* أخد ابن عمي و اتنشر عليه بكمي
و آخد ابن خالي و اتنشر عليه بشالي
* أدى الجمل و آدى الجمال
* آدي السما و آدى الأرض
* أكل فول و أخرج قفاي عرض و طول
و لا آكل كباب ووقفة الديانة ورا الباب
* ابعد عن الشر و غنى له
* ابعدوا تبقوا عسل وقربوا تبقوا بصل
* الابن الردي بيجيب لأهله اللعنة
* ابن الشيبة للخيبة
* أبويا نهاني و قالى على الكسل بطال
اعمل بخمسة و حاسب البطال
* اترك الهم ينساك و ان افتكرته ضناك
* اتعلم الكرم من البخيل
* اجرى يا ابن آدم جرى الوحوش
غير نصيبك يا ابن أدم لم تحوش
* أحمد أخو الحاج احمد الاتنين اخوات
* احيينى النهاردة و موتنى بكره
* أدب ابنك صغير تفرح بيه كبير
* الأدب فضلوه عن العلم
* أدعي على ابنى و أكره اللى يقول آمين
* أدعى على ابنى و قلبى يقول بعيد الشر
* ادى العيش لخبازينه و لو ياكلوا نصه
* ادينى عمر و ارمينى البحر
* إذا اختلف اللصان ظهر السارق و المسروق
* إذا كان الكلام من فضة يكون السكوت من دهب
* إذا كنت بتكره حد ما تقولش قدام عيلك
* اربط الحمار مطرح ما يحب صاحبه
* أردب ما هو لك لا تحضر كيله
تتعفر ذقنك و ما ينوبك غير شيله
* الأرزاق بالله
* اشترى الجار قبل الدار
* أشكى لمين و كل الناس مجاريح
* اصبر على الجار السو ليروح لتجيله زيحة
ويقال ايضا يا تجيله شوطة
* اصعب من رمى الحجر من تحت لفوق
ظريف المعاني يعاشر قليل الذوق
* الأصيل يتعاتب أما الندل ما يتعاتبش
* اضرب السايب يخاف المربوط
* اطبخ يا عبد كلف يا سيدي
* اطلب لأخوك الخير ان ما جالك منه يكفيك شره
* الأعمار بيد الله
* اعمل الخير و ارميه فى بحر جارى
و ان ضاع عند العبد ما يضعش عند البارى
* اعمل اللى عليك و الباقى على الله
* الأعور وسط العمى سلطان
* الأقرع بياكل حلاوة ، قال : بفلوسه
* أكتر من الهم على القلب
* اللى تكره وشه يحوجك الزمان لقفاه
* اكف القدرة على فمها تطلع البنت لأمها
* أكل و مرعى و قلة صنعة
* الله يخليكي يا شدة ياللى تبينى ده من ده
* اللى اختشوا ماتوا
* اللى ايده فى المية غير اللى ايده فى النار
* اللى بنى مصر كان فى الأصل حلوانى
* اللى تجيبه الأرياح تاخده الزوابع

جزاك الله كل خير على هذا الجهد الرائع

وننتظر منك المزيد من هذه المساهمات الجيدة والنافعة

بارك الله فيك وفي جهودك الطيبة

وأسأل الله لي ولـكــم الأجر والثواب