الاكل نفس زى ما بنقول





و الشطارة بتبان فى حاجتين و بس



الملوخية



و المحشي



و لكل شيخ طريقته زى ما بنقول



و انا جربت المحشى بكذا طريقة



و لقيت انه فيه تكات كده بتتعمل عشان المحشي يبقى وااااااااااااااااااااو بجد



انا مجرباها و بجد بيبقى احلى و ألذ محشي



التكات دى ايه؟



1- ألذ محشي بجد هو اللى بيبقى "نيئ فى نيئ" .. يعنى من غير تسبيك .. ازاى بقى؟



ادعكى البصل (و يكون كتير و مبشور فى الكبة) بملح و فلفل اسود و كارى و اخلطيه مع صلصة الطماطم بعد ما تتسبك على النار من غير زيت و مع الخضرة المتقطعة و ضيفيه للارز و ضيفى معاهم معلقتين سمن بلدى او نباتى





2- ضيفى كسبرة خضراء كتييييير و كمان عودين نعناع اخضر او معلقة نعناع ناشف





3- افرشي ارضية الحلة بقطع من دهن دجاج او دهن لحم (بتسيح عند الطهى و بتدى طعم و ريحة خطيرة





4- افرشي ارضية الحلة بحلقات بصل و فلفل اخضر و طماطم و قطعى معاهم فصين ثوم و رشي عليهم ملح و فلفل اسود و كارى (ممكن تحطى فى كل سطر شرايح فلفل اخضر بتدى ريحة حلوة للمحشي





5- أحلى محشي بجد هو اللى بيبقى فيه لحوم او دجاج.. و عشان يكون لذيذ يبقى نتبل اللحمة او الدجاج و نخليهم فى ارضية الحلة مع البصل الحلقات.. و ألذ لحمة مع المحشي هى اللحمة الريش تليها الموزة و بعدهم الدجاج





6- سيبك من انك تشيلى شوربة للمحشي و كده.. اطعم محشي هو اللى بتحطى عليه عصير الطماطم.. اضربى الطماطم بالخلاط بقشرها و ضيفى لها ملعقة صلصة و مكعب مرقة و معلقة سمن بلدى و رشة ملح و فلفل اسود





جربوا المحشي بالطريقة دى و صدقونى مش هتندموا



و بالهنا

تسلمى يا دودى انتى و لولو يا رب



اخجلتم تواضعنا يا جماعة



انا اللى بقيت بامشى على وصفاتكوا اللذيذة بمطبخ طعم البيوت



و يا رب دايما عامر