المقادير:-



سمك بورى كبير الحجم حسب عدد الافراد (كلما كان البورى كبير كان افضل للوصفة دى)

للحشو:-

فلفل اخضر حامى مقطع حلقات (وده حسب الرغبة)

طماطم تقطع مكعبات

فلفل اخضر مقطع مكعبات

ربطة كسبرة خضراء و كرفس (ممكن الاستغناء عن الكرفس للى مش بيحبوه زى حالاتى و استخدام ربطة شبت)

بصل مقطع مكعبات (ممكن الاستغناء عنه و استخداه نصف كوب توم مفروم لو حابين الوصفة زى الاسكندرانى)

للتتبيل:

بهارات مشكلة (ملح - فلفل اسود - كمون - كسبرة - شطة )

معلقتين توم مفروم

عصير خمس ليمونات

زيت

للتغطية:-

دقيق

زيت



الطريقة:-

1- يغسل السمك جيدا و يشق طوليا من الرأس حتى الذيل

2- تنضف البطن و تنزع الخياشيم من الرأس و اذا امكن نزع سلسلة الضهر يكون افضل طبعا

3- يتبل السمك بالبهارات و الليمون و التوم من الداخل و الخارج

4- تخلط مقادير الحشو و ترش بمعلقة ملح و توضع بداخل السمكة بالكامل

5- تفرش الصينية المستخدمة للطهى بورق فويل و تدهن بالزيت

6- يغطى السمك بالدقيق و يرش بالزيت و يرص بالصينية

5- تغلق الصينية بورق الفويل و تدخل الفرن على نار متوسطة فترة من نصف ساعة الى ساعة - حسب وزن السمكة

8- بعد التأكد من نضج السمك تكشف الصينية لتحمير السمك تحت الشواية

9- تغطى الصينية عند خروجها لفترة ثم تقدم مع رز الصيادية و الطحينة

و بالهنا

بارك الله فيك على الموضوع القيم والمميز

وفي انتظار جديدك الأروع والمميز

لك مني أجمل التحيات

وكل التوفيق لك يا رب

اخى الفاضل الميالى

نورت الموضوع بمرورك الكريم

ونورت مطبخنا العامر

دودى حبيبتى

ربنا يكرمك يا رب

انا عارفة انك استاذة ووصفاتك لا يعلى عليها

انتى ممكن تلاقى اكتر من وصفة للسنجارى

بس صدقينى دى اجمل وصفة

مجربة و على ضمانتى

جربيها و عرفيني النتيجة

و بألف هنا مقدما حبيبتى