Dalal صاحبة المنتدى
تاريخ التسجيل : 08/01/2011 عدد المساهمات : 10987 نقاط : 24782 الابراج : المزاج : مهمومة ببلدي العمر : 68 تعاليق : ربّـــــي اغفر لـي ولوالـديّ
وارحمهما كمــا ربيـــــانـي
صـــغيرا واجزهمــــــــــــا
بالاحســان احســـــــــــــانا
وبالسيئات عفوا وغفـــرانا رسالة sms : الموقع : قلب أمي مصر دعاء : اوسمتي :
| موضوع: اللى ما يشفش من الغربال!! الإثنين 17 ديسمبر 2012, 1:28 am | |
| اللى ما يشفش من الغربال!! أرسلت (أ. ا) تقول: أنا فتاة فى العشرينيات، من مستوى اجتماعى متوسط، وماديا ميسورين والحمد لله، والدى متوفى، وأنا عملت بشركة قطاع خاص بعد تخرجى بفترة بسيطة، تعرفت فيها على زميل فى مثل سنى، حصل بيننا تقارب، وصارحنى بإعجابه بيا بعدها على طول، كان واضحا معايا من الأول وقال لى إن مستواهم الاجتماعى كأسرة أقل مننا، لكن هو هايعمل كل اللى يقدر عليه عشان نعيش كويس، احترمته جدا وكبر فى نظرى وأكدت له أنى موافقة أنه يتقدم لوالدتى بشكل رسمى، وفعلا قابل أهلى وحصل بينا نقاش كتير لأنهم كانوا شايفين أنى أستاهل أحسن من كده، لكن مع الوقت ومع إصرارى سلموا بالأمر الواقع واتخطبنا بعد 4 شهور تقريبا.
لكن الخطوبة تمت من هنا والمشاكل بدأت من هنا، لقيت أننا بنتخانق كتير أوى، وهو بيتقمص بسرعة وعلى أى حاجة، وأنا اللى دايما باصالحه وأحاول أكلمه، لأنه ساعات لما بيزعل بيقطع التليفونات بالأسبوع، كبرت دماغى وقلت أمشى الأمور، لغاية ما فاجئنى فى يوم بأنه جاى يقول لى إنه اكتشف أن أحنا ماننفعش لبعض، وأنه هو حاجة وأنا حاجة تانية خالص، ذهلت، مابقتش عارفة أقول له أيه، لأنى طول الوقت بحاول أنى ألغى أى فوارق ما بيننا وبجنبه أنه يحتك بحد من عائلتى، لكن كل ده مافرقش معاه، ولقيته بيقول لى حددى ميعاد عشان أجى لأهلك نفسخ الخطوبة!!!.
انجرحت منه جرح كبير، وكان شكلى أدام أهلى وحش جدا، لكن لقيته بعد فترة راجع بيقول لى أنه ندمان وأنه غلط فى حقى وأنه لازم نرجع لبعض، واتصل بأمى يبكى لها فى التليفون، واتصل بيا يتحايل كتير، فحسيت أنه ممكن فعلا يكون غلط وفاق، وأنه مش هايقدر يستغنى عنى زى ما بيقول، وقتها أمى وضحت لى أنها مش موافقة وأنى لو أصريت أرجع له هايكون على مسئوليتى بشكل كامل، ووافقت ورجعنا لبعض، ووقتها فضل يوعدنى ويحلف لى أنه عمره ما هايخذلنى تانى أبدا. لم يمر اكتر من كام يوم حتى فاجئنى بخبر أنه ساب الشركة وهايشتغل فى مكان تانى فى محافظه تانية، اختلفنا لأنه عمل كده من غير حتى ما يقول لى قبلها، لكن تقبلت الموقف لأن المرتب فى شركتنا لم يكن مجزى، وقلت دى ممكن تكون فرصه أحسن، وتقبلت فكرة أنه هايسافر وأنى مش هاشوفه زى الأول، لكن إلى كان مصبرنى أنه كله عشان نتجوز فى الآخر.
