تكليف «الجنزوري» رسميا
بتشكيل حكومة الإنقاذ الوطني

بعد استقبال المشير محمد حسين طنطاوي للدكتور كمال الجنزوري لتشكيل الحكومة، وعقب انتهاء اللقاء بينهم كلف المشير طنطاوي الدكتور الجنزوري، بتشكيل حكومة الإنقاذ الوطني علي أن يبدأ في مشاورته في تشكيل الحكومة صباح غدا الجمعة.

الجدير بالذكر أن شباب التحرير رفضوا فكرة قيام الجنزوري بتشكيل حكومة الإنقاذ، حسب الأنباء التي ترددت عقب لقاؤه مع المشير، وأكدوا أنهم سوف يستمرون في الإعتصام حتي تنفيذ مطالب الثورة.

كلمة من قلبي لشاب التحرير
إهدوا بقى ربنا يهديكم خللوا البلد توصل لبر الآمان
لو بتحبوا مصر زي مابتقولوا حاولوا اننا نوحد جهودنا لنصر بلدنا
مهما كانت طوائفنا او معتقداتنا مصر حتنجح بينا وحتسقط بينا..
نظموا افكاركم وشوفوا الأصلح لمصر لأن خلاص فاضل 3
ايام على الإنتخابات ..سيبوا اللي يتكلم يتكلم ويعبر عن نفسه زي ماهو
عايز..لكن شوفوا الأصلح لمصر واعملوه وان شاء الله نكون كلنا قد المسؤولية..
بالنسبة لشباب التحرير ياريتكم شفتم كم البلطجية والنشالين
والراشين اللي عرضوهم النهاردة عشان مافيش حد يتهم شباب التحرير بالفوضوية واثارة الفتن..ده غير الأمريكان اللي قبضوا عليهم امبارح ومعاهم بنزين وخدوا من ده كتير جدا....
حطوا مصر جوة عينيكم بلدنا تستحق تكون افضلبلد في العالم
وده مش حيتحقق إلا بجهودنا كلنا انسوا الخلافات دلوقتي ..
.وفكروا ان مصر امانة بين بإيدينا حنوصل بيها لحد فين؟؟

برغم تحفظى الشديد جدا على الدكتور الجنزورى
لان الراجل ده اكبر ديكتاتور كان موجود ف مصر وقت فترة وجوده بحكومته
و ده اكيد كان واحد من اسباب استبعاده منها
غير فضيحة توشكى اللى هو كان المتسبب الوحيد فيها ببدايتها
و علاقته المهببة بالصحافة و الاعلام وقتها
بس انا شايفاه مناسب دلوقتى بحكم كونه اقتصادى على كفاءة عالية
يعنى م الاخر راجل بيتكلم و بيتحكم بالارقام
و ده اللى مصر محتاجاه دلوقتى
بس يا ريته ميكونش ف الحكومة دى منفردا - خصوصا لو كانت له صلاحيات واسعة زى ما عرفنا
لان المرحلة دى حرجة جدا
و مينفعش فيها الانفراد برأى فرد دون مشورة
كمان عشان الكلام اللى ذكرتيه يادودى
و ده اللى ممكن يصبرنا على وجوده سبع شهور و بس
و بعدها ربنا ييسر
مشكورة على الخبر يا دودى