|
| كاتب الموضوع | {الموضوع} |
|---|
Dalal
صاحبة المنتدى
تاريخ التسجيل : 08/01/2011
عدد المساهمات : 10987
نقاط : 24782
الابراج : 
المزاج : مهمومة ببلدي
العمر : 67
تعاليق : ربّـــــي اغفر لـي ولوالـديّ
وارحمهما كمــا ربيـــــانـي
صـــغيرا واجزهمــــــــــــا
بالاحســان احســـــــــــــانا
وبالسيئات عفوا وغفـــرانا
رسالة sms :
الموقع : قلب أمي مصر
دعاء : 
 اوسمتي :
 | |
  | |
Dalal
صاحبة المنتدى
تاريخ التسجيل : 08/01/2011
عدد المساهمات : 10987
نقاط : 24782
الابراج :
المزاج : مهمومة ببلدي
العمر : 67
تعاليق : ربّـــــي اغفر لـي ولوالـديّ
وارحمهما كمــا ربيـــــانـي
صـــغيرا واجزهمــــــــــــا
بالاحســان احســـــــــــــانا
وبالسيئات عفوا وغفـــرانا
رسالة sms :
الموقع : قلب أمي مصر
دعاء :
اوسمتي :
|  موضوع: رد: اشعار علي سلامة(متجدد)  الأربعاء 18 مايو 2011, 5:27 pm | |
| اشعار علي سلامة(متجدد)
اللى يحب مصر يقول هيييه
***************************
استغاثة
إنقاذ
أزمة أمل
وفشل بدرجة امتياز
كلام
جرايد
برامج
دروس مستفادة
صوان عزا
وقهوة سادة
والدوام لله يا أستاذ
تبرعات
أهل الخير
ولو بجنيه
واللي يحب مصر
يقول هيه
ياتري الدموع دي
رحمة
واللا خوف
واللا ابتزاز
ولسه اللي بيته من إزاز
عايش ومزاجه عنب
وبيحدفنا كلنا بالطوب
وتستمر المسيرة
بكل فخر واعتزاز
*******************************
اللهم أجعله خيــــــر
***************
نفسي أتمطع
أنزل .. اطلع
أحلق أقرع
وأتشجع وأقلع
كل هدومي القديمة
وأرمي الحاجات اللئيمة
وأبقى حر كده
زي الطير
نفسي أضحك من قلبي
من غير ما أخاف
وأقول اللهم أجعله خير
يا أخي نفسي مرة
أغير خط السير
يعني مش زي ما روحت
لازم أرجع
نفسي أفرح بضحكتك
من غير ما أخطفها منك
أو أحسدك
أو أطمع
نفسي أبص م الشباك
براحتي
وأقول ياه
الله
يا بختي
نفسي أحس من تاني
بالجمال
يا سبحان من أبدع
نفسي يبقى لية لازمة
ف وقت الحزن .. والأزمة
تلاقيني ببني
بصلح
بغير
بحلم
يعني أنفع
نفسي ده يحصل
قبل كل شيء جوايا .. ما يعجز
أو يودع
نفسي أحب من تاني .. النهار
والعمار
يعني بأختصار
نفسي أرجع تاني
بني أدم
تفتكر ده ممكن ..؟؟؟؟
وأنا ولا بشوف .. ولا بسمع
*****************************
القميص المقلم
**************
ساعات
أنا وروحى نتخانق..
ونعلق لبعض المشانق..
وضرب وشد
حاجة بجد
تزعل أوى وتضايق..
لحد ما ننزف..
ونضعف..
ونفهم.. ونعرف..
ونحس بنعمة الحب
ونشكر الخالق..
يارب..
يا خالق القلب طاهر برىء..
ارزقنى نور الطريق..
واكفينى شر اللف والدوران
والحيرة عند المفارق..
عارف..
نفسى أوى ف ساعة رضا..
تعبنا يا قلبى م الجرى
كفاية كده..
سهل السؤال..
لكنه صعب أوى وتقيل..
صحيح مفيش حل
لكن كمان مفيش بديل..
قلت اشترى دماغى
وزى ما تميل أميل..
أقول للحلاق خف الجناب
وخللى قدام طويل..
واطلع البنطلون الجينز
والقميص المقلم
واشرب بدل الشاى
قرفة بالجنزبيل..
واتمشى عالكورنيش
يمكن عيونى
تقدر تشوف النيل..
وارجع من تانى
أدور على أصحابى
صلاح ويوسف
ومصطفى ونبيل..
لكن لما عرفت
إن أعز أصحابى
متجوز وعايش ف إسرائيل..
ساعتها بس حسيت
إن الحمل لسة تقيل..
رميت البنطلون الجينز
والقميص المقلم
ورجعت من تانى
أنا وروحى نتخانق..
|
|
| | |
Dalal
صاحبة المنتدى
تاريخ التسجيل : 08/01/2011
عدد المساهمات : 10987
نقاط : 24782
الابراج :
المزاج : مهمومة ببلدي
العمر : 67
تعاليق : ربّـــــي اغفر لـي ولوالـديّ
وارحمهما كمــا ربيـــــانـي
صـــغيرا واجزهمــــــــــــا
بالاحســان احســـــــــــــانا
وبالسيئات عفوا وغفـــرانا
رسالة sms :
الموقع : قلب أمي مصر
دعاء :
اوسمتي :
| | موضوع: رد: اشعار علي سلامة(متجدد) الأربعاء 18 مايو 2011, 5:40 pm | |
| اشعار علي سلامة(متجدد)
النجفة المتعلقة في الصالة
**********************
رايح فين..
طول عمرها الدنيا بوشين
إيه بقى اللى استجد..