لكن بدأت نبرته تتغير فى التليفون، أتصل بيه مايردش كتير، وبدأ يكلمنى عن واحده زميلته فى الشغل أنها بتتودد له، بتوصله بعربيتها، وبتجيب له فطار معاها كل يوم، فقلت له إنه لازم يعمل فاصل بينها وبينه ويفهمها أنه مرتبط عشان الأمور ماتتطورش، شوية شوية زميلته دى فضلت تتقرب منه لغاية ما صارحته بانها بتحبه ونفسها ترتبط بيه، طبعا هو بيقول لى الكلام ده فى التليفون وأنا هاتجنن ومش عارفة أمنعه عنها ازاى، فقال لى أنه هايسيب الشغل عشان يبعد عنها وعشان مايزعلنيش، لكن طبعا ده محصلش.
فضل يماطل فى أمر زميلته ده، واستمر فى عدم الرد على تليفوناتى طول ماهو فى الشغل، والى زاد وغطى أنه بيقول لى إنها بنت كويسه ومحترمه وآل ايه عايز يعرفنى بيها!!!، طبعا اتخانقت معاه خناقة كبيرة ومن يومها مفيش بيننا كلام، مخطوبين بالاسم فقط.
أكتر من كده انى سألت اسأل عنه وعن زميلته فى الشركة إلى بيقول لى عليها دى، مالقيتش لا اسمه ولا اسمها، وطبعا لأنه فى محافظه تانيه مش قادره أتأكد و أعرف راسى من رجليا، بجد هاتجنن و مش عارفه اعمل ايه، تفتكرى يا دكتوره أستمر معاه ولا لأ؟.
الى (أ): من الواضح انك صغيرة السن يا (أ)، وانك قليلة الخبره فى الحياه، وهذا شئ لا يعيبك و لكنه خطر عليكي، فأى انسان لديه القليل من التجارب فى معاملة الآخرين سيفهم سريعا ان خطيبك هذا شخص غير جدير بالثقه، ولا يؤتمن على زوجه و أسره فيما بعد، لكنى لن اكتفى بالحكم المطلق عليه، و سأفند لك أسبابي: 1) شخص و اجهتى أهلك من أجل الارتباط به، ثم يأتى ليقول لك بعدها معذرة ( احنا مش هاننفع مع بعض)، ثم يعود مره آخرى باكيا نادما يرجو و يتعذر، هو شخص من اثنين، اما انسان متردد لا يعرف ماذا يريد، أو انسان غير جاد ، لا يحبك و لايريدك حقا، وأعتقد ان الحالتين أسوأ من بعض.
2) شخص (مرتبط) يتجاوب و يتمادى مع آخرى، وهو يعلم انها معجبه به و مياله له، حتى تعترف له بحبها و هيامها و غرامها....شخص مراهق، ومش مضمون، وسهل الوقوع فى هفوات و نزوات كثيره فى المستقبل.
3) شخص يضحى بعلاقته بخطيبته (بعد أن اخطأ فى حقها و سامحته مره من قبل)، و لا يرد على تليفوناتها، ولايكون واضح معها، من اجل زميله فى العمل أو غيرها....شخص غريب الأطوار، وليس لديه عزيز و غالى كما يقال.
4) وما زاد الطين بله: تسألين عنه فى المكان الذى يعمل به ولا تجدين اسمه أو أحدا يعرفه، اذا فهو كذاب و مخادع، و يزيف لك الأمور منذ البدايه، وما خفى كان أعظم.
اعتقد انه أى واحد بيفكر هايقول لك ابعدى عن الانسان ده تماما، والحمد لله انك عرفتى كل ده فى الخطوبه، أرجوكى فوقى و الحقى نفسك قبل ما تربطى حياتك و مصيرك بشخص فيه كل العبر دي، وحتى لو كنتى بتكنى له أى مشاعر، وحتى لو جالك يبكى و يندم و يطلب الغفران، لا يلدغ مؤمن من جحر مرتان يا (أ)، عشان كده مش لازم تنخدعى مره تانيه، و اسرعى بإنهاء الموقف السخيف إلى أنتى فيه ده، عشان تبدأى تشوفى مستقبلك وحياتك إلى لسه فيها كتير من الأشخاص و الفرص الأفضل بأذن الله.
|
|