[b][color:5d7f=bl
نفسى اكلم بابا واحشنى حاسه انى لوحدى ومحتجالوه اوى نفس احس ان ليا حد ضهر ليا نفسى اشكيله همى نفسى ابكى فى حضه نفس يرجع تانى يارب سامحنى انا مش بعترض على قضائك بس انا تعبانه صعب تكون مهموم مش قادر تتكلم عشان ماتشيلش انسان عايش معاك بس للاسف هو ميت وانت عارف ده وطول الوقت بتضحك وتقول كل حاجه هاتعدى بس تعبت واللهى تعبت ارحع بقا انا محتجالك يابابا ارحع انا .............................................ack]

حبيبتى دربكة

انا كمان و الله حاسة بيكى

انا بنت وحيدة لاخ واحد

والدى كان أغلى شئ ليا بالكون و كان قريب منى جدا لدرجة محدش يتخيلها

و هو صاحب الفضل الاول بعد ربنا فيما وصلت له من علم و ثقافة و لله الحمد

و جاءت وفاته مفاجئة و بتوقيت غريب جدا - بعد قراءة فاتحتى بيومين ويوم ما كنت هاشترى الشبكة

زى ما يكون كان بيسلم امانة لواحد .. اداها له و ارتاح

لكى ان تتخيلي حالتى النفسية بعدها

يوم وفاته حسيت ان ضهرى اتكشف

مكنتش حاسة الموضوع ده قبلها و مكنتش افهم فعلا معنى الكلمة دى

بس ده الواقع

انما حبيبتى

احزاننا بتاخد وقتها ولازم نتغلب عليها لان كده او كده الدنيا ماشية و مبتقفش لحد

كمان لو الحزن و البكاء هيرجع الاموات كانت الدنيا بقت انهار لبكائنا

مش معنى ده انى باقول ننساهم

اكيد لا

لكن انا افكر و اعقل امورى

والدى ادانى كتير جدا جدا بحياته

و ده الوقت الحقيقي اللى لازم ارد له الدين اللى عليا ليه

لازم افيده ف الوقت اللى محدش ممكن يفيده فيه ولا حتى نفسه

يمكن بكائى يكون سبب ف تألمه لان الموتى فعلا و بالادلة بيشعروا بالاحياء

فالاجدى انى ادعى له بالرحمة و المغفرة و اتصدق دايما و اهبه الثواب

و مشاكلى و احزانى انا احاول اشوف لها حل فعلى بدنيا الواقع بدل من انى ابكى على اللبن المسكوب

و مخليش نفسي لعبة للشيطان "لو كان بابا عايش كان حصل كذا.. او مكانش حد يتجرأ و يعمل كذا"

و زى ما دودى قالت احنا هنا كلنا اهلك و احبابك

لو محتاجة مساعدة او مشورة عقولنا و قلوبنا كلنا تحت الامر

لو محتاجة مواساة او مؤازرة مش هتلاقى احن من ايدينا كلنا تطبطب عليكى

و فوضى امرك لله حبيبتى هو خير سند و خير معين

السلام عليكم و رحمة الله
حبيبتي نورا
قعدت من امبارح ادخل اقرا مشاركتك واخرج من غير ما ارد
قلت يمكن هي حبت بس تكتب عشان تفك على نفسها
لاني لاحظت ارتباك كبير في كلامك و معاناه حقيقية
حبيبتي اولا تقبلي تعازي القلبية
لله ما اعطى و لله ما اخد
ربنا يرحم باباكي و يسكنه الجنة يا رب
تانيا حبيبتي زي ما قالت دودي
انا تحت امرك لو محتاجة تتكلمي
وقت ما تحبي و في اي مكان تختاريه
و اخيرا احب اقول لك انه فترة الحداد بتختلف من شخص لاخر
كل انسان على حسب تركيبته النفسية
و الحداد مراحل و ما اعرفش انتي في اي مرحلة دلوقت
لانك ما اعطنيناش معلومات كفاية
عموما حبيبتي
احنا كلنا هنا تحت امرك
عايزة تفضفضي احنا كلنا هنا معاكي
عايزة تكتبي و نسمعك اتفضلي
عايزة تخرجي تعملي شوبينج انا موجوده و عمري ما اقول لاء لرياضة الشوبينج
عايزة تصرخي او تضربي عندنا توتي مجنونة رسمي و ممكن تفيدك كتير
عايزة صدر حنين دودي ست الكل هي الحنان كله بس يا خوفي لانتي اللي تصبريها بدل ما هي تقوم بالمهمة دي
عايزة تفرفشي شوية و تضحكي عندك دوللي و نكتها الجامده
انتي بس قولي نفسك في ايه و حتلاقي كل الحب و الحنان و المسانده
ربنا يحميكي حبيبتي و يصبرك و يقويكي


