طبعا لا يخفى على اى حد جوة مصر او بره مصر موضوع "كرامة المصرى"
و قبل ما نلوم الغريب
ندور على حالنا ف مصر الاول
يعنى بنقول حقوقنا مهدرة و كرامتنا ملهاش قيمة ف بلدنا كمان
عادى
بس لما يعنى نعلن ده على الملأ
و نقول ده احنا مش عاملين اعتبار للمصرى المغترب و هنمرمط بكرامة اهله الارض
و كل دول العالم تقرا ده و تشوفه اول ما نخطى على اراضيها بره مصر
يبقى فيه حالة تخلف عقلى او بله مغولى للناس الى بتعلن ده
طيب هل ده معلن فعلا؟
اى نعم
معلن
و الله العظيم تلاتة معلن
و لما بنسافر بندى ورقة الاهانة دى للناس اللى بتدخلنا بلادها
ازاى ده بيحصل بقى؟
فى جواز السفر يا حضرات
اللى معاه باسبور هيلاقى مكتوب فيه ايه؟
عند فقدان الجواز تدفع
غرامه ماليه

ايه يعنى المشكلة فى ده؟
المشكلة لما تصادف و تلاقى جنبك واحد امريكانى بيقدم باسبوره وتلاقى اول صفحة مكتوب فيها
حامل هذه الجواز تحت
حماية الولايات المتحده الامريكيه فوق اي ارض وتحت اي سماء

و تلاقى بقى الناحية التانية واحد كندى فاتحلك جوازه على الاخر عشان يغيظك و تلاقى فيه
نحرك اسطولنـــا من
اجلك

ساعتها بقى هتحس بمرارة ليس لها مثيل
على اساس انه بلدنا لسه بتعاملنا على اننا مجرد
ورقة فقط لا غير

حبيبتي جيتي على الوجع وضغطي جامد قوي
احنا لسه ماتعلمناش ازاي يكون لنا كرامة ونحافظ عليها
طيب لو قلنا ان ده في الأوراق الرسمية
اللي طالعة من حكومة سابقة او حالية
مافرقتش كتير عن غيرها
لكن السؤال هو ليه احنا مش بنحافظ على كرامتنا مع بعضنا
ليه بنستحل إهدار كرامة بعضنا بالشكل المخزي ده دلوقتي
بحجة حرية التعبير ومن حقي اقول اللي عايزه ؟؟؟
من حقي اقول اللي يجرحك ويهينك ..
ده حقي
وحضرتك تقف ساكن ماتردش لأن الصوت العالى غلاب..
ومش من حقك
انا في قمة الغضب والحزن والإكتئاب يا دوللي
وعليه العوض ومنه العوض.