موضوع مهم جدا يا دودى..

كلنا عدينا بالمرحلة دى..

منا اللى عدت معاه سليمة و لله الحمد..

و منا اللى معرفش يتكيف و جاتله مشاكل نفسية بالهبل..

و منا اللى وفرها لوقت اخر (المراهقة المتأخرة) ههههههههههههه..

انا ف رأيى ان تعامل الاهل مع المراهق دى حاجه مهمة..

لكن الاهم منها هو تقبل المراهق لاراء الاخرين..

بمعنى ان المراهق نتيجة للتغيرات اللى ذكرتيها بيحس انه كبر..

و بيكون لزام عليه يحدد شخصيته زى ماهو شايفها..

و بيكون شايف انه اول خطوة فيها هو التمرد - بلغتنا احنا الكبار - على اراء المحيطين بيه..

من اسرة.. لمدرسين.. و يمكن لمجتمع كمان..

انا باستغرب جدا لما باسمع منهم دلوقتى كلمة "دى بلد تقرف .. اى دولة تانية برقبتها"..

مع انهم لا شافوا قرف البلد دى ولا شافوا عز غيرها ..

لكن اهو تمرد و بس..

كمان هما بيعتبروا خوفنا و نصايحنا تسلط..

و بيكون مرفوض تماما بالنسبة لهم..

فأنا من وجهة نظرى ان اللى لازم يتوجه هو المراهق مش الاهل..

بس ازاى؟

دى المشكلة..

ساعات البعض منا بيلجأ للاخصائيين الاجتماعيين بالمدارس..

بس المصيبه ان دورهم اتهمش ف رحلات و حفلات و تقارير و حاجات بتكون عندهم اهم من مشاكل الطلبة - اللى بيعتبروها حاجات هايفة..

كمان مفيش عندنا ثقافة "طبيب الاسرة النفسي"..

يعنى لسه بنعتبر زيارة النوع ده من الاطباء للمجانين بس..

و اللى بيعترف بيه بيعتبره مصدر خطر صحى "هو مش هيعمل حاجه غير المنومات و دى خطر"..

و بنقف بعدها محلك سر..

لا عارفين نوجه المراهق..

و لا عاوزين نخلى غيرنا يساعدنا فى وقت المشكلة..