رايح فين..
فى الليالى الضلمة
مفيش قدامنا
غير نتسند على بعض..
وأهو ربك كريم
وبيرزقنا بشوية دفا
ساعة ما البرد بيشتد..
رايح فين..
كل الأصحاب راحوا
والباقى.. يا دوب
يا دوب ع الأد..
رايح فين
إن كان ع الموت
جاى.. جاى
وربك وحده العالم
إمتى..؟
وإزاى..؟
وفى أنهى أرض..
عارف..
لو كانت النجفة
المتعلقة فى الصالة
بترمى ونس
ماكنش غُلب حد..
رايح فين..
*******************************
الضريبة.
************
مش غريبة..
ندفع الأوجاع ضريبة..
قسمى الأحزان شرايح..
عبى دمعى ف الصفايح..
واسألى عمرى اللى رايح..
المصيبة..
لسه شايلك ف العيون
أجمل حبيبة..
قولى كذبة..
حبى ليكى يبقى حسبة..
والأمانى والهوا..
والشوق بنسبة..
وانتى عزبة..
للى ماله فيكى حسبة..
المصيبة..
لسه شايلك ف العيون
أجمل حبيبة..
مين اللى قرر يقتل الحلم
فى عيون كل الطيور..
ليه تسلمينى
من طابور تانى لطابور..
قيدى البخور..
بركات جراحنا المزمنة..
كل الأمانى الممكنة..
تبقى يادوبك دمعتي
فوق صورة باهتة ملونة..
سايبة الجراح ليه تهدنى..
إيه فيكى تانى يشدنى..
ده أنا اللى حبى عززك
وانتى اللى عشقك ذلنى..
لسه يا حلوة بتسألى..؟!
بتحبى..
نفسى أشترى
شبرين فى حضنك وارتوى..
فكرك مسافر أغتنى..
خدى اللى حيلتى
الهدمتين والقرشينات..
بس استرى عرض البنات..
لو حسنا على دمنا
فى قلوبنا مات..
لو بكره فات..
واحنا بياكلنا السكات..
كل الأمانى الممكنة..
تبقى يادوبك
دمعتين..
فوق صورة باهتة ملونة...
********************************
الله يرحمك يا سبت
*******************
الله يرحمك يا سبت
في كل بلكونة ف البيت
كان السبت المتعلق
ديما ع الحيط
أنزله يرجع بالفول
وعمره يوم ما دلق لي الزيت
وأنزله يرجع جورنان
وأنزله يرجع بالعيش
وأنزله يرجع قمصان
ف وسطهم أفرول الجيش
وأنزله يرجع إنسان
وأنزله يرجع نسمة
وطفل لسه مش طايل
سور الكورنيش
وأنزله يرجع أفراح
يوم النتيجة وزمايلي
وشهادة نجاح
وأنزله يرجع جوابات
وأنزله يرجع حكايات
دقة قلبي
أول مرة قلت أنا حبيت
وأنزله يرجع أيام
وأنزله يرجع أحلام
دلوقتي بنزل أنا والسبت والبيت
ونرجع إيد ورا وإيد قدام
لا فرح معانا
ولا حتي إبرة وخيط
|
|
| | |
Dalal
صاحبة المنتدى
تاريخ التسجيل : 08/01/2011
عدد المساهمات : 10987
نقاط : 24782
الابراج :
المزاج : مهمومة ببلدي
العمر : 67
تعاليق : ربّـــــي اغفر لـي ولوالـديّ
وارحمهما كمــا ربيـــــانـي
صـــغيرا واجزهمــــــــــــا
بالاحســان احســـــــــــــانا
وبالسيئات عفوا وغفـــرانا
رسالة sms :
الموقع : قلب أمي مصر
دعاء :
اوسمتي :
| | موضوع: رد: اشعار علي سلامة(متجدد) الأربعاء 15 يونيو 2011, 3:24 pm | |
| اشعار علي سلامة(متجدد)
الكيميا فيها عفريت..
هو الخوخ ماسخ ليه كده السنة دي..
قال يعنى السنة اللى فاتت
كان معسل..
ياااه..
تصدق..
نفسى أقول آه
بس بصراحة مكسل..
علمونا فى المدرسة
إن حصة الدين زى قلتها
مفيهاش نجاح وسقوط..
وكده.. كده
رايحين النار لما نموت
وعلمونا فى البيوت
إن الأدب يعنى السكوت
والمشى جنب الحيط
ويا داخل بين البصلة وقشرتها
من ساعتها
واحنا بنتفرج من بعيد
ونحلم من بعيد
ونحب من بعيد
ونستنى نشوف أخرتها..
وعلمونا ف الحكومة
إن فاتك الميرى
سف التراب..
وقالولنا إن الكيميا فيها عفريت
كلنا حوّلنا آداب..
حفظنا الأناشيد
وسقطنا فى الحساب..
على فكرة الحر السنة دى
فظيع.. فظيع
قال يعنى السنة اللى فاتت
كان طراوة..
ساكت ليه يا عنب
ما تقولى راحت فين الحلاوة..
واللّه ويحقلك يا قطن تحزن
ويجوزلك تبكى يا بلح
وإزاى نغنى للفرح
وانت يا خوخ
كل سنة بتمسخ..
ما تقولى ليه
كل ما بنضف شارع
يرجع تانى يتوسخ
*********************
التوكيل
صباح الخير..
مين ده اللي مصر
عملت له توكيل
بالبيع لنفسه وللغير
وكمان بنقل الملكية..
مين ده اللي مصر
وقعت أوي كده في هواه
وكل ما يتكلم تقول الله
وكل دقيقة تغني له أغنية..
