من زمان و للشعر العربي دور بارز في الحياة الأدبية والفكرية والسياسية
وهو يتطور حسب تطور الشعوب العربية والإسلامية
وحسب علاقاتها بالشعوب الأخرى من فرس وروم وبربر وغيرها
والشعر العربي فى الاساس هو اى كلام كتب باللغة العربية
بشرط أن يكون موزونا ومقفى وعلى هذا الاساس بدا يتطور الشعر
من شعر بلغة عربية صرف الى شعر رومانسى خفيف
الى شعر بلغة عامية صرف الى ان وصلنا الى
" الحلزونا ياما الحلزونا".

وياريت وقفنا لحد كده ..
معروف ان شباب مصر مطور وفهلوى
ومفيش مانع من حبة فزلكة على الماشى
ومن هذا المنطق حبة شباب عملوا منتدى شبابى
على الشبكة العنكبوتية وقرروا يكتبوا شعر متطور معاصر
ولكنهم التزموا بالوزن والقافية إذاً عداهم العيب
لأ وشعر يعبر عن حالة مجتمعهم وكمان علاقاتهم بالشعوب الاخرى ..

اسمع يا سيدى:
قصيدة شعرية بعنوان" الشاب النايتى السيس"

الشاب السيس..سهران فى البارتى..
قشطه و بيس.. يا حبيب هارتى..
انت لذيذ..استاذ فى القلش..والتهييس

الشاب النايتى.. الشاب الكوول..
بنطلونه ساقط على طول ..
جامد وفظييييع..مش معقول..
مُز و جان.. واد عسول

الشاب النايتى.. مالوش فى الشعبى.
.بيسمع راب..وبيسمع غربى..
تك كير بيبى ..تك كير حبى ..
انت حبيبى .. واحشنى يا قلبى

الشاب النايتى.. شاب خواجه..
عايش مش فاهم.. حاجه فى حاجه..
شارب ومشيش.. ضارب كذا حاجه..
و مكبر مخه..اخر حاجه

الشاب النايتى ..واد حبوب ..
حسه مرهف ..قلبه طيوب ..
هدومه لابسها بالمقلوب

الشاب النايتى.. يحب مارينا..
يأنتم مع ساندى..وجوليا وتينا..
يلبس سلسله..وشورت كارينا..
والعب يا ماو..يلا بينا

الشاب النايتى ..مش عصامى ..
بياخد مصروف ..من بابى ومامى ..
يصحى المحروس يروح ع النادى ..
يسلم ويبوس ..مجهود مش عادى

وعجبى

موضوع مميز
في انتظار جديدك
لك مني أجمل التحيات