:smilie 7: :smilie 7: :smilie 7: :smilie 7: :smilie 7:

[b]
lمش قادره اشكركم مافيش كلمة شكرا ممكن توصف اللى جوايا بجد انا عاجزه عن الشكر وربنا يخليكم ليا يأطيب قلوب ربنا رزقنى بيها بجد شكرا
وانا اسفه انى صحيت جواكم اوجعكم بس واللهى الدنيا كانت ضيقه اوى بيا ماكنتش عارفه اروح فين او اشكى لمين بجد انتم اول حد لجاءتله بعد ربنا كنت ماحتاج افضفض
احنا 5 اخوات يعنى ثلاث صبيان وبنتين وانا ترتيبى الرابعه وانا اللى عايشه مع ماما واخويا الصغير ماما تعبت منى جدا وضغطها عاليى جدا جدا والدكتور بقا يصرخ فى وشى ويقولى لازم انقلها حالا للمستشفى كنت لوحدى مافيش حد جامبى ومافيش حد ممكن استعين بيه غير ربنا فى الوقت ده كلهم بعيد عنى .... وفى اللحظه ديه شوفت لحظة ما الدكتره خدو بابا منى
مش قادره اوصفلكم بس مطلوب منى انى برضه اكون صلبه عشان امى لوشفتنى هاتتعب اكتر والحمد لله ربنا كريم وعالم بحالى انى ماليش غيرها ربنا يخليهالى امى دلوقتى بئت بخير
واللى ضغطنى انى الايام ديه ببتدى احضر لفرحى ماهما كانوا اخواتى مافيش فيهم حد يقدر يعوضنى لحظه عن بابا طول الوقت حاسه انى محتاجاه محتاجه يشيل عنى محتاجه احس بس انه زى زمان مسؤل عنى محتاجه الحد اللى ساند ضهرى اللى بيتصدى لكل كبيرة وصغيرة فى حياتى لاول مرة احس اد ايه بابا سايب وجع فى قلبى صعب يتوصف كنت فاكرة انى اتاقليمت بس مع اول حاجه بتحصلى بحس انى من غيره ولا حاجة ماكنش اب عادى كان الطيبه الحنان كان كل معانى الحب والاحتواء كان صاحبى لما كان عايش انا كنت بكره امى كنت بعيد عنها اوى كنت بغير منها ولما مات كانت صدمتى صدمتين لانى كنت بتعامل مع امى تقربيبا لاول مرة بجد يوم مابابا مات انا مابكتش رغم ان كل حاجه حواليه كانت بتبكى كنت بغنى اغنيه لام كلثوم كنا بنغنيها سوا ويوم مابكيت كان بعد الاربعين ساعتها خلاص كان لازم اصدق انه خلاص مش راجع امى كانت بتقولى ابكى بس انا كنت بلبس لبسى عادى وكنت بطلع وانزل مع صحابى عادى وكل ده وانا رفضه اقبل انه مش راجع لحد ماكل الناس مشيت والبيت فضى الساعة 3 الصبح كانت بدايت قبولى للواقع خلاص الناس اللى كانوا زاحمين المكان مشيوا وبرضه مش موجود ديه انا بحس انى من حوه حطام بنأدم وده بيبان لم بحتاجلوه
انا طولت اوى وشركتكم فى همومى بس انا عارفه انكم قلوب طيبه
وده اللى خالانى اخرج من صمتى بس سامحونى لانى عارفه ان كل انسان فيه اللى مكفيه وكل واحد لو دورنا جواه هنلاقى جواه كتير
ربنا يخليكم ليه يأحلى قلوب ربنا رزقنى بيها ربنا عالم انى كنت بدور عليكم اد ايه :kiss you: :kiss you: :kiss you: :kiss you:

