مبركبش الا الكفار و بس!!!!

"يلا يا أمانى بسرعة الميكروباص فاضى اهوه.. بسرعة عشان نلحق مكان"
"يا بنتى بالراحة هتكفينى على وشى.. هو يعنى هيطير؟ ان الله مع الصابرين"
" لا يا فالحة مش هيطير.. بس هنقف لنا ييجى ساعة كمان على ما واحد تانى ييجى.. "
قلتها و انا ممسكة بيد امانى زميلتى بالعمل لنهم بالركوب للعودة لمنازلنا بعد يوم شاق من العمل
و لكن ما ان بادرنا بالصعود.. حتى استوقفنا صوت السائق الأجش صائحا:-
"على فين يا ست انتى و هى؟"
.. بادرته باندهاش "ايه يا عم.. انت مش طالع ولا ايه؟"
"لا طالع طبعا.. بس انتوا اللى مش هتطلعوا؟"
"ليه بس مش انت رايح الاستاد؟ "
"رايح مكان ما رايح.. ملكيش فيه"
ايه بس يا اسطى؟.. ده احنا نازلين الصدر.. يعنى خطوة من هنا" قالتها زميلتى مشيرة باتجاه آخر الشارع
"و الله و لو نازلة اخر الشارع ما هاركبكم"
"هو انت تعرفنا يا عم؟ بتقول ليه كده بس؟"
ايوة انا طاقق من اشكالكم.. و النهاردة بقى مبركبش الا الكفار.. روحوا بقى خلوا الريس بتاعكوا يعمكلكوا مواصلة اسلامي
لكزت زميلتى التى كانت على وشك الجدال و الانفجار بوجه السائق
و جذبتها للابتعاد عن ثورة غضب كانت على وشك الانفجار بوجهنا لمجرد اننا منتقبات
و ابتعدنا و كلانا تتمتم ساخطة على نظام اساء لكل ما يمت للاسلام بصلة

مبركبش الا الكفار و بس!!!!

مبركبش الا الكفار و بس!!!! 3939062894
هههههههههههههههههههههه
SORRY يا دوللي حبيبتي بس الموقف يضحك بجد
للأسف بعض السلوكيات الخاطئة للإسلامين تعمم على الجميع
ويمكن انا كمان واحدة منهم
اصبحت لا أثق في الدقون والمنتقبات ويشعروني بالتوتر الدائم
تصرفات البعض تسئ للكل وللأسف الشديد
يمكن من كتر ماشوفنا وسمعنا منهم
ربنا يهدي الجميع يارب
انا عرفتك يا دوللي من زمان قوي وماكنتش اعرف انك منتقبة
لأن كلماتك الرقيقة وتفاعلك مع الجميع لايوحي بعدم الإطمئنان او الإحترام
بالعكس تماما حبيبتي
لو حاولوا بس ان يكونوا صادقين وملتزمين بجد بأقوالهم وأفعالهم
كما أمرنا الله تعالي لأختلف الأمر معهم كثيرا
تحياتي يا جميلة.
مبركبش الا الكفار و بس!!!! 1728463548

مبركبش الا الكفار و بس!!!!

ههههههههههههه
بقى كده يا دودى؟
يعنى انا ما نابنى الا ضحكك و رجوعى البيت بعدها بساعة
و الله يا دودى مقولكيش على اللى بيحصلى ف الشارع من شتايم و اهانات باعتبار انى شكلى مدى على اخوان او سلفيين
مع انى من اشد الناس اللى معارضة ليهم
و كله كوم و يوم الاستفتاء ع الدستور ده كان كوم تانى
ده انا كنت هاتضرب برا اللجنة و الله
و رغم انى انتخبت الفريق شفيق بس عشان الاخوان ميكوشوش ع السلطة
بس الناس برضو بتاخد بالمظهر
و انا عاذراهم و الله
اذا كان انا نفسي معنتش باطيق المنتقبات و اللى بدقون
و لاعنت باطيق ابص لنفسي ف المراية
هههههههههه
و الله يا دودى انا ما عنتش باشيل هم حاجة الا ساعة الخروج للشارع
مش عارفة طيب اعمل ايه؟
احط صورة شفيق ع الشنطة ولا اطبع اللوجو بتاع "انا اخوان انا مقطف بودان" ع النقاب؟

مبركبش الا الكفار و بس!!!!

هههههههههههههههه
والله العظيم انتي عسل
بتجيبي الكلام ده منين يابنتي ؟؟؟
معلش يا دوللي استحملي الناس وكويس انك عذراهم
اللي شايفينه من مرسي حطم كل احلامهم في مستقبل أحسن
ومهما طال الزمن في وجودهم ربنا قادر على رحيلهم
ورد اعتبار كل مصري اهين في عهدهم الكئيب
بعد عمايلهم السودا وكذبهم وتجريحهم البذئ لمن يخالفهم الرأي
الله المستعان حبيبتي قولي يارب ..