حمادة صابر المواطن المسحول

فوجئ المصريون بفيديوهات تعذيب المتظاهرين
حمادة صابر الذى تصدر المشهد فى الأيام السابقة بعد تعرضه للضرب والسحل
وتعرض لتهديدات الشرطة وكبار الظباط وتم نقله لمستشفى الشرطة
ليظل تحت أعينهم طوال الوقت (أصلهم حنينين قوي على الشعب)
تغيّير أقواله أكثر من مرة دليل على استمرار عنف الشرطة ضد المتظاهرين
شباب "فيس بوك" استنكروا تصرفات الداخلية وقالوا..

محمد كارم:
رد فعل.. لو كان محمد الجندى مات فى حادثة عربية زى ما النيابة بتقول
يبقى حريق حديقة قصر الاتحادية كان ماس كهربائى.

جلال عبد القادر:
إحنا كلنا خالد سعيد ..
الداخلية: من عينينا حاضر.

داليا أبو عوف:
ايه يعنى لما الظابط يشتمك بأمك أو يرزعك على قفاك..
اعتبره بلطجى بيثبتك يا أخى!!

زينب العقاد:
نقل المستشار اللى حقق فى قضية حمادة صابر لبنى سويف!
تقريبا كده يا جدعان بنى سويف دى عاصمة الفاتيكان!!

وردة النعناعى:
السياسة والثورة ومصرعموما بقوا بالنسبالى شوية ضحك ومواقف كوميدية!