لما فستان الفرح يبقى بـ«١٠ جنيه»..
يبقى ديله ناموسية

صاحب المحل يعرض أحد فساتين الخطوبة

على باب محل الملابس الذى يستأجره فى حى المطرية، جلس جمال محمد سليمان يبحث عن زبون ينقذ بضاعته من البوار، فكلما ضاقت الحالة الاقتصادية للمواطنين عانى هو من عدم وجود زبائن، ولذا فكر فى طريقة تجعل محله مزدحماً كما كان قبل سنوات، اشترى «جمال» مجموعة من الفساتين بسعر الجملة ووضعها فى ركن فى المحل وعليها لافتة: «الفستان بـ١٠ جنيه»، فتحقق له ما أراد.

«فساتين أفراح الغلابة».. هكذا وصف جمال بضاعته التى تعتبر أرخص سلعة فى محله، لأنها متهالكة وشديدة الاتساخ وبها الكثير من العيوب، ويعتمد فى بيعها على الزبائن الغلابة الذين لا يجدون ثمن شراء فستان من المحال الكبيرة أو حتى تأجيره من المحال الأخرى، ويعتمد أيضاً على الزبائن الذين يعيدون تدوير الفستان المتهالك ويصنعون من ذيله المصنوع من التلى ناموسية للأطفال مثلاً، أو من الفستان نفسه عدة فساتين للأطفال، المهم أن الزبون الذى عزم بالفعل على شراء الفستان عليه أن يغسله عدة مرات ويكويه حتى يصلح للاستخدام.

وقال جمال: «الفساتين دى بواقى مصانع باشتريها بـ١٥ أو ٣٠ جنيه للقطعة الواحدة وبعدين ببيعها، والفساتين دى كانت جزء منها لكنها ما اتباعتش فقررت أبيعها بـ١٠ جنيه أحسن من ركنتها فى المحل، لأن كمان عرضها برا المحل خلاها لمت تراب والشمس أثرت على ألوانها».

وأضاف: «الفساتين اللى عندى أرخص من البنطلون الجينز اللى بيتباع بـ٣٥ جنيه، وأفضل من تأجير فستان من كوافيرة، لأن البنت لو هتأجر فستان مش هيكون أقل من ٥٠ جنيه، لكن ده فستان ملك وبـ١٠ جنيه.. يا بلاش.. ده أنا أعرف بنات ناصحة بياخدوا الفستان ده وبيأجروه بعد غسله وكويه وبيكسبوا فيه».

جمال لديه أنواع أخرى من فساتين الأفراح التى يشتريها البسطاء من محدودى الدخل، وذلك حسب مستوياتهم وقدرتهم على الشراء، فهناك فستان نظيف يتراوح ثمنه بين ٤٠ و٥٠ جنيها، وهناك فستان متواضع بـ١٠ جنيهات، ومع ذلك فرخص ثمن هذا الفستان لم يرحم جمال من فصال الزبائن: «حتى فستان الفرح أبوعشرة جنيه بيفاصلوا فيه وعاوزينه بـ٥ جنيه، ولو كان أقل من كده برضه بيفاصلوا».

لا اله الا الله
كل واحد بياخد رزقه
و كل واحد بياخد على اد مقدرته
سبحان الله مقسم الارزاق
يعنى فيه ناس بتجيب فساتينها من اوروبا بالملايين
و ناس بتفاصل ف عشرة جنيه
مشكورة على الموضوع يا دودى

هي دي مصر يا عبلة
ناس فوووووووووووووق قوي
وناس تحت ومش لاقية
ربنا يرزق الجميع رزق حلال يارب
بكرة ربنا يعدلها من عنده
شكرا حبيبة قلبي على ردك الجميل