ومين ده بقي اللي معاه
مفاتيح الشاي والسكر
والهوا والنور والحرية..
طب إيه رأيك
التوكيل ده مضروب
بص كده معايا يا عم عطية..
ماعرفش يا ابني
تعالي نسأل في الشهر العقاري..
**********************
النهاردة عمري خمسين.
مش نفس الأغانى اللى كانت بتفرحك..
مش نفس الحاجات اللى كانت تقدر تخطفك..
وترجعك من تانى طفل صغير..
ولا دى البيوت اللى كانت بتعرف تحضنك
أكيد فيه شىء اتغير..
سنين بتجرى ودنيا كل يوم بحال..
والله أعلم فين هانحط الرحال..
ومادام العمر مهما طال..
قصير..
بتفكرنى ليه بقى..
وتقولى النهارده عمرك خمسين..
لسه قلبك زى حتة الشاش
مش مستحمل حتى نسمة تمر..
ولسه بتتلخبط.
وتدلق العسل ع المر..
النهارده عمرى خمسين..
ولسه مسافر
ولسه دمعتك قريبة
وتزهق وتتخنق وتبعد
لكن ترجع تحن
وأول ما اظبطك عيل
بيجرى ويلعب ويضحك
تقولى الروح
ملهاش سن..
النهارده عمرى خمسين..
الحمد لله إن فيه مبرر
إننا عايشين..
واهو الواد الصغير
كل يوم يهديك إحساس
يساوى ملايين..
أنا عارف إنى مزعج
بس إنت طيب..
واستحملتنى بجد..
وكنت كل حاجة
لما الدنيا ماكنش فيها حد..
أنا بحبك
بس أرجوك تبطل عد..
كل سنة وانت طيب يا قلبى.
|
|
| | |
Dalal
صاحبة المنتدى
تاريخ التسجيل : 08/01/2011
عدد المساهمات : 10987
نقاط : 24782
الابراج :
المزاج : مهمومة ببلدي
العمر : 67
تعاليق : ربّـــــي اغفر لـي ولوالـديّ
وارحمهما كمــا ربيـــــانـي
صـــغيرا واجزهمــــــــــــا
بالاحســان احســـــــــــــانا
وبالسيئات عفوا وغفـــرانا
رسالة sms :
الموقع : قلب أمي مصر
دعاء :
اوسمتي :
| | موضوع: رد: اشعار علي سلامة(متجدد) الأربعاء 15 يونيو 2011, 3:32 pm | |
| اشعار علي سلامة(متجدد) الغربة
الواد ابنى ابو لسان طويل
قالى
يعنى سافرت يا بابا واتغربت
مشوار طويل
وف الاخر راجع..
ف شارع متفرع من شارع
وشقه فى الدور الرابع..
ودولار نازل طالع...
وشوية حاجات..
دكان مستنى التراخيص..
ومكنسه على خلاط
وكمبيوتر مش نافع...
من الاخر معرفتش تتصرف..
مقدرتش تقول
لاء
مش مسافر...
منين الكحه دى يا بابا...
دى عمر..!!
ولابرد...
ولا سجاير..!
انت عارف يا بابا انا بقالى اد ايه بستناك؟؟
ايه يا بابا
انت هاتعيط ....
ده انا كنت بهزر معاك...
كنت بهزر معاك
******************
تيجى نحسبها نلاقيها
تيجى نحسبها نلاقيها...
إحنا فيها...
لفّ واتفرج معايا...
ع اللى نايم...
واللى صاحى...
واللى طافى النور وصاحى...
واللى بتسليه جراحى...
واللى قال فات الكتير...
واللى طاير...
بس مكسور الضمير...
ع اللى مشغول بالدولار...
واللى ضيّع نص عمره...
فى كام بهيمة وكام حمار...
واللى قال الأرض باقية
واللى طُور مربوط فى ساقية...
واللى لسه قميُصه ناقص فيه زُرار...
وفى ثوانى...
مات كيلانى...
كل واحد فينا قام يحسبها تانى...
اللى نايم واللى صاحى...
واللى بيفكر ينام...
كله قام...
أد إيه ف العمر باقى...
يسوى كام...
أما شاعر بايخ...
جىّ ليه تشعللها نار...
يلّلا نهرب من قساوة الجَدَّ...
ونضيع ف الهزار...
ف العصير والفطير...
واللى لسه قميصُه...
ناقص فيه زُرار…
**********************
الدولاب
جوه الدولاب..
كل الحاجات فوق بعضها
وسنين كتير
تعبت أنا من عدها
فيه حاجات تضيع
مايهمنيش
وحاجات تروح
ماقدرش أعيش
يوم بعدها
جوه الدولاب..
قصص كتير
قصاقيص ورق
صور
وشوك جنب الحرير
ألوان فرايحي
منورة ف العتمة لكن
وهدوم تقيلة
لسه فيها البرد ساكن
وحاجات جديدة
اشتريتها من سنين
ماعرفش ليه
بخاف أقرب منها
|
|
| | |
Dalal
صاحبة المنتدى
تاريخ التسجيل : 08/01/2011
عدد المساهمات : 10987
نقاط : 24782
الابراج :
المزاج : مهمومة ببلدي
العمر : 67
تعاليق : ربّـــــي اغفر لـي ولوالـديّ
وارحمهما كمــا ربيـــــانـي
صـــغيرا واجزهمــــــــــــا
بالاحســان احســـــــــــــانا
وبالسيئات عفوا وغفـــرانا
رسالة sms :
الموقع : قلب أمي مصر
دعاء :
اوسمتي :
| | موضوع: رد: اشعار علي سلامة(متجدد) الأربعاء 15 يونيو 2011, 3:36 pm | |
| اشعار علي سلامة(متجدد) القرد ميمون
قالوا رئيس الوزراء إتجوز
أنا قلت ألف مبروك
ده شرع ربنا
وده حقه..
