مرغمة لا مغرمة !!!

مرغمة لا مغرمة !!!

هكذا دافعت البنات عن موضوع ارتفاع قيمة المهور و الشبكة و تكاليف

الزواج عموما ومستدلين بقصص كثيرة و موجودة فعلا و قبل ما نكلم

عن مادية هؤلاء خلينا نفكر مع بعض هل فعلا البنات و الأهالي مرغمين على ده ؟؟

عشان اقرب الصورة حستدل بحاجة كلنا حاسينها و عايشينها في مصر
مرغمة لا مغرمة !!! 30031

في موضوع اخر و هو السيارات الخاصة اللي بنلاحظ انها هنا موجودة

و عاملة زحمة اكتر من الدول الاوروبية بطريقة ملفتة و الكاتب الجميل

الدكتور جلال امين في كتابه (ماذا حدث للمصرين؟) تكلم ازاي السيارات

بعد ما كانت لكبار السن و الحالات الخاصة و الضرورة القصوى ايام

الملك بقت منظرة في السبعينات و بقت ضرورة دلوقتي و هو عزى

دا لظاهرة الحراك الاجتماعي اللي صاحبت عصر الانفتاح و هى انتقال

المصريين من طبقة معيشية لأخرى من الفقيرة الى المتوسطة او الثرية

و العكس وقال ان الاثرياء الجدد حبوا يثبتوا ثرائهم بأنهم يشتروا السيارات

الغالية و يقيموا الافراح الباهظة و ما الى ذلك من انفاق مصاريف واضحة

للعيان لاثبات انتقالهم من الفقر الى الارستقراطية و نتيجة لهذا كرد فعل

عليه من الارستقراطيين القدامى و من يريدون اثبات انهم لم يتغير

تصنيفهم الطبقي بعد.. قاموا بشراء سيارات خاصة بعدما كانوا يستعملون

المواصلات العامة دون غضاضة - كاغنياء اوروبا الان- فالدولة اهملت

الاوتوبيسات و المترو و الوسائل العامة و اهتمت بالكباري للحظة

وصلنا فيها ان المواصلات العامة ما بتنجزش و اصبح شراء السيارات

ضرورة لا رفاهية لانك استحالة تنجز بالمواصلات العامة و التعقيب

و الحل و الاسباب متناقشة في الكتاب و ده مش موضوعنا

الموضوع او الملفت ان كثير من وسائل المنظرة بتتحول بعد كدة لضرورة

بحيث اننا بنرغم حتى رافضي المنظرة انهم يدخلوا معانا في الدائرة

دي لأن الرجل المحترم المحافظ مش بتاع المنظرة فضل فعلا يركب

الاوتوبيس بس اشترى لمراته و بنته عربية عشان البلاوي اللي بتحصل!!!

يقال بقى ان المغالاة بالمهر و الشبكة و تكاليف الزواج دخلت نفس

النفق بعد ما كانت الافراح بتتعمل على سطح البيت و يتوزع فيها الملبس

و المهر على قد الفرش و الشبكة هدية متواضعة .. في عصر الانفتاح

لقينا اللي بيكلفوا الافراح و يجيبوا شبكة غالية و يتفاخروا بالمهر

و يصوروا ده.. و بقت الفرحة البريئة للعروسين و اهلهم عبارة عن

فيلم غرضه الاستعراض المالي و الاجتماعي تحت بند انا اكثر منك مالا

و اعز نفرا بل فوق كده اعتبر المجتمع تنازل المرأة عن الشبكة انها
مرغمة لا مغرمة !!! 250234

مش لاقية ورمية وما صدقت..وغيره كتير

و على فكرة انا من اول الناس الرافضين لما يسميه البعض التنازل

لأسباب دينية و أخلاقية بس مفهومي ان التنازل الكلام اللي مالهوش لازمة

من غير ارتباط رسمي و الخروج من وراء الأهل و حركة مسك الايدين

بتاعة المخطوبين و بتوقع انتهاء العلاقة دي مش عشان كرامة شاب

و عدم ثقة و لكن لأن الحديث الشريف اخبرنا عن عائشة رضي الله

عنها قالت: قال رسول الله صلى الله عليه وسلم "من أرضى الناس

بسخط الله سخط الله عليه وأسخط عليه الناس ومن أرضى الله

بسخط الناس رضي الله عليه وأرضى عليه الناس " رواه الترمذي .

فربنا سبحانه و تعالى بيسخط عليها الشاب ده.. و ده بيبقى عقاب لكلاهما

لان الاتنين بيتعبوا بعد كده لكن فوجئت في أكثر من حالة ان الشباب بيعتبروا

التساهل في امر المهر و الشبكة تنازل عن كرامة الفتاه و انها مدلوقة عليه؟؟؟!