السلام عليكم و رحمة الله
حبيبتي نورا الجميله
اسمحيلي ارد عليكيليس بصفتي المهنية و لكن كصديقة و اخت
لانه ليس من حقي و بدون ادن منك ان احلل ما كتبتي
ساحاول فقط ان اعطيك بعض المفاتيح لعلها تساعدك في فهم ما تمري به
نورا,لازم تعرفي ان الحداد مراحل
عندما فقدت والدك احسست بالغضب فقمت بانكار ما حصل
بدلا من ان تبكي او تصرخي قام عقلك الباطن بانكار ما حدت
صدقيني ما حصل في صالحك احيانا يستحسن الهروب و الانكار المؤقت بدل من المواجهة فالانهيار
بعد 40 يوم و بعدما فشلتي في الاستمرار في الانكار بداتي باستيعاب ما حصل و هنا بدات مرحلة المساومة مع الحياه
و بداتي في بناء علاقه جديدة مع والدتك
لا اعلم مند متى توفي والدك
لكن من خلال البوست الاول لك فانت على ما يبدو ما زلتي لم تقتنعي بعد و لم تصلي الى اخر مراحل الحداد و هي القبول
ارى انك محبطة و حزينة
تشعرين يالوحدة و الضعف و بقلة الحيلة
حبيبتي نورا
بعد الانكار والغضب و الاحباط لابد ان تاتي مرحلة الاستسلام
هده المرحلة ليست بالهينة لانها نهاية المقاومة
ستجدين نفسك منقسمة الى قسمين
قسم يريد ان يقبل و يستسلم و قسم يرفض
مرة ستقولين كيف افرح و بابا مات
و مرة ستشعرين و كانك تخونين دكراه
و مرة سوف تشعرين و كانك وحيده و ان الكل ضدك و يتحامل عليكي
حبيبتي هوني عليك
عيشي المرحلة بحلوها و مرها
و لا تعتقدي انك ان ضحكتي او نسيتي او تناسيتي فانك نسيتي والدك رحمه الله
اتعتقدين يا نورا ان والدك كان سيكون سعيدا ادا ما رأكي حزينة مكتئبة خصوصا و انكي مقبله على الزواج؟
حاولي حبيبتي ان تعيشي حياتكي و تستمتعي بالاستعدادات لزواجك
و انتي تحملي في قلبك ذكرى والدك الحبيب
حاولي ان تفعلي ما كان يحب
و تشتري ما تظني سوف يعجبه
بدلا من تنفري من الحياه ادرجي ذكرى والدك في حياتة اليومية
دون ان تشعري بانك ان فرحتي فسوف تمحي وجوده في حياتك
والدك صحيح فارقك لكن بصمته متجلية كبيرة في حياتك
مستحيل ان يمر يوم دون ان تتدكريه و تشتاقي اليه
ان الله ادا اغلق باب فتح نافده
و ان كنت فقدت والدك فالله عوض عليك بزوج سيكون سندا لك
كما انك كسبت صديقة جديدة الا و هي والدتك
حاولي ادراج هاذين الشخصين في حياتك و لا تنسي ان تدعي لوالدك بالرحمة
الحمد لله اننا مسلمين و ان الله بشر بالجنة الصابرين اللذين ادا اصابتهم مصيبة قالوا انا لله وانا اليه راجعون
ارجو حبيبتي ان اكون قد نجحت في توصيل ما كنت اريد قوله
و اسفه ان لغتي العربية ضغيفة نسبيا
فقد اجتهدت كتيرا كي اترجم هته السطور
و انا تحت امرك في اي وقت و باي وسيله تختارينها
اتمنى اسمع اخبار جميله في اقرب وقت
و ما تنسيش اننا هنا كلنا عيله مع بعضينا

:smilie 7: :smilie 7: :smilie 7: :smilie 7: :smilie 7: :smilie 7:

[b]