قالوا الوطن بيقع
قلت لوحده كده
ولا فيه حد زقه..
عموماً
راحت أيام القميص أبو نص كم
وابتدينا مرحلة الخضار المسلوق
واللب الأبيض والينسون..
عشان كده لما قالولى مصر عندها برد
قلت يا ريت تشرب لمون..
ولما قالولى
الانتخابات اللى جايه نزيهة
قلت يا ترى دى منحة..!!
ولا ده حكم القانون..
ولما قالولى الطيارة سقطت ف البحر
سألت كان فين الطيار..؟
قالوا بيتفرج على مصر والجزائر
ومساعد الطيار..؟
كان فى البرلمان بيقرا البيان
اللى بينتهى بسب الدين
ويبتدى بـ الإخوة المواطنون
قلتلهم أمال فين
اللى كان سايق الطيارة..؟
قالولى ده..
قلتلهم مين ده؟
قالولى ده القرد ميمون.
******************************
الشعر عيرة والكحل عيرة
والورد فوق الخد
ولحد الضفيرة عيرة
الصبر عيرة والضحك عيرة
والفرح والأحزان كمان وحاجات كتيرة
حتى الحنان جوه البيوت
حتى الكلام...حتي السكوت
حتى الهتاف جوه المسيرة برضه عيرة
حيرني حيرة
بقينا ليه حبة حاجات
قمصان بدل على بالونات
ما بقيتش شايف إيه اللي جاي وإيه اللي فات
ما بقيتش افرق
ده أزرق ده ولا أحمر رمادي
ودي كارثة ولا ده وضع عادي
وده طفل ولا راجل عجوز
وده إيه ده راخر
جايز يجوز
نعسان ده ولا ساكت وساير
بردان ده ولا ده دور وداير
وده إحنا ولا الكل حاير
*****************************
الضَرَيبة
مش غريبة ..
ندفع الأوجاع ضريبة ..
قَسَّمى الأحزان شرايح ..
عبَّى دمعى ف الصفايح ..
واسألى عمرى اللى رايح ..
المصيبة
لسة شايلك فى العيون أجمل حبيبة ..
قولى كذبة ..
حُبى ليكى يبقى حسبة ..
والأمانى والهوا ..
والشوق بنسبة ..
وإنتى عزبة ..
للى مالُه فيكى حِسبة ..
المُصيبة ..
لِسة شايلك فى العيون ..
أجمل حبيبة ..
مين اللى قرر ..
يقتل الحلم .. فى عيون كُل الطيور ..
ليه تسلَّمينى ..
من طابور .. تانى لطابور ..
قَيَدّى البخور ..
بركات جراحنا المزمنة ..
كل الأمانى الممكنة ..
تبقى يادوبك دمعتين ..
فوق صورة باهتة ملونة ..
سايبة الجراح ليه تهدنى ..
إيه فيكى تانى يشدنى ..
ده أنا اللى حُبى عززك ..
وإنتى اللى عشقك ذلَّنى ..
لسه ياهبلة بتسألى ..
بتحبنى ..
نفسى اشترى ..
شبرين فى حضنك وارتوى ..
فكرك مسافر أغتنى ..
خدى اللى حيلتى ..
الهدمتين والقرشينات ..
بس استُرى عرض البنات ..
لو حسينا على دمنا ..فى قلوبنا مات ..
لو بكرة فات ..
وإحنا بياكلنا السُكات ..
كُل الأمانى الممكنة ..
تبقى يادوبك دمعتين ..
فوق صورة باهتة ملونة .
|
|
| | |
Dalal
صاحبة المنتدى
تاريخ التسجيل : 08/01/2011
عدد المساهمات : 10987
نقاط : 24782
الابراج :
المزاج : مهمومة ببلدي
العمر : 67
تعاليق : ربّـــــي اغفر لـي ولوالـديّ
وارحمهما كمــا ربيـــــانـي
صـــغيرا واجزهمــــــــــــا
بالاحســان احســـــــــــــانا
وبالسيئات عفوا وغفـــرانا
رسالة sms :
الموقع : قلب أمي مصر
دعاء :
اوسمتي :
| | موضوع: رد: اشعار علي سلامة(متجدد) الأربعاء 15 يونيو 2011, 3:42 pm | |
| اشعار علي سلامة(متجدد) البحث عن (علي سلامة)
لما دخلت ع النت أدور على روحى
عارف لقيت إيه..!
إيه...؟
■ السعودية وسوريا تؤكدان
حرصهما (على سلامة) ووحدة أراضى اليمن..
■ مجلس الشعب
يؤكد (على سلامة) النوايا
فى مشروع بيع التاريخ بأرخص تمن..
■ وزير التعليم
يؤكد (على سلامة) صحة التلاميذ
رغم انتشار الأنيميا وغش اللبن..
■ إهداء للأستاذ مفتاح..
مبروك المولودة الجديدة
والحمد لله (على سلامة) وصول خالك حسن..
■ رغم انتشار الفيران
البرلمان يؤكد (على سلامة) نسيج الوطن..
■ حرصا (على سلامة) وراحة المواطنين
تقرر تأجيل تقديم الإقرار الضريبى إلى ما بعد غد
■ رئيس الوزراء
يطمن (على سلامة) ضحايا السيول
والتعويضات تبنى بيت لا يصلح للسكن..
