هاجم مساء اليوم، الخميس، أكثر من 50 شخصاً، مدججين بالسلاح الأبيض
والأسلحة النارية وأسطوانات الغاز، منطقة شارع بورسعيد التجارى بالمنصورة،
وشارع السكة الجديدة المعروف "بشارع الصاغة"، على بعد أمتار من مديرية أمن
الدقهلية وقسم أول المنصورة، وحطموا كل ما فى طريقهم، وأطلقوا الأعيرة
النارية بصورة عشوائية.

أسفر الهجوم عن إصابة عدد من المواطنين، بإصابات خطيرة، وقاموا بتحطيم عدد
من السيارات، من بينها السيارة رقم "د س ر 5174" ملاكى دقهلية والسيارة رقم
"د ص ا 2693"، بالإضافة إلى عدد آخر من السيارات، كما قاموا بتحطيم عدد
كبير من بضاعة الباعة الجائلين، وذلك فى ظل انعدام أى تواجد أمنى للتصدى
لهؤلاء البلطجية، وتم إغلاق محلات الذهب وإغلاق المحلات التجارية.

واكتفت مديرية الأمن بتشديد الحراسة بالبنادق الآلية عليها، من الداخل،
وأغلقوا أبواب قسم أول المنصورة، ولم تتحرك أى قوة أمنية إلى مكان الأحداث،
ولا تزال عمليات التحطيم مستمرة.

وأكد شهود عيان لـ"اليوم السابع"، أن هؤلاء البلطجية من قرية كتامة مركز
طلخا، وجاءوا انتقاما لإصابة أحدهم على أيدى أحد الباعة الجائلين منذ
يومين.

يذكر أن المنطقة كانت تشهد تكدساً كبيراً من المواطنين الذين خرجوا إلى تلك
المنطقة التجارية لشراء مستلزمات العيد، وهو ما تسبب فى إحداث حالة من
الفزع بين المواطنين.

واكتفت مديرية الأمن بتشديد الحراسة بالبنادق الآلية عليها، من الداخل،
وأغلقوا أبواب قسم أول المنصورة

سلام للداخلية
و تحية لاسود الداخلية
رجالة من ضهر رجالة
لنا الله

والله يا دوللي انا ابتديت اقلق عليكم كده
ليه المنصورة فيها كم العنف والبلطجة دي ؟؟؟
طبعا كل المحافظات فيها الكلام ده
لكن انا لاحظت ان النسبة عندكم كبيرة جدا
ربنا يخللي لنا الحكومة ورجال الأمن
وسلام ياجدع.

الحمد لله

قدر و لطف يا دودى

احنا كنا فى نفس المكان ساعتها عند اخت مصطفى

ساكنة فى الشارع ده

و شوفنا اللى حصل من بلكونتها

و لما رجعنا اندهشت ان لقيت الخبر بسرعة على النت

المزعج انه كان فيه ناس من الشرطة

بس جريوا و استخبوا مع الاهالى فى بوابات البيوت

المذهل فعلا ان القسم و مديرية الامن بينهم و بين المكان ده 50 متر

انما نقول ايه منتهى الاستهتار

بالنسبة لسؤالك يا دودى

شوفى

المنصورة معروف عنها الكثافة السكانية العالية جدا جدا

ضيفى عليها الفقر و البطالة

تلاقى المحصلة عشوائيات مدججة ببلطجية و حرامية و عصابات كبيرة او مصغرة

ده عادى فى كل مصر

بس اللى مش عادى بقى

هو ان الامن عندنا معدوووووووووووووووووووم

لا مباحث ولا حتى مرور

المعركة دى السبب فيها الباعة الجائلين

دول مكتسحين لكل شبر فى المنصورة

مين اللى سمح لهم بالاكتساح ده؟

مش بتوع المرافق و الشرطة اللى بيقبضوا منهم؟

و العصابات اللى قاطعة الطريق الدولى بتاع جمصة و دمياط مش معروفين يعنى و مرابطين للطريق ده؟

طب فين الشرطة منهم؟

عارفة المعركة دى فضلت مستمرة اد ايه؟

3 ساعات

و لولا ان محلات الدهب قفلت بسرعة

كان حصل كارثة اكبر لا يعلم مداها الا الله

المنصورة يا دودى كانت "عروس النيل"

دلوقتى خلاص

بقت "عبوس النيل"

مشكورة على المرور يا دودى