اللهم لك الحمد على نعمة الاسلام

فضلت اقول الكلمة دى كتير النهاردة

السبب صور شوفتها فى موضوع عن حاجة كده المفروض انها احتفال او بالاصح مهرجان

المهرجان ده هو "المهرجان النباتى" اللى بيقام فى جزيرة بوكيت بتايلاند

اللى بيتم انه مريدى القديس الصينى بانج نيوم بيروحوا يزوروا قبره فى اول تسع ايام من الشهر القمرى التاسع

و بيكون عادة فى سبتمبر او اكتوبر

و المهرجان بيستمر لمدة تسع ايام و اغلبه بيكون من اهل الجزيرة دى

لان 35% من سكانها فى الاصل صينيين

و الاحتفالية دى بتقام من سنة 1800

لحد كده تمام

اللى مش تمام بقى هو طريقة الاحتفال

بتتم بقى ازاى؟

بأن المحتفلين بيخرموا اجسامهم بطريقة بشعة جدا

و السبب

معتقدات طبعا

بأن تخريم أنفسهم وسيلة لإخراج الأرواح الشريرة

و لتطهير أنفسهم

وجلب الحظ السعيد

معلش يا جماعة

و الله انا اترددت كتير قبل ما انقل لكم صور الاحتفالية دى

انا نفسي مش قادرة اطالعها كتير

لكن

حبيت احطها كرسالة

لكل من هانت عليه نفسه فشوهها بغير حق

لا شئ الا لباطل

و عشان كمان نتذكر

ازاى ربنا كرمنا فى كل الديانات السماوية

و فيه لسه ناس رافضة التكريم ده

و بتتبع الباطل

اللهم لك الحمد على ما انعمت علينا به

اللهم توفنا مسلمين

اسيبكم مع الصور

لاحول ولا قوة إلا بالله
وده من إيه ده؟؟؟
لسه فى ناس بتفكر بالشكل ده ؟؟؟
المهم الناس دي مش حاسة بأي ألم ؟؟؟
الواحد لما بيتجرح في صوابعه يقعد يعيط يعيط يعيط
ودول ولا كأنهم حاسيين بأي حاجة خالص
شئ غريب بجد

و الله يا دودى تقريبا ماركة بيعيط و يعيط و يعيط دى انقرضت

و معادش موجود منها الا انا و انتى بس

الناس دى من الضلالة اللى عايشينها مفكرين انهم كده بيطهروا نفسهم - يعنى تقريبا زى ما الشيعة بيعملوا

و شوفى من نعمة ربنا علينا احنا المسلمين

ركعتين و دعاء بقلب صافى و تذلل لله

ممكن ربنا يقبل بيهم التوبة و يغفر لنا

مشكورة على المرور حبيبتى