■ والطبيب المعالج يؤكد صعوبة
الحفاظ (على سلامة) الروح داخل هذا البدن..
■ وكل التقارير تؤكد أن الفساد
أثر (على سلامة) وصحة المجتمع
لكن الناس بتنسى بمرور الزمن..
**************************
إلهي تنشك يابعيد
سبع عجايب يا زمان..
وآدى كمان أعجوبة..
مين لبسك عريان..
فى عز برد طوبة..
تصدرى الغاز ببلاش
وتدورى على أنبوبة..
وتنورى الخرابات..
وتباتى مخروبة..
والدنيا تجرى.. وتجرى
وإنتى واقفة ف مكانك بتبكى
وبتحلمى بزقة..
يا زوبة..
الله يرحمك يا خالتى أم سعيد..
كانت تكشف راسها للسما
وتدعى ع الخضرى
روح..
إلهى تنشك فى قلبك يا بعيد..
عشان قبل ما يوزن
ما كانش بيمسح كفة الميزان..
يا ترى
لو كانت لسه عايشة
وشافت وطن بحاله بيتسرق
روح..
وطعم..
وعنوان..
كانت م الحسرة ماتت
ولا كانت قالت مع الكروان..
الملك لك.. لك
لك وحدك..
يا صاحب الملك..
*************************
أصعب ما فيها
أة..يا ليالي
ع اللي كان واللي جرا..
والبدر غايب..
والطريق فين يا تري..
مش كل عين شايفة..
يبقي فيها ضي..
ولا كل قلب عايش..
يبقي لسه حي..
آه يا ليالي..
وأهي دايرة..
وإحنا فيها..
في قلبي كلمة حلوة..
لكن مش لاقيها..
أصعب ما فيها الدنيا..
فرحة بعد شوق..
طارت لفوق..
راحت وجت متأخرة..
|
|
| | |
Dalal
صاحبة المنتدى
تاريخ التسجيل : 08/01/2011
عدد المساهمات : 10987
نقاط : 24782
الابراج :
المزاج : مهمومة ببلدي
العمر : 67
تعاليق : ربّـــــي اغفر لـي ولوالـديّ
وارحمهما كمــا ربيـــــانـي
صـــغيرا واجزهمــــــــــــا
بالاحســان احســـــــــــــانا
وبالسيئات عفوا وغفـــرانا
رسالة sms :
الموقع : قلب أمي مصر
دعاء :
اوسمتي :
| | موضوع: رد: اشعار علي سلامة(متجدد) الأربعاء 15 يونيو 2011, 3:48 pm | |
| اشعار علي سلامة(متجدد) البنت بنتى
حنينة وآخر لماضة..
غصب عنها
بقت بليدة فى التاريخ
وغصب عنها برضه
شاطرة فى الرياضة..
بنت أبوها
بس لما يبكى أخوها
تبقى أم..
وتبقى أخت..
وتبقى دادة..
ولما أخاصم أمها
بتستلم هى القيادة..
تيجى جنبى وتلاغينى
كأنى طفل
وأمى قاعدة بتدادينى
بابا تشرب شاى معايا
ولاّ أحكى لك حكاية
حضرتك..
قهوتك مظبوطة
ولا تحبها سكر زيادة..
ولما تقلب كل حاجة
فى كل حاجة
كلنا نضحك ونرجع
نملا تانى البيت سعادة..
*************************
التفاضل والتكامل
وأزمة تغطي علي أزمة..
وشبشب ينسينا الجزمة..
وكلام عادي..
لكلام فاضي..
لكلام يوجع ملوش لزمة..
ودق الطبل..
بيداري علي الزمار..
وعضة كلب تألمنا..
نقول ياريتنا كملنا..
معاك يا حمار..
ماسورة ميه تلخمنا..
تنسينا إننا عايشين..
ف قلب النار..
ويبقي الحزن شيء عادي..
وحتي الموت كمان عادي..
وهزار ف هزار..
ورغم إننا فاهمين وم الشطار..
لكننا دايما نغلط..
في نفس السؤال..
في نفس الاختبار..
***********************
الكيلو تسعين
يكُونْ ف عِلْمَكْ...
أنا مُتواضَعْ جِداً....
وِمشْ طالبْ كتيرْ....
يَعنى شَقَة صُغيِرةْ...
ف الكيِِِِِِِِِِِِِِِلُو تِسعينْ...
مَا هى الحَياة مَشَاوِيرْ....
مِشِ شرْط بَقى بتطلْ...
عَلَى جَناين وهَوا وعَصافيرْ...
وبنت حَلالْ ومِش شَرطْ....
زَى اللى ف الكلَيب الأخيِر...
وحِتة مدرسةَ صُغيّرةَ...
أهَى أِلعيال تُفكْ الخَطْ....
ومِش شَرْط لُغات وحرَكاتْ...
وجَغرافيا وتعبيِرْ...
وأدْخلْ القسْم...
أطَلَعْ زِى ماَ دَخَلْتْ...
مُحتْرَم وكبيِرْ. |
|
| | |
Dalal
صاحبة المنتدى
تاريخ التسجيل : 08/01/2011
عدد المساهمات : 10987
نقاط : 24782
الابراج :
المزاج : مهمومة ببلدي
العمر : 67
تعاليق : ربّـــــي اغفر لـي ولوالـديّ
وارحمهما كمــا ربيـــــانـي
صـــغيرا واجزهمــــــــــــا
بالاحســان احســـــــــــــانا
وبالسيئات عفوا وغفـــرانا
رسالة sms :
الموقع : قلب أمي مصر
دعاء :
اوسمتي :
| | موضوع: رد: اشعار علي سلامة(متجدد) الأربعاء 15 يونيو 2011, 3:59 pm | |
| اشعار علي سلامة(متجدد) الطريق الدائري
جميل منظر النيل..