و بيسيبوها و يقولوا اتنازلت ؟؟ يعنى ساوى بين اللي سمحت له يمسك ايدها

في الخطوبة و بين الفتاة المحافظة على نفسها اللي حتتنازل عن الشبكة

حتى لا تشق عليه و ليتم هذا الزواج ؟؟؟ و اللي غالبا لا يتم الا بعد

حضور اهل الشاب و الدخول في مرحلة الجد
مرغمة لا مغرمة !!! 963316

و سؤال انا بسأله بأمانة لماذا كل هذا التصنع و لا نعيش بفطرتنا ؟

ليه بنزود اعباء لا تسعدنا و لا تسعد الطرف الاخر؟ و هل حضراتكم

موافقين على الطرح ده و لا شايفينه تخيلات بنات و الشباب اللي

عملوا كده حالات خاصة لا يمثلوا الحالة العامة

حنلاقي الأمثلة و الحالات كتير جدا و عايزين نناقشها بموضوعية خاصة

اني صدمت بأمر الشبكة لأني بعتبرها جزء من المهر و كنت أتمنى ان يتم

اخذ قيمتها نقدا واستخدامه في الجهاز لان الدهب غالي على الفاضي

و فعلا مبيتعملش بيها حاجة غير المنظرة و بس و أتمنى أشوف تعليقاتكم

و شكرا لكم

مرغمة لا مغرمة !!! 149501

مرغمة لا مغرمة !!!

و الله يا دودى شكل الناس اللى كده بتطبق مقولة اقرع و نزهى
يعنى بيبقى الاهل هيموتوا و بنتهم تتجوز

و اول ما يلاقوا العريس

ينزلوا عليه

و حظه هيبقى هباب كمان لو كانت عيلتهم كبيرة و فيها بنات من سن العروسة دى

لانه هيتطبق عليه مقولة اشمعنى

اشمعنى بنت عمها يجيلها شبكة بـ........ و هى يعنى اقل منها؟

اشمعنى بنت خالها يتكتب لها قايمة بـ...... و هى يعنى ما تشبهش؟

و كده يعنى

عشان كده الاحسن يعنى ان الشاب ميهوبش الا لواحدة تكون مقطوعة من سجرة زى ما بنقول

بالنسبة للمهر

هو مش مطبق عندنا ف المنصورة

لان العريس و العروسة بيجهزوا بالاتفاق

و غالبا النظام الحالى هو النص بالنص

و كل حاجة بتتكتب ف القايمة للعروسة

و المؤخر بقى هو اللى بيكون مشكلة فعلا

انا اعرف ناس كتبت العرسان شيكات بالمؤخر

و غيرهم طلبوا شهادات بنكية باسم العروس

و البعض الاخر بيستقرب و بيفشكل الجوازة عشان مفيش اتفاق

اما الشبكة يا دودى

بتكون هدية من العريس

و انا يعنى من وجهة نظرى هى قرش مركون للزمن

يعنى انا بعت شبكتى حوالى عشرتاشر مرة لحد دلوقتى

بتكون اوقات زنقات

و لما ربنا بيفرجها

الحمد لله بتتضاعف عما كانت

يعنى

احنا بنعتبر الدهب عامة احسن من الفلوس و الارض

يعنى مش للمنظرة و بس

و اهو نوع من التفكير يمكن يكون غريب انما موجود

و اخيرا

لو كل اسرة فكرت ان العريس ده هييجى يوم و يكون ابنها فى نفس موقفه

كانت امور كتير هتتغير

انما فيه عقليات للاسف

تفكيرها متحجر

مشكورة على الموضوع الهام ده يا دودى

مرغمة لا مغرمة !!!

عارفة يا دوللي لازم الأهل يفكروا بالعقل والمنطق

بدل المنظرة والمباهاة قدام الناس يفكروا الأول في أخلاق العريس

لو كان بيخاف ربنا حيخاف علي بنتهم ويتقي ربنا فيها

لكن لو العكس حتبقى العيشة لا تطاق بينهم

ويوصلها لمرحلة التنازل عن القايمة والمؤخر وكل حاجة

بس تخلص من الهوان والتعاسة اللي عايشة فيهم

وكده بقت بنتهم خسرت كل شئ..المال والسعادة والإستقرار

مع حملها للقب (مطلقة) ياريت بقى الأهل يفكروا كويس

بلا ماديات بلا منظرة..شوفوا أخلاق العريس

( خذوهم فقراء..يغنيكم الله).