : اوسمتي :
| موضوع: رد: امهات اخر زمن!! الجمعة 07 أكتوبر 2011, 12:15 am | |
| امهات اخر زمن!! و الله يا دودى انا حزينة حزينة من وقت ما شوفت حلقة وائل الابراشي دى
ايه الست دى
يعنى ابنى يبقى فيه علامات عنف من صغره و انا بدال ما اقومه و اوجهه اقوم ازود النزعة المتطرفة دى عنده؟
و ده يتاخد كمجال للتفاخر على اى اساس يعنى؟
خالد الاسلامبولى القاتل الارهابى بقى بطل خلاص؟
و الله عيب على الست دى
و بامانة كان لازم تتعدم قبل ابنها
بالنسبة للفيديو يا دودى
فالناس دى الحرق شوية عليهم
دول تجار سلاح و بلطجية
لو سمعتى كلام اهل البلد مكانوش هيصعبوا عليكي
انما اللى محزننى فى الكليب هو دور الناس اللى بتستجوب سواء كانوا ظباط الشرطة او الجيش
دول بقى اللى بلطجية فوق الوصف
مين اداهم الحق فى الاستجواب بالطريقة دى؟
و ايه اللذة اللى جت لهم من تعذيب المجرمين دول بالشكل ده؟
انا باقول لذة لانها واضحة فعلا - خاصة و انهم عارفين انه مابينهم حد بيصور
و مع ذلك مش هاممهم
و بعدين هما ادوا دورهم و قبضوا على الناس دى و معاهم سلاح
يبقى زى ما قلتى يا دودى
الدور على القانون انه ياخد مجراه
انما برضه
لسه فيه اصرار عندهم على ممارسة دور القاضى و الجلاد
مشكورة يا دودى على المرور |
|