من ع الدائري..
والنسمة اللي بتقدر تفوت..
سرقة كده من وسط البيوت..
بس يا ريت بقي..
حد يلحق الشجرة الكبيرة..
قبل ما تدبل وتقع وتموت..
أسند علي سور الكوبري الحديد..
وأحلم وأسرح بعيد..
يصحيني صوت عربيات شايلة كراتين..
أغني هلت بشاير الدعم..
يا حلاوة بطاقة التموين..
بس من إمتي السكر والسمن..
بيمشوا ف حراسة الأمن..
وتحت عيون المخبرين..
قلت يا واد
اقطع الشك باليقين..
سألت واحد م السواقين..
سكر ده يا حاج..
قاللي ده مر متعبي ف شوية قوانين..
قلت خير برضه..
يمكن عشان نحارب الفقر والجهل..
ويرجع تاني يطلع الفرح سهل..
م القلب الحزين..
أم يمكن عشان الاحتكار..
وحدوتة الأسعار..
والتجار الطماعين..
أو يمكن عشان الصحة والتعليم..
والطفل اليتيم..
وحقوق المعاق قبل السليم..
أخيراً بقينا بني آدمين..
لكن لما سمعت صوت بيقول..
إنت ياض يا اللي هناك..
يا زفت الطين..
عرفت إن ده كله عشان نخاف..
ونخاف ونخاف..
أكتر ما إحنا خايفين.
**************************
الغـــــم النبيــــــل
مش أنا امبارح
رحت من بيتنا في السيدة
للشغل في حلون
في سبع دقايق
لا شوفت حد زعلان
ولا حد متضايق
والورد إنسان
والنخل متعايق
والناس جميلة مؤدبة
والجو رايق
والدنيا ماشية لوحدها
ولا حد سايق
ومش انا
امبارح برضه
رجعت من الشغل في حلوان
لبيتنا في السيدة
في خمس دقايق
لا حاسس بغربة
ولا شايف غريب
وقلبي ابيض حليب
عندليب
كروان فرحان
شايل ف قلبي وف جيوبي
الفرح أشكال وألوان
وزعت ع الشوارع
والبيوت والجيران
وطلعت البيت
ضربت الجرس
فتحت مراتي وبالأحضان
والعيال كمان فرحانين
ناجحين وجايبين
الدرجات النهائية
من غير دروس خصوصية
قمنا رقصنا وغنينا
واحتفلنا واتغدينا
فضلة خيرك
سمك واستاكوزا
وجمبري م الكبير
وحلينا ب مهلبية
وشربنا الشاي كمان
وفجأة
لقيتني بردان بردان
بصيت لقيت
الشباك مفتوح
ومفيش بطانية
ومراتي جنبي وزي ما هيه
لسة بتعاني من آلام المفاصل
وده اللي حاصل
والحمد لله
على كل شيء
*************************
الحتة دى بتوجعني
بجد بجد بجد..
هو ده المناخ..
بس إنت إيه بقي..
بلاش سمك..
وبلاش أمل..
وبلاش وطن..
وبلاش فراخ..
وهاتبقي زي الفل..
شوف..
الواد ده كان دمه عسل..
ماعرفش ليه بلم كده..
ومسخ وباخ..
والواد زهقان م الكسل..
ع الحلم راح لف لما داخ..
والواد ده بقي فعلاً بطل..
بيكسب فرنسا والبرازيل
ف البلاي ستيشن
ويوقع كل الطيارات طيخ طاخ..
هو أنا ليه كل ما أقابل حد
يقوللي الحتة دي بتوجعني..
والحتة دي بتوجعني..
بقي معقول الناس..
بعد العمر ده كله ما تعرفش..
إن الطعمية بتعمل انتفاخ.
يا راجل..!!!
|
|
| | |
Dalal
صاحبة المنتدى
تاريخ التسجيل : 08/01/2011
عدد المساهمات : 10987
نقاط : 24782
الابراج :
المزاج : مهمومة ببلدي
العمر : 67
تعاليق : ربّـــــي اغفر لـي ولوالـديّ
وارحمهما كمــا ربيـــــانـي
صـــغيرا واجزهمــــــــــــا
بالاحســان احســـــــــــــانا
وبالسيئات عفوا وغفـــرانا
رسالة sms :
الموقع : قلب أمي مصر
دعاء :
اوسمتي :
| | موضوع: رد: اشعار علي سلامة(متجدد) الأربعاء 15 يونيو 2011, 4:08 pm | |
| اشعار علي سلامة(متجدد) بمنتهى البراءة
سألتنى الصغنتوته نور
فى اربع خمس امور
قالتلى بابا يا بابا
مش انت يا بابا
بتكتب اغانى
وتقول اشعار
انا سمعت الشيخ يا بابا
بيقول انك يا بابا
هتروح النار
زى الناس الوحشين
الحراميين الكفار
قوللى يا بابا
يعنى ايه استعمار
يعنى ايه نيل
يعنى ايه هرم
ومين اللى حط النسر ده
فوق العلم
يعنى ايه يا بابا
استفتاء
ويعنى ايه انتخاب
ويعنى ايه حر
ويعنى ايه نصاب
وايه هو الاغتصاب
ويعنى ايه اختلاس
ويعنى ايه هجاص
ويعنى ايه خصخصة
********************
أنا المواطن نقط نقط نقط
ولا بتهان وأسكت زى زمان
أنا بصرخ وأكتب وأبعت وأتكلم ...
وأسمع بقى يا معلم ...
