طبعا كلنا متلخبطين و مش مبطلين يعنى نسأل بعض كل شوية
"هو مين اللى بيحرق مصر؟"
مين اللى بيخرب مصر؟
مين السبب ف الفوضى و عدم الاستقرار؟
و تقوم ايه بقى؟
تنط الصورة التقليدية للقوى الخارجية ف اذهاننا فورا
و هى بالمناسبة مش بعيدة عن اللى بيحصل برضه
و فينا اللى قال يكونش دول الليبراليين؟
و اللى يقول يكونوش شوية بلطجية و عواطلية مأجورين
و الله كله صحيح فعلا
بس المحرك ليهم بقى مين؟
و مفجر الاحداث اللى بنسمع عنه كل مرة يبقى تبع مين؟
طب تيجوا نفتكر حاجة كده ف الاول حصلت من فترة
وقت ما كانت فيه دراسة لقانون العزل السياسي لاعضاء الوطنى المنحل
الفلول يعنى
فاكرين الاجتماعات اللى عملوها وقتها و التصريحات بتاعتهم اللى خرجت كانت ايه؟
انا كتبت عنها هنا وقتها بس للاسف معرفتش اطلع اللينك دلوقتى
قياداتهم قالوا
لو تم عزلنا مش هنسكت
و هنولع فيها
اه و الله ده قالوه فعلا
طيب هل معنى كلامهم ده انهم نفذوا تهديدهم يعنى
و انه اللى بيحصل دلوقتى ده من تخطيطهم و تنفيذهم
و الله انا شفت حلقة الحياة اليوم امبارح
و كان فيها مفاجأة زى القنبلة
تعالوا نشوف

ها فاكرين مين مفجر احداث مجلس الوزراء!

ده الشاب المناضل الثورجى الناشط السياسي

و طبعا لو كان مات كان هيبقى الشهيد

عارفين ده يبقى مين؟

ده اسمه

عبودى ابراهيم
حلو؟
اه لحد كده حلو
بس لما نكمل اسمه هنلاقيه
عبودى ابراهيم العبودى
ها عرفتوه؟
ده ابن ابراهيم العبودى
عضو مجلس الشعب السابق المنحل
و عضو بارز ف الحزب الوطنى المنحل