أحمر وأبيض وأسود.. مصر . بلادنا، التى كثيراً ما نراها أزمات.. «بطالة، أطفال شوارع، فقر،.. إلخ». لكن اللى بنى مصر كان حلوانى، واللى فى مصر أحلى، ففى كل حارة وداخل كل زقاق «صورة» تدعوك للابتسام. وفى كل كادر حالة تدعوك للأمل

ضحكة ولاد بلدنا
اتعودوا لما الفرح يوصل
يستقبلوه بالدمع والتعديد
بس الغريبة لو الهموم تحصل
يستقبلوها بضحكة المواليد
■ ■ ■
بضحكة نوبى من بلاد مينا
أو بسمة بتعطر تراب سينا
أو فلاحين دايرين فى سواقينا
بيزرعوا صبح البلد أناشيد
■ ■ ■
عمال بيشقوا ألف وردية
ويصنعوا بنورة سحرية
تبان بلدنا فيها مرضية
ويبان ولدنا فيها راضى سعيد
■ ■ ■
فيقول تاريخ الكلمة والصورة
لسه ولاد النكتة مصريين
فاردين جناح الضحكة تنورة
تدور تنور شمس فى الميادين
■ ■ ■
وأما الأدان ويّا الجرس عَلـّو
بالضحكة ثورة وفى البلد خَلّو
الكل بيصوموا وبيصلوا
عيد أضحى مع عيد قيامة مجيد
■ ■ ■

مصر هى ام الدنيا
مهما حصل ومهما صار فى مصر
حتفضل مصر هى ام الدنيا والعالم هى
حلم لكل الشعوب بانهم يدخلوها ويزوروها
مصر دائما احلى

تسلم ايدك عالموضوع يا دودي

هي دي مصر يا علا
في عز الازمات والصعاب بنضحك
وضحكتنا بتجمعنا وتلمنا في حضن بلدنا الدافية بأهلها