أنا المواطن نقط نقط نقط....
رقم قومى نقط نقط نقط...
محل الأقامة نقط نقط نقط بجوار البنزينة
بصراحة حرام تعملوا فينا نقط نقط نقط...
وتطلعوا نقط ونقط أهالينا ...
عملتوا انتخابات وكلها نقط نقط نقط ...
وشيلتوا وحطيتوا حاجات نقط نقط نقط ...
بصراحة ...
أنا بقيت قدام مراتى حاسس انى مش نقط خالص ...
وأقولها نفسى أبقلى نقط بجد ..
تقولى يا اخويا ماتحرقش دمك
محدش بينفع حد...
حسك ف الدنيا ..
بكرة تبقى نقط نقط نقط ....!!!
***************************
انا قلبى بيدق بمزاجه !
أنا قلبي بيدق بمزاجه
وكل تلات دقات
يعدي دقة
أقوله مالك
يقول مفيش
يا عم مالك
يقول مفيش
بتحب؟!
يقوللي لأه
عجزت؟!
يقوللي لأه
ده أنا بس بفكرك
إنك مش حمل زقة
ما أنا قلبي غلس غلاسة
أقوله الدنيا حلوة
يقوللي بلاش سياسة
وبيرفض الحراسة
ويطير يحلم يغنى
ويحب غصب عني
علني وف الخباثة
ويرجع يدق بمزاجه
وكل تلات دقات
يعدي دقة
|
|
| | |
Dalal
صاحبة المنتدى
تاريخ التسجيل : 08/01/2011
عدد المساهمات : 10987
نقاط : 24782
الابراج :
المزاج : مهمومة ببلدي
العمر : 67
تعاليق : ربّـــــي اغفر لـي ولوالـديّ
وارحمهما كمــا ربيـــــانـي
صـــغيرا واجزهمــــــــــــا
بالاحســان احســـــــــــــانا
وبالسيئات عفوا وغفـــرانا
رسالة sms :
الموقع : قلب أمي مصر
دعاء :
اوسمتي :
| | موضوع: رد: اشعار علي سلامة(متجدد) الأربعاء 15 يونيو 2011, 4:14 pm | |
| اشعار علي سلامة(متجدد) إمتحان نص السنة.
اختار الجواب الصحيح
من وجهة نظرك
واحسم أمرك
بدون غش وكدب وتزوير..
■ الفساد فى مصر وصل إلى:
- الركب
- منطقة أسفل القفا
- أبعد كتير من المناخير..
■ مجلس الشعب عبارة عن:
- قبة تحتها مفيش
- قبة تحتها كراسى
- قبة تحتها دكان عصير
■ مين اللى وضع المادة ٧٦:
- بكر الترزى
- ميكانيكى دستور مشهور ف عابدين
- عمل مشترك بين ميكى وسمير
■ كيف يتم اختيار عضو مجلس الشعب؟
- عن طريق الاتصال بـ ٠٩٠٠
- اللى يجمع أكبر عدد من أكياس البطاطس
- اللى قضى الخدمة العسكرية ف البلكونة
واتعلم ينط من ع المواسير..
■ المؤهلات المطلوبة لشغل وظيفة وزير:
- دمه خفيف وعنده رؤية مش واضحة
- عنده لاب توب وموبايل بكاميرا
- عنده ١٧ بدلة ماركات و١٦ كرافتة حرير..
■ كيف يتم إقالة الوزير؟
- يبعتوله رسالة ع الموبايل
- يقولوله روح اتطعم
- إزالة كشك الحراسة اللى قدام بيته مع سحب الغفير..
■ الهجوم على البرادعى يعتبر:
- أكل عيش
- قلة أدب
- التطور الطبيعى لأصوات الحمير..
■ مصر بتعمل إيه بفلوس الضرايب؟
- بترفع مستوى معيشة النصابين
- بتشرب بانجو وتلعب قمار
- بتدفع أتعاب المحامى وغرامات التأخير..
■ أزمة مباراة الجزائر فين؟
- عند بتاع الطرشى اللى ف القلعة
- فى قهوة المعلم سعد رزة
- فى قلب اللحاف القديم
اللى نايم تحت السرير..
■ العملية التعليمية فى مصر:
- تساعد على ارتفاع معدل البطالة
- تساعد على انتشار أمراض القلب
- تساهم بشكل ملموس
ف التهاب البواسير..
■ إحنا بنبنى الكبارى عشان:
- مصر تنام تحتها
- المواطن يرتاح عند نزلة الكوبرى
- ننقل الأزمة
من ٦ أكتوبر لميدان التحرير..
■ السؤال الأخير:
أكتب فى سطرين أو كلمتين
أو ما تيسر..
عن معنى كلمة جهة سيادية
ولو ف وسط الطريق
القلم نزف أو اتكسر..
إوعى تبطل غُنا.
************************
أنا حاسس إن الموت
ماخدش منك غير الطرحة
والجلابية السودة
ما أنا كل ما عدي جنب الأوضة
أسمع صوتك
وانتي بتضحكي ع الدنيا
وبتدعي لي
روح
ربنا معاك
هاتسافر
وهاترجع مجبور الخاطر
وهاستناك
طب إسندي علي كتفي
بكره تقومي
بكره تخفي
عارف مين يا ابني بيقع ويقوم
أوعي تدور ع الدفا
في فلوس وهدوم
ومتنساش تحوش شوية أصحاب
وافرح أوي لما يدق الباب
وتلاقي حد بيحضنك
لوجه الله
ياه
فاكره يامه لما كنتي
تعملي البصارة
وتدي منها لأبلة سارة
يرجع الطبق رز بلبن
يروح لأم حسن
يرجع صنية بسيسة
تدي منها لخالتي بيسة
ويرجع الطبق مليان حب
معقول كل ده قلب
عارفة يامه
النهارده بقيت بخاف بجد
بخاف من أي حاجة
ومن أي حد
بخاف غصب عني
اتخبط ف حد
لحسن يعملي محضر
ويطلب تعويض
مشيت كتير يامه
بس الفرح لسه بعيد
ياتري لسه بتدعي لي؟
************************
إنت وضميرك
هو ينفع تسلم حد..
