يا خبر ابيض وزي الفل !!!
ايه الموضوع الكبير قوي ده ؟؟؟
هو انا كنت مغيبة ولا ايه ؟؟؟
معلش يا دوللي حبيبتي
بقالي كام يوم بظبط في حاجات كتير في المنتدى
وتقريبا ماكنتش بقرأ حاجة
فعلا يا دوللي الموضوع زاد عن حده جدا
إعتصامات وإضرابات ومظاهرات
بقت بجد حاجة تقرف وتزهق
تعرفي كل ما حاجة من دي بتحصل بفتكر كلمة احمد نظيف
ان الشعب المصري مش واخد على الديموقراطيةواتضح ان كلامه مظبوط او على الأقل انا شايقة كده
احنا من 9 شهور ماكناش نقدر نتكلم ولا نفتح بقنا
دلوقتي بقينا بنصرخ بأعلى صوت مطالبين بحاجات مش وقتها خالص
تفتكري يعني الحكومة مش عارفة وحاسة بمشاكل المواطنيين ؟؟
طبعا عارفين بس المفروض الناس يبقى عندها دم شوية
ويزودوا الإنتاج مادام الكل عايز فلوس
والمطالب الفئوية مش بتخلص
يعني حيجيبوا لهم الفلوس منين والبلد كل يوم بتخسر بالملايين
كل الدخل الثابت لمصر تقريبا افلس
سواء من السياحة ولا البترول ولا الإستثمارات والشركات
الكل بيهرب ومش ممكن يفكر في مصر دلوقتي
خصوصا ان الأمن مفقود مفقود ياولدي
ماحدش يقدر يخاطر ويزور مصر ولا يعمل فيها استثمارات
تسد الأفواة اللي بتصرخ عمال على بطال
انا شايفة ان فيه نوع من التراخي كبير جدا
انا لو من الحكومة كنت اصدرت قانون الطوارئ من زمان
والأحكام العرفية كمان عشان البلد تستقر
كل حاجة دلوقتي آخر لخبطة لحد ماجالي احباط مستمر
نفسي اللي بيطالب بحقه ده بشوف واجباته الأول
لو الكل عمل كده والله البلد حتبقى زي الفل
النهاردة كانوا بيحتفلوا بـ 6 اكتوبر
والمشير طلب من الناس الإحتفال باليوم العظيم ده
تفتكري يكون الرد ايه؟؟؟
انهم حيعملوا مظاهرة بكرة الجمعة ضد المجلس العسكري والحكومة
ما شاء الله على الوعي السياسي زي الفل
بجد بجد حلجة تحرق الدم بصحيح
مافيش قدامي غير اني اقول لهم
جاتكوا القرف ماليتوا البلد
مبسوطين دلوقتي وهما بيولعوا فيها ؟؟؟
وياريت على كده وبس دول كمان حيفقروها
حسبي الله ونعم الوكيل في كل واحد مابيراعيش ضميره