تعلمي اتيكيت الزيارات

ازاى تبقى ضيفة خفيفة ومرغوب فيكى
عند الاهل والاقارب؟

اقولك السر
هما 10 اسرار احفظيهم كويس يلا بينا
عدى معايا

1- خدى معاكى اللبس اللى يكفيكى
علشان ماتفرضيش على اهل البيت
عبء ملابسك وغسيلك

2- بلاش تستعملى التليفون الا للضرورة
القصوى وسريعة واوعى تشغلى التليفون
علشان متضايقيش اهل البيت

3- اول ماتصحى رتبى السرير اللى
نمتى عليه وافتحى شبابيك الاوضة
واحرصى انك تساعدى ربة البيت
فى كل حاجة فى شغل البيت طول فترة
اقامتك عندها

4- لو خرجتى من اوضة اطفى انوارها
اذا ماكانش فيها حد

5- خدى معاكى ادواتك الشخصية الخاصة
زى الفوطة والمشط والصابون والحاجات
اللى من النوع ده

6- لما ترجعى من برة وتستخدمى الصابونة علشان تنضفى وشك
من اثار الطريق بعد ماتستخدميها خليها
تحت الماء شوية علشان تشيلى اى اثار
من اثار الطريق

7- جففى الحمام وماتسيبيش ماء على الارضية

8 - بلاش ترغى فى حاجات مالهاش
داعى ومتديش نصايح لمجرد انه يتقال
عليكى ذكية والسلام او صاحبة فكر

9- طيب مش هاوصيكى لازم كلمات الشكر
بعد انتهاء الزيارة

10-لازم فى بداية الزيارة تقدمى
هدية بسيطة وياسلام لو تجدديها
اخر الزيارة يعنى تكررالحكاية
وتجيبى هدية تانية
تفيد صاحبة البيت

اتمنى اكون قلت حاجة كويسة تنفعنا
ونتعلم منها اتيكيت الزيارات

نقاط مفيدة جدا جدا فعلا يا علا
بس انا عن نفسي هستغني عن معظمها
لأن أنا مش مسموحلي أبات عند حد
حتي عند أختي فأنا مريحة في الحوار ده
هههههههههههههه

وعلى رأي اللي قال "يا بخت من زار وغار" :lol:

بصراحة انا مش بحب فكرة البيات برة البيت ولا حتي عند ابي او حمايا...
بحب اكون براحتي ومش بحب اني احس اني متقل على حد ولو سنه ضغيرة

توتي حبيبتي احسن حاجة انك ماتباتيش عند حد وعلى رئي ميدو يا بخت
من زار وخفف وانا كمان مش بحب انام برا بيتي لانى مابرتاح الا ببيتي
لكن فى ناس تحب اوى انها تبات عند اهلها قرايبها دي وجهات نظر
ياريتهم بقى يقرو الموضوع اكيد هيفيدهم واخدة بالك يلي ببالي
:وشوشة:
طبعا مافي حد ببالي لكن الكلام لمن يهمه الامر
اسعدى مروركم الكريم ورئيكم كمان

ههههههههههههههههههههه
ايون واخدة بالي
عشان كده مش بروح لحد
يادوب زيارة خفيفة كده قد شهرين تلاتة
وبعد كده طيران على البيت

اصلي مش بحب أتأخر برة البيت كتير
هههههههههههههههههههههههههههه

ههههههههههههههههههههههه
:عسل:

و انا كمان برضه مش بحب اطول عند حد

سواء كانت زيارة طويلة او قصيرة .. ولو انى مفتكرش انى بيتت عند اى حد لا قبل الزواج ولا بعد الزواج طبعا

و باحاول اعود المينى ديناصورات هما كمان على كده

لولو حبيبتى

نصايح غالية جدا

بس احب اضيف لها نصيحة انا شايفاها مهمة جدا - بالنسبة لى ع الاقل

اننا لازم ندى خبر للناس اللى هنزورهم - سواء كانت زيارة طويلة او عابرة

من ناحية يكون ده من باب الاستئذان اللى امرنا بيه ديننا

و من ناحية تانية ست البيت تكون عاملة حسابها بدل ما نسبب لها نوع من الاحراج و نطب عليها زى القضا المستعجل

انا عن نفسي باعمل كده

لما بازور حد باعرفه قبلها بفترة

و لما باعرف انه حد بيجينى لازم طبعا يعرفنى قبلها

و انا اؤيد طبعا مقولة ميدو

"يا بخت من زار و غار"