مالك..
وحالك..
وعيالك..
وفوق منهم مصيرك..
وتنام..
وتقوله خد بالك..
إنت بقي وضميرك..
ينفع تحرس وطن..
بحاسة الشم..
طب هاتعمل إيه لو يوم..
ضاعت مناخيرك..
ويوم يطير النوم من عينك..
ويضيع من قلبك الإحساس..
تلوم المخدة اللي علي سريرك..
خليك بقي مستني الغراب..
وشوف إيه هايرميلك.
|
|
| | |
Dalal
صاحبة المنتدى
تاريخ التسجيل : 08/01/2011
عدد المساهمات : 10987
نقاط : 24782
الابراج :
المزاج : مهمومة ببلدي
العمر : 67
تعاليق : ربّـــــي اغفر لـي ولوالـديّ
وارحمهما كمــا ربيـــــانـي
صـــغيرا واجزهمــــــــــــا
بالاحســان احســـــــــــــانا
وبالسيئات عفوا وغفـــرانا
رسالة sms :
الموقع : قلب أمي مصر
دعاء :
اوسمتي :
| | موضوع: رد: اشعار علي سلامة(متجدد) الخميس 23 يونيو 2011, 7:39 pm | |
| اشعار علي سلامة(متجدد)
كلام فى سرك
***************
طول عمرك وأمك هى اللى بتختارلك..
المدرسة والمريلة والشنطة..
والألوان والكراريس
والحلاق..
طول شعرك..
نوع حزنك..
وكلامك..
وميعاد نومك..
حتى الأحلام والكوابيس..
أصحابك.. والكلية
وخط السير
والتذكرة والأتوبيس..
والمصوراتى..
وحدود ضحكتك..
الترزى..
ولون القميص..
وعلى ده الحال
لحد ما كبرت وبقيت أب
وابنك بقى طولك
كلام فى سرك
الله يكون فى عونك
بعد العمر ده كله
مطلوب منك تختار لبلدك
دستور وبرلمان ورئيس
يا ترى دى ورطة
ولا تحدى..
خلاص
لا ينفع أمك تختارلك
ولا ينفع تصرخ تانى
حلق.. حوش..
الحق يا بوليس.
*****************************
بتنسى يا فارس .؟؟
*************
بتنسى …
يا فارس ..
فلوس المدارس
و كأنك ...
ولا فاكر خالص
ولادك يا اخويا ....
بتدرس لغات ..
ده غير الباصات
وإلا الدروس ..
ها تبعت فلوس ..
بتنسى يا فارس ..
أتارى لأسامة ..
وجزمة سلامة ....
و شنطة منال
ما هم العيال
بتنسي .. يا فارس
قماش الستاير ..
و داير يا قلبى ..
في نفس الدواير ..
وبا ارجع الاقي ..
الصغير ... صغير
ونفس الشوارع ..
بتحلم تغير ...
بتنسي ..
يا فارس ....
في أول أجازة ..
نشوف الأراضي ...
في مصر الجديدة ...
يا إما المعادي ....
ها تنسي ..
يا فارس ....
**************************
بحب البرد!!!!!!
**************
بحب البرد..
ويا سلام لو حد هرب م الدوشة
وراح وجابلى ورد..
وأموت م الفرحة والدهشة
لو كتبت قصيدة
وقولتلى حلوة
قولها تانى
أتنطط زى العيال الصغيرين
وأقولك احلف
والله العظيم
بتتكلم جد..
يمكن عشان أيام الفرح قليلة
سهل تتعد..
عارف
رغم إن المخازن
كل يوم بتتحرق
ومفيش حساب ولا جرد..
ورغم وجود السيرك
والأراجوز
والتلات ورقات
وجوز وفرد..
عمرى ما اتمنيت أكون أمير
أو ولى عهد..
لكنى بحلم بوطن
مفيهوش ولا حارة سد..
وطن بيفرح بحاجة
غير وصول المنتخب كاس العالم
وحزنه أنبل
م الدموع البلاستك
وعمليات التجميل
والشفط والشد..
عارف
رغم إنها
بتقع..
بتغرق..
بتتنيل بستين نيلة
لكن جميلة
وعمرها ما هاتتهد
عشان كده
أنا لسه بحب حاجة
ولسه ف قلبى حد
***************************
بص .. حا أقولك ...
**************
بص .. حا أقولك ...
م الأخر ...
أنا عندي عربيه ...
مركبتهاش …
ومعايا فلوس ...
مكسبتهاش ….
وجوزوني بنت حلوة ...
محبتهاش ….
وإشتريت بدلة جديدة ...
ملبستهاش ….
كسرت الحمام وغيرتة
محستش بأي إنتعاش ..
خدت بعضي علي جنب ...
وكان يوم حر ... رطوبة ...
وقولت لروحي ....
إيه ياعم ...
إنت طوبة .....
قاللي لأ ....
يا صحبي دي حسبة ...
ومحسوبة …
أنا أصلي زمان .....
لمست قلبي ..
غنوة حب جميلة ... جميلة
لكن يا خسارة ...
محضنتهاش
|
